Unicode
ကလောဆိုတာ ဖွက်ထားတဲ့နတ်ဘုံသေးသေးလေးမှန်း ဘယ်လောက်သာယာမှန်း ရောက်ဖူးတဲ့သူတိုင်းကသိသည်
တောတောင်တွေ သစ်ရွက်တွေ အေးချမ်းသာယာမှုတွေကို ဖြတ်တိုက်လာသည့်လေမို့ တိုက်ခတ်နေတဲ့လေကအစ လတ်ဆတ်နေသည်
ပုံမှန်မြင်နေကြ ကောင်းကင်ရဲ့အရောင်ကလည်း ဒီမှာမှ ပိုလှနေသလိုခံစားရသည်
ကိုလေးက ကားကို hotel မှာ ထားခဲ့ပီး သူတို့ကားနဲ့ပဲ လိုက်လာခဲ့လိုက်ကြသည်
ကားပေါ်တက်တော့ သူတို့က ကိုယ်ကို့ ဧည့်သည်မို့ ဦးစားပေးကာ တက်ခိုင်းခဲ့ကြသည်
သူတို့ကားနောက်ဆုံးခုံကို ကိုကအရင်တက်သွားပီးလိုက်တော့ ကို့ဘေးနားရောက်လာသူက ကိုလေးပင်
ကို့နံဘေးကို ကိုလေးရောက်လာတဲ့ အဲ့ဒီအချိန်တိုလေးအတွင်းမှာ သိပ်ကို ပျော်သွားခဲ့သည်
သိပ်အနေမနီးသေးတဲ့ အကိုကြီးတွေနဲ့ထိုင်ရမှာကိုလည်း နည်းနည်းတော့ စိုးရိမ်ခဲ့မိသည်
သိပ်မရင်းနှီးတဲ့လူနဲ့ ဘေးချင်းကပ်ပီး ကားစီးရမှာက နည်းနည်းတော့ အနေခက်တယ်လေ
ပီးတော့ ကိုလေးက ကို့အနားလာမထိုင်မှာကို ပိုတောင်စိုးရိမ်မိသည်
ကိုလေးအတွက် ကိုက အခုချိန်ထိ သူစိမ်းသာသာ လူတစ်ယောက်သာ ဖြစ်နေမှာကို မသိစိတ်က ကြောက်နေခဲ့သည်
ကိုကတော့ ကိုလေးအနားမှာသာ ထိုင်ချင်သည်
ဒါပေမဲ့ ကိုလေးက အခုထိ ကိုယ့်ကိုစိမ်းနေသေးမှာ ကို့အနားမထိုင်ချင်မှာကို နည်းနည်းလေး စိတ်ထဲမထင့်မရဲဖြစ်မိသည်
ကိုလေးသာ ကို့အနားမထိုင်ခဲ့ရင် နည်းနည်းလေးတော့ စိတ်မကောင်းဖြစ်မိလိမ့်မည် ထင်သည်
ဒါပေမဲ့ ကိုလေးက ကို့ဘေးကို ဝင်ထိုင်တော့ ဘာမဟုတ်တဲ့ ဒီအပြုအမူသေးသေးလေးက ကို့ကို တိတ်တိတ်ကလေးပြုံးစေခဲ့သည်
ကားလမ်းဘေးက မနိမ့်တနိမ့်တောင်စောင်းလေးနံဘေး ထင်းရှူးပင်တို့က အုံ့အုံ့ဆိုင်းဆိုင်းရှိရာတွင် ကားက ရပ်သွားသည်
YOU ARE READING
ကျွန်တော့်ရဲ့ရွှေဘုံနန်းစံ (completed)
Romanceကိုလေးက ရေလိုပဲ ကြည်လင်တယ် ပြတ်သားတယ် ထိုးဖောက်ပီးမြင်နေရတယ် တစ်ခါတစ်လေကျတော့လည်း ကျွန်တော့်ကို အသက်မရှူနိုင်စေတော့တဲ့အထိ နစ်မွန်းသွားစေတယ် ပျော့ပျောင်းတယ် နူးညံ့တယ်လို့ ထင်ရပေမယ့် သူစိတ်ဆိုးလာရင် ဘယ်အရာမှ သူ့ကို တားဆီးလို့မရဘူး ကျောက်စိုင်ကျော...