တည်တံ့မောင် မှန်ရှေ့၌ သူ့ရဲ့ပုံစံကို အသေအချာကြည့်နေမိသည် ။
စတစ်ကော်လာအဖြူရောင်နှင့် ရခိုင်ပုဆိုးအနက်ရောင်အား ဝတ်ဆင်ထားသော တည်တံ့မောင်က မှန်ထဲ၌ ခန့်ခန့်ညားညားဖြင့်ထင်ပေါ်နေသည် ။
ပုံမှန်နေ့တွေလဲပုဆိုးဝတ်တယ်ဆိုပေမယ့် ဒီနေ့က တည်တံ့မောင်ရဲ့ ၂၅ နှစ်ပြည့် မွေးနေ့ဖြစ်သည့်အပြင် ချစ်ရသူရှေ့၌ ခန့်ညားနေချင်သောကြောင့် သပ်သပ်ရပ်ရပ်ပြင်ဆင်ကာ မှန်ထဲ၌ အခေါက်ခေါက်အခါခါ သူ့ကိုယ်သူ ကြည့်နေမိသည် ။
မနှစ်ကအထိ မိသားစုတွေနဲ့သာ ဖြတ်သန်းခဲ့ရသော သူ့ရဲ့မွေးနေ့က ဒီနှစ်မှာတော့ ချစ်ရသူနှင့်အတူတူဖြတ်သန်းရမယ်ဆိုတဲ့အသိက တည်တံ့မောင်ကို ဆယ်ကျော်သက်လေး တစ်ယောက်လို စိတ်လှုပ်ရှားစေသည် ။
ထို့နောက် နာရီကိုတစ်ချက် ကြည့်လိုက်တော့ ၇ နာရီပင် ရှိနေပြီဖြစ်သောကြောင့် သက္ကရာဇ်အလာအားစောင့်နေရန် ဧည့်ခန်းထဲ၌ထိုင်ကာ စာအုပ်တစ်အုပ်အားကောက်ဖတ်နေလိုက်သည် ။
***************************************
"သက္ကရာ ဒီနေ့ စောစောနိုးလို့ပါလား ဘယ်သွားမလို့လဲ ''
နို့နှစ်ရောင် အင်္ကျီလက်တိုလေးနှင့် ပုဆိုးအနက်လေးကို ဝတ်ဆင်ထားတဲ့ သက္ကရာက အသားဖြူဖြူလေးနှင့်လိုက်ဖက်ညီစွာ ထင်းထွက်နေလေသည် ။
"ဟုတ်တယ် ကိုကို ကျွန်တော် ကိုတည်တံ့မောင်ဆီသွားမလို့ ''
မလုံမလဲဖြင့် သူ့ကိုအကြည့်လွှဲကာ ရှက်ကိုးရှက်ကန်းဖြင့် ပြောလာသော သက္ကရာကြောင့် ဥာဏ် အနည်းငယ်စိတ်ပူသွားရသည် ။
*ဒါက သူ့ရဲ့သက္ကရာဟုတ်ပါတယ်နော်....ဒါဆိုရင် သက္ကရာကလဲ ကိုတည်တံ့ကို.........*
အတွေးဆိုးများကိုမောင်းထုတ်ကာ ခေါင်းကို ခါရမ်းပစ်လိုက်သည် ။
ဒါက ဘယ်တော့မှဖြစ်လာနိုင်မှာမဟုတ်ဘူး ။
"အင်း အခုသွားတော့မလို့လား မနက်စာစားသွားဦးလေ ကိုကိုပြင်ပေးမယ် ဧည့်ခန်းထဲမှာစောင့်နေ ''
သက္ကရာ၏အဖြေကို မစောင့်ဘဲ ဥာဏ် မီးဖိုချောင်ထဲဝင်လာလိုက်သည် ။
ဥာဏ်ရဲ့မသိစိတ်ထဲက သက္ကရာကို ကိုတည်တံ့မောင်နဲ့ ပေးမတွေ့စေချင်သောကြောင့် အချိန်ကိုရသလောက်ဆွဲထားမိသည် ။
YOU ARE READING
သက္ကရာဇ်တစ်ခု၏ ချိုမြိန်သောရက်စွဲများ(Completed)
RomanceIf you fall in love with a person with different personalities or he shows you dark side or something.........? Start date - 14 September 2021 End date -17 October 2021
