My Lifeblood(complete)

My Lifeblood(Part 16)

(Unicode)

ကျယ်လောင်စွာထွက်ပေါ်လာတဲ့သေနတ်သံရဲ့အဆုံးမှာ စိုထိုင်းနေတဲ့မြေပြင်ထက်ဝယ်ကျည်ပေါက်တစ်ပေါက်သာထင်ကျန်ခဲ့လေသည်။ခေါင်းငိုက်စိုက်ကျနေတဲ့ကောင်လေးကိုမပစ်ဘဲ စိုထိုင်းနေတဲ့မြေပြင်အားပစ်လိုက်တဲ့စိုင်းလူ ဂိုဒေါင်ထဲဦးသော်ကပြန်ဝင်လာမလာကြည့်၍ကျည်ပေါက်ဖြစ်နေတဲ့မြေပြင်အား ခြေဖြင့်သာအလျင်အမြန်ပွတ်တိုက်လိုက်ရသည်။​မတော်လို့ဦးသော်ကပြန်ဝင်လာမှဖြင့် ကောင်လေးရဲ့ကိုယ်မှာရှိနေရမဲ့ကျည်တစ်ချောင်းက မြေပြင်ပေါ်ရှိနေသည်ကိုသိသွားလျှင်သူပါအဆစ်ဒုက္ခရောက်နေဦးမည်။

စိုင်းလူသူရှေ့မှာ ခေါင်းလေးငိုက်စိုက်ကျပြီးမလှုပ်မယှက်နဲ့ငြိမ်သက်နေတဲ့ပေလွှာ့ကိုကြည့်ပြီးစိတ်မကောင်းရတာအမှန်။မှေးစင်းနေတဲ့မျက်လွှာလေးရဲ့အလှကလှတလောက် ထိုမျက်လွှာလေးရဲ့အောက်မှာသွေးများတစ်ပေါက်ပေါက်ကျနေတဲ့ဒဏ်ရာကြီးကအကျည်းတန်မှုဘက်သို့သွားစေခဲ့သည့်ပမာ ပါးတစ်ဖက်ပျက်ပြားစေခဲ့ရသည့်ကောင်လေးရဲ့လက်ကလေးများကိုကြိုးဖြည်ပေးရင်းဖြင့်...........

"ဒီမိသားစုထဲမင်းပြန်မလာချင်ပါနဲ့ နောက်တစ်ကြိမ်ဆိုရင်ငါလဲဘာမှမတက်နိုင်တော့ဘူး".....သတိပေးစကားများဆိုနေခဲ့ပေမဲ့ ကောင်လေးကတော့သူ့စကားတွေကိုမကြားနိုင်။ငြိမ်သက်မြဲငြိမ်သက်လျက်ပါ။

ကျွီး...........

ပေလွှာရုန်းထားလို့ထင်ပါရဲ့ ကြိုးများကိုဖြည်ပြီးချိန်စိုင်းလူနီရဲနေတဲ့လက်ကလေးများကိုတွေ့လိုက်ရသည်။သို့ပေမဲ့သူလဲဘာမှမတက်နိုင် ထိုကောင်လေးအားအသင့်ပါလာတဲ့လူတစ်ယောက်ဝင်စာအနက်ရောင်အိတ်ထဲသာကောက်ပွေ့ပြီးထည့်လိုက်ရသည်။များမကြာမှီ စိုင်းလူသူကိုယ်တိုင်ဘဲထိုအိတ်ကိုထမ်းပြီး ဂိုဒေါင်ထဲကထွက်လာလိုက်၏။

စိုင်းလူထမ်းလာသော လူထည့်ထားသည့်အနက်ရောင်အိတ်ကို ဦးသော်ကကားထဲမှခပ်ပြုံးပြုံးပြုံးပြီးသာကြည့်နေမိသည်။သူ့ဘဝ၌အရှုံးရယ်မရှိ လိုချင်တာနဲ့ဖြစ်ချင်တာကိုမရရအောင်လုပ်ဆောင်တက်သလို သူ့အတွက်ဆူးငုတ်ဖြစ်လာသူမှန်သမျှကိုလည်း နည်းမျိုးစုံသုံးပြီးဖယ်ရှားတက်သူပီပီအခုလည်းအောင်နိုင်ပီပီ အပြုံးများဆင်မြန်းပြီးသာကြည့်နေခြင်းဖြစ်၏။သူဖယ်ရှားလိုက်တဲ့ဆူးငြောင့်ခလုတ်ထဲမှာတော့ ပေလွှာလည်းအပါအဝင်။