My Lifeblood(complete)

My Lifeblood(Part 13)

(Unicode)

ကျွီ..........

ညသန်းခေါင်အချိန်ကြီးမှ ယွန်းမှီရေထဆာလာသဖြင့် အိပ်ချင်နေတ​ဲ့မျက်လုံးများကိုကြိုးစားဖွင့်လိုက်ရ၏။မသောက်မဖြစ်တော့လို့သာထပြီးသောက်ရမယ်၊မှေးစင်းနေတဲ့သူမမျက်လုံးများကတော့ထချင်ပုံမပေါ်သေး။သို့သော်လည်းသူမအာခေါင်များအတော်လေးခြောက်နေသည့်အဆုံး မထင်ချင်ထချင်နဲ့ဘဲထပြီးရေသောက်ဆင်းရန်အခန်းထဲကထွက်ခဲ့၏။လူခြေတိတ်နေတဲ့အချိန်၊တစ်နည်းအိမ်အကူများပါအိပ်နေတဲ့အချိန်တောင်ရောက်နေပြီမို့ခိုင်းစရာလူကလဲမရှိ။ဒါနဲ့ဘဲသူမဘာသာရေဆင်းသောက်ရန်ဆုံးဖြတ်လိုက်ရခြင်းဘဲဖြစ်၏။

အခန်းထဲကထွက်လာပြီးယွန်းမှီအိမ်ကြီးရဲ့အောက်သို့ဆင်းရန်ပြင်နေခဲ့ရာ လှေကားပေါ်တောင်ခြေလှမ်းများစလှမ်းလို့နေပြီးမှ ပေလွှာရှိရာအခန်းလေးသို့အကြည့်ရောက်ဖြစ်အောင်ရောက်သွားသေးသည်။။ဒီအချိန်ဆိုအားလုံးအိပ်နေလောက်မည့်အချိန်မို့ ပေလွှာလဲသူတို့နည်းတူအိပ်နေလောက်ပြီထင်ပါရဲ့။ထို့ကြောင့်သူမ''အိပ်နေလောက်ပါပြီ'ဟုရေရွတ်ပြီး အခန်းကိုအကြည့်လွှဲ၍အောက်ထပ်သို့ဆင်းလာလေသည်။

အိမ်အောက်တွင်အိမ်ကြီးရဲ့အတွင်း၌ အိမ်အကူအလုပ်သမားတွေအပါအဝင်မည်သူတစ်ဦးတစ်ယောက်မျမရှိချေ။နေ့ဘက်ဆိုအလုပ်သမားတွေရဲ့အသံတွေနဲ့အသက်ဝင်ဆူညံနေတဲ့အိမ်ကြီးက ညဘက်တိတ်ဆိတ်နေပုံကအပ်ကျရင်အောင်ကြားရမည့်ပုံမျိုး။အလုပ်သမားများလည်းဒီအချိန်ဆိုခါတိုင်းလိုအိမ်ပြန်နောက်ကျတက်တဲ့နိုင်းကိုစောင့်ဖို့လဲမလိုတော့တာကြောင့် အိပ်လို့နေလောက်မှာအသေအချာပင်။ပြောလို့သာပြောရပါတယ် ပေလွှာဤအိမ်စရောက်ကထဲက နိုင်းအိမ်ပြန်မနောက်ကျတက်တော့၊အရေးကြီးသည့်ကိစ္စများရှိရင်တောင်ဟိုအရင်ကလိုနောက်ကျအောင်အပြင်မှာနေတက်တဲ့အကျင့်များပျောက်ကွယ်ခဲ့တာတောင်အတော်ကြာခဲ့ပါပြီလေ။

ယွန်းမှီအိမ်အောက်ရောက်ရောက်ခြင်း မီးဖိုခန်းသို့သွား၍ရေခဲသေတ္တာထဲကရေဘူးလေးကိုထုတ်ယူမော့သောက်ရင်းရေခဲသေတ္တာကိုပြန်ပိတ်လိုက်၏။