My Lifeblood(complete)

My Lifeblood (Part 2)

(Unicode)

အိမ်ပြန်ရောက်ဖို့အတွက်နိုင်းကားငှားလာခဲပြီး လမ်းတစ်လျှောက်လုံးတွေးနေမိသည်ကသူ့စိတ်ထဲကကောမျက်လုံးထဲကပါမထွက်တဲ့ ကျောက်စိမ်းရောင်မျက်လုံးလေးတွေကိုပိုင်ဆိုင်ထားတဲ့မျက်မမြင်ကောင်လေးအကြောင်းတွေဘဲဖြစ်သည်။နိုင်းစိတ်ကိုစိုးမိုးနိုင်တဲ့လူဆိုတာမရှိသလောက်ရှားသည်၊အထူးသဖြင့်သူစိမ်းတစ်ယောက်ဆိုလျှင်ပိုတောင်ဆိုး၏။အခုက ထိုသို့မဟုတ်၊တစ်ခဏလေးဘဲတွေ့လာခဲ့တဲ့ကောင်လေးက သူ့စိတ်အာရုံတစ်ခုလုံးကိုတောင်စိုးမိုးထားနိုင်ခဲ့သည်။

"ဒီခြံလားကောင်လေး"

နိုင်းကိုယ့်အတွေးနဲ့ကိုယ်လွင့်မျောနေတာမို့ အိမ်ရှေ့ရောက်တာကိုပင်သတိမထားမိ၊ကားဆရာသတိပေးမှသာအိမ်ရှေ့ရောက်မှန်းသိရသည်။

"ဟုတ်တယ်"

နိုင်းကျသင့်ငွေအားရှင်းပြီး ကားပေါ်ကဆင်းတာနဲ့သူငှားလာတဲ့Taxiလဲနေရာမှမောင်းထွက်သွားခဲ့သည်။

မီးရောင်များလင်းထိန်နေတဲ့သုံးထပ်တိုက်ကြီးတည်ရှိရာခြံကြီးကကြီးမားသလောက် ညအခါမှာခြံအပြင်ကလှမ်းကြည့်တာတောင်ခြံအတွင်းပြင်ဆင်မှုနဲ့အိမ်ကြီးရဲ့ခမ်းနားထည်ဝါမှုကတော့သြချလောက်သည်။ခြံတံခါးလာဖွင့်ပေးစေဖို့နိုင်းလူခေါ်ဘဲလ်လဲမတီး ၊အသံလဲမပြုဘဲခြံအပြင်မှာသာရပ်နေမြဲရပ်နေကာ သုံးထက်တိုက်ရဲ့ဒုတိယမြောက်အထပ်သူ့အဖိုးအခန်းရှိရာကိုဘဲအကြောင်းမယ်မယ်ရရမရှိစူးစိုက်ကြည့်နေခဲ့၏။

ထိုအချိန် ခြံအတွင်းမှခြံစောင့်တစ်ယောက်နိုင်းဆီပြေးလာသည်။ခြံစောင့်လာတာကိုနိုင်းသတိထားမိသည်နှင့် ဦးသော်ကအခန်းကိုကြည့်နေတဲ့သူ့အကြည့်တွေကိုခြံစောင့်ဆီသို့နိုင်းအကြည့်လွှဲလိုက်သည်။

"တောင်းပန်ပါတယ်အကိုလေး....အကိုလေးပြန်ရောက်နေမှန်းမသိလိုက်လို့ပါ"

အပြစ်တင်ခံရမှာဆိုးပြီး မျက်ခွက်ပျက်မျက်နှာပျက်နဲ့တောင်းပန်နေရှာတဲ့ခြံစောင့်ကိုနိုင်းလက်ဟန်ဖြင့်'မလိုဘူး'ဆိုသည့်ပုံစံမျိုးသာလုပ်ပြလိုက်သည်။နိုင်းဘယ်လောက်ဘဲအိမ်ပြန်နောက်ကျပါစေ ခြံတံခါးလာဖွင့်ပေးမဲ့လူမရှိမှာကိုတော့နိုင်းစိတ်ပူစရာမလိုပါ၊မိသားစုဝင်တွေမစုံမချင်းခြံစောင့်တွေအိပ်ခွင့်မရှိတာမို့ နိုင်းဘယ်အချိန်ပြန်ရောက်ရောက်အသင့်တံခါးဖွင့်ပေးမဲ့ခြံစောင့်ကအမြဲရှိတက်သည်။ခါတိုင်းကနိုင်းကားဟွန်းသံကြားရင်ချက်ချင်းတံခါးလာဖွင့်တက်ပေမဲ့ ဤကနေ့ကနိုင်းကားဟွန်းတီးဖို့ကားကလဲပျက်နေခဲ့တာမို့ကားဟွန်းသံမကြားလို့ တံခါးလာဖွင့်မပေးတာကလဲခြံစောင့်အမှားလို့မဆိုနိုင်တာကြောင့်နိုင်းခြံစောင့်ကိုအပြစ်မတင်လိုတော့ပါ။