Unicode
~~~~~~~
"အဟား ကောင်းပါ့ဗျာ
ရော့...ထပ်စားချည်အုံး။ "
'ကျောက်ခဲလေး'ရဲ့
အဖြေကြောင့် သူပျော်ရွှင်သွားရတာမို့
ကောင်ငယ်လေးကို ချောကလိတ် ထပ်ခွံ့ပေးလိုက်တယ်။'ကျောက်ခဲလေး' သာကြိုက်တယ်ဆို
ပါလာသမျှ ချောကလိတ်တွေ
အကုန်သူလေးအတွက်ပဲဖြစ်ရစေမယ်။
"ကိုကြီးကျောက်ခဲ...ပန်းနေပလား
ကျုပ်မောင်းရမလား။"
အရှေ့က စကားပြောသံတွေကြောင့် 'ဇီးကွက်'လဲ
အိပ်ရာကနေနိုးသွားရပြီး စကားကောင်းနေတဲ့
'ကျောက်ခဲ'ကိုလှမ်းမေးလိုက်တယ်။
"ရတယ်...ဇီးကွက်အိပ်ရေးမဝသေးရင်
ထပ်အိပ်လေအုံး။"
"ရပါတယ်...ကျုပ်ကအိပ်ရေးဝနေပြီ
ကိုကြီးကျောက်ခဲလဲ ခဏနားအုံး။
မနက်ကလဲ အစောကြီးထရတာမို့လား
ညကလဲအိပ်မှမပျော်တာဘဲဟာကို။"
"ဟုတ်သား...ကျောက်ခဲလေးရယ်
ခဏလောက်နားလိုက်ပါ၊၊ မင်းလေး
မျက်လုံးတွေချိုင့်နေပြီလေကွယ်။"
'ကိုသိင်္ခ' ကပါပြောလာတာမို့
ကျုပ်လဲငြင်းမနေတော့ဘူး။
လှည်းကိုခဏ ရပ်လိုက်ပြီး 'ဇီးကွက်'ကိုပဲ
မောင်းခိုင်းလိုက်တော့တယ်။
"ဒါဆိုလဲရော့ကွာ...မင်းပန်းလာရင်
ကိုကြီးကိုပြောပေါ့။"
မနေ့ညကလဲကောင်းကောင်းအိပ်မပျော်တော့
ကျုပ်လဲငိုက်နေပြီဗျ။ရွာရောက်ဖို့လဲ
သိပ်မလိုတော့ဘူးဆိုတော့ကျုပ်လဲ နောက်ကနေလှည်း'ရံတိုင်'လေးကိုမှီပြီးလိုက်လာခဲ့တော့တယ်။
တဖြည်းဖြည်းနဲ့အိပ်ပျော်လို့သွားတဲ့ကောင်ငယ်လေးရဲ့ခေါင်းကို 'သိင်္ခ' အသာလေးဆွဲယူပြီး
သူ့ပေါင်ပေါ်တင်ထားလိုက်တယ်။
"ကျွတ်...ကျွတ်!။
အဲ့ဒီနောက် နေရာအပြောင်းအလွှဲကြောင့်
လွန့်လူးလာတဲ့ကောင်ငယ်လေးရဲ့
ကျောကုန်းကိုလဲကျွတ်သပ်ပြီး
ပွတ်ပေးလိုက်ရသေးတယ်။
ဒီရက်ပိုင်းတွေမှာ 'ကျောက်ခဲလေး'
ရဲ့အကျင့်တွေကိုအကုန်မဟုတ်ပေမဲ့
အရင်ကထက်ပိုပြီးသူသိခွင့်ရခဲ့တယ်။
ကျေးတောသားလေးပီပီ
စိတ်ထားလေးကလဲအရိုးခံ ၊ အလုပ်ဆိုရင်လဲ
မြင်သမျှကိုကူလုပ်ပေးတတ်ပြီး ဒီကောင်လေးကပဲ
ပိုပင်ပန်းရတာမို့အိပ်ပျော်နေချိန်လေးကိုတော့
မနိုးသွားစေချင်။
YOU ARE READING
"Dear Kyauk Khal"(Complete)
Romance၁၉၃၀ ခုနှစ်ကျော်ဝန်းကျင်အားပြန်လည်ပုံဖော်ထားသော အချစ်ဇတ်လမ်းတစ်ပုဒ်ဖြစ်၏။ မှတ်ချက် =[Role Sensitive သမားတွေအနေနဲ့အစပိုင်းမှာ role မကွဲနိုင်တာကြောင့် ရှောင်သှားလို့ရပါတယ်။ ] ~~~~~~~~~~~~~~~~~~~~~~~~~~~~ ၁၉၃၀ ခုႏွစ္ေက်ာ္ဝန္းက်င္အားျပန္လည္ပုံေဖာ္ထားေသာ...
