Unicode
မြောက်လေတို့ကပဲ ဆောင်းကိုခေါ်ဆောင်လာလေသလား
ဆောင်းတွင်းမို့ပဲ မြောက်လေတို့တိုက်လေသလား မသိပေမယ့် ဒီဆောင်းရာသီမှာတော့ ကျွန်တော့်နှလုံးသားက ဆောင်းနှင့်အတူ အေးစက်နေသည်
တစ်ခါတစ်လေ တိုက်ခတ်လာတဲ့ မြောက်လာတွေထဲ ဒီအချိန်ဒီရာသီဆို လှိုင်လှိုင်ပွင့်တတ်တဲ့ ဧကရာဇ်ပန်းရနံ့တို့က မြောပါလာသည်
ထိုရနံ့ကိုရလိုက်တိုင်း ကိုလေးသိပ်သဘောကျမှာပဲ ဆိုတဲ့စိတ်နဲ့ တစ်ယောက်သောသူကို သတိရမိတတ်သည်
ထိုအခါတိုင်း နှလုံးသားက နာသည်
အခုနောက်ပိုင်း ကျွန်တော် နေလို့မပျော်တော့ပီ
အခုနောက်ပိုင်းဆိုတာ ကိုလေးမရှိတော့တဲ့နောက်ပိုင်းကို ဆိုလိုချင်ခဲ့တာပါ
ကိုလေးပြန်သွားပီး နောက်နေ့မှာပဲ မန္တလေးကို ပြန်လာခဲ့သည်
ကိုလေး ဘယ်ကို ထွက်သွားလေသလဲ မသိပေမယ့် မန္တလေးမှာပဲရှိနေမှာကို ကျွန်တော့်စိတ်ကအလိုလိုသိသည်
ဒါကြောင့်လည်း ကိုလေးကို တွေ့နိုင်သမျှနေရာတွေမှာ အချိန်တိုင်း ရှာခဲ့သည်
ဒေါ်ကြီးကို ph ဆက်မေးတော့လည်း ကိုလေးပြန်မလာပါဘူးတဲ့
စိတ်ညစ်တဲ့စိတ်နဲ့ ပေလေနေခဲ့ပေမယ့် ရက်ပိုင်းလောက်အကြာမှာ ကိုသူရိန်က ph ခေါ်ပီး အလုပ်ပြန်ဆင်းဖို့ပြောခဲ့သည်
ကို့စိတ်အတိုင်းသာဆိုရင်တော့ အဲ့ဒီ့အမှတ်တရတွေ အများကြီးရှိတဲ့နေရာကို ပြန်မသွားချင်ပေမယ့် ကိုနေက မင်းကို အလုပ်ပုံမှန်ဆင်းစေချင်တယ်ဆိုတဲ့ စကားတစ်ခွန်းနဲ့ အမှတ်တရတွေ အများကြီးရှိတဲ့ coffee ဆိုင်လေးကို ပြန်ခြေချဖြစ်ခဲ့သည်
ဆိုင်အပြင်ဘက် သီးသန့်ဝိုင်းလေးဆီမှာ တစ်နေ့နေ့များ ကိုလေးပေါ်လာလေမလားဆိုတဲ့ စိတ်လည်းပါသည်
ဒါပေမဲ့ နေ့တို့ရက်တို့သာ ပြောင်းလဲသွားသည် ကိုလေးရောက်မလာခဲ့ပါ
အားတဲ့အချိန်တိုင်းလည်း ကိုလေးကိုပဲ အမြဲရှာနေမိသည်
ကိုလေးက ကျွန်တော်နဲ့အဝေးကြီးမှာ ရှိနေတာမဟုတ်ဘူးလို့လည်း စိတ်ကယုံကြည်ခဲ့သည်
YOU ARE READING
ကျွန်တော့်ရဲ့ရွှေဘုံနန်းစံ (completed)
Romanceကိုလေးက ရေလိုပဲ ကြည်လင်တယ် ပြတ်သားတယ် ထိုးဖောက်ပီးမြင်နေရတယ် တစ်ခါတစ်လေကျတော့လည်း ကျွန်တော့်ကို အသက်မရှူနိုင်စေတော့တဲ့အထိ နစ်မွန်းသွားစေတယ် ပျော့ပျောင်းတယ် နူးညံ့တယ်လို့ ထင်ရပေမယ့် သူစိတ်ဆိုးလာရင် ဘယ်အရာမှ သူ့ကို တားဆီးလို့မရဘူး ကျောက်စိုင်ကျော...