Unicode
ညစာ စားပွဲသာဆိုရာဝယ် ဘယ်သူကမှ ညစာစားဖို့ကို စိတ်မဝင်စားကြမှန်း သိသာလွန်းသည်
အရှေ့မှာ ရှိနေတဲ့ အလျှံအပယ် အစားအသောက်တွေက အလှပြရုံသက်သက်သာဖြစ်နေသည်
လူကြီးတွေကတော့ သားရေးသမီးရေးပြောဖို့သာ အားပါပီး အစားအသောက်ကို နည်းနည်းလေးမှ စိတ်မဝင်စားကြပါ
ကိုလေးပုံကတော့ ဒီနေရာမှာ အခုလိုရောက်ပီး လူကြီးတွေနဲ့ မျက်နှာညီစုံညီ ထိုင်နေရတာကိုပဲ စိတ်ဘဝင်မကျ စိတ်မကြည်ဖြစ်နေပုံရသည်
လူကြီးတွေ ပြောနေသမျှစကားတွေကို နားမထောင်ဘဲ မကြားသလို နေရင်း wine သောက်နေသည်
အားလုံးထဲမှာ အေးအေးဆေးဆေးအဖြစ်ဆုံးလူကတော့ ဒီအခန်းထဲကို နောက်ဆုံးမှ ဝင်လာခဲ့တဲ့ အမမေမြတ်နွယ်ပင်
ပုစွန်ကင်နဲ့အသားကင်ကို စားရင်း wine သောက်ရင်း သူနဲ့မဆိုင်သလိုသည့်နေရာရောက်နေသလို အေးအေးဆေးဆေးတည်တည်ငြိမ်ငြိမ် ဖြစ်နေသည်
နောက်ပီး ဘာမှမဆိုင်ဘဲ အနေအစားကြပ်နေခဲ့တာကတော့ ကိုကိုယ်တိုင်ပါပဲ
ဘယ်သူကမှ ဟင်းပွဲတွေကို ထိမကြည့်ကြတော့ ကိုကအရင် စထိလိုက်ဖို့ဆိုတာက ခက်နေသည်
မစားဘဲနေမည်ဆိုပြန်တော့လည်း မနေနိုင်လောက်အောင်ကို ဗိုက်ကဆာနေတာမို့ ဘယ်သူ့ကိုမှ အာရုံမစိုက်နိုင်ဘဲ ထည့်သာစားလိုက်သည်
ရှေ့မှာရှိနေတဲ့ အစားအစာတွေကိုထည့်စားရင်း တစ်ခါတစ်လေ အမမေမြတ်နွယ်နဲ့ လက်ဆုံသွားတော့ သူမက ကိုယ့်ကိုပြုံးပင်ပြသေးသည်
အားလုံးကလည်း ကိုယ့်ကို စားဖို့သက်သက်လိုက်လာတဲ့ ကလေးတစ်ယောက်လိုသာ သဘောထားပုံရသည်
'' မခင်နန်းထားက ဘာလို့လိုက်မလာတာလဲ ''
ခင်နန်းထား
မကြားဖူးတဲ့ နံမည်ကို ကြားလိုက်ရတော့မှ စားနေသောက်နေရာကနေ သူတို့စကားဝိုင်းကို ထနားစွန့်မိသည်
ဒီမေးခွန်းကို ကြားတော့ ကိုလေးအဖေက မျက်နှာပျက်သွားတာကို မြင်လိုက်သည်
YOU ARE READING
ကျွန်တော့်ရဲ့ရွှေဘုံနန်းစံ (completed)
Romanceကိုလေးက ရေလိုပဲ ကြည်လင်တယ် ပြတ်သားတယ် ထိုးဖောက်ပီးမြင်နေရတယ် တစ်ခါတစ်လေကျတော့လည်း ကျွန်တော့်ကို အသက်မရှူနိုင်စေတော့တဲ့အထိ နစ်မွန်းသွားစေတယ် ပျော့ပျောင်းတယ် နူးညံ့တယ်လို့ ထင်ရပေမယ့် သူစိတ်ဆိုးလာရင် ဘယ်အရာမှ သူ့ကို တားဆီးလို့မရဘူး ကျောက်စိုင်ကျော...
