Unicode
အခန်း (၉)
ဝိုင်သောက်ပွဲ
ကားက အိမ်ကိုသွားနေရာကနေ လမ်းတစ်ဝက်အရောက်မှာ လမ်းကြောင်းပြောင်းသွားသည်။ ဟော်မင်ချန်က ရုတ်တရက် ဆိုလာ၏။
“ ဒီရန်ပွဲ …… မဟုတ်ဘူး။ မင်း တစ်ဖက်သတ်အရိုက်ခံရတာလို့ ပြောရမှာပေါ့။ ငါ အချိန်မီရောက်လာလို့ပေါ့။ ငါ့ကိုစာပို့အကြောင်းကြားလိုက်တဲ့ ဖန်းချီကို ကျေးဇူးတင်ရမယ်။ သူ့ကို ထမင်းတစ်နပ်ကျွေးပြီး ကျေးဇူးဆပ်ကြရအောင်။ ငါတို့လည်း ညစာမစားရသေးတော့ အံကိုက်ပဲပေါ့။ ”
ဒါက ဟော်မင်းချန်စိတ်ထဲမှာ လျှပ်တပြတ်ပေါ်လာသော အတွေးမဟုတ်မှန်း အသိသာကြီးပင်။
“……”
လုချီ ဟော်မင်ချန်ကို ဘာမှအတွန့်တက်ပြောမနေတော့ဘဲ သူ့ဆံပင်တွေကိုသာ နောက်ကိုသပ်ချလိုက်တော့၏။ ချောမောလှသော သူ့မျက်နှာနှင့် လားလားမှမဆိုင်သည့် ဒဏ်ရာတွေကို ဘယ်လိုရှင်းပြရမှန်း သူမသိတော့။
“ ပြန်မထိုးလိုက်နိုင်တာနဲ့ပဲ ငါ့ရဲ့ခွန်အားကို လျှော့မတွက်နဲ့နော်။ ”
“ ငါလည်း မင်းခွန်အားကို ဘယ်တုန်းကမှ လျှော့မတွက်ခဲ့ဖူးပါဘူး။ ”
ဟော်မင်ချန်က လမ်းကြောင်းကြည့်ကာ ကားမောင်းနေရင်းကနေ ပွင့်လင်းစွာ ပြောလာသည်။
“ မင်းက အိပ်ရာပေါ်မှာ သိပ်ကြမ်းတယ်လေ။ ”
“…… ငါ့ခွန်အားတွေကို မြင်ပေးတဲ့အတွက် ငါလည်း အရမ်းကိုမှ ဝမ်းမြောက်မိပါတယ်ကွာ။ ”
သူတို့ စကားလည်းဆုံးရော စားသောက်ဆိုင်သို့ပင် ရောက်လို့နေပြီ။ လုချီကတော့ သူ့ပုံရိပ်ကို ထိခိုက်စေနိုင်သည့် မျက်နှာပေါ်က ဒဏ်ရာဒဏ်ချက်တွေကို သတိထားမိတော့ ကားထဲကနေမထွက်တော့ပေ။ ဒါကိုမြင်တော့ ဟော်မင်ချန်က ခရီးသည်ထိုင်ခုံတံခါးဘက်ကို လှည့်လျှောက်ကာ ကားပြတင်းပေါက်ကနေ သူ့ကိုငုံ့ကြည့်လာသည်။
“ မင်း ကားပေါ်ကမဆင်းချင်ရင်လည်း အိမ်ပြန်ပြီး အိပ်ရာထဲမှာ ပျော်စရာလေးတွေရှာကြမယ်လေ။ ”
YOU ARE READING
Don't Be a Kept Man ( Myanmar Translation )
RomanceAuthor(s) 碉堡rghh English Translation Winteree Translation Chapters 189 Chapters(Completed) 8 arc English Translation (on going ) Associated Names 不做软饭男 Fully credit to original author and english translator. This is just fan translation. Trans...
