Unicode
မန္တလေးမှ ပြင်ဦးလွင်သို့ ခရီးတစ်ခေါက်
ပြင်ဦးလွင်သို့ သွားရာ တောင်တက်လမ်းတစ်လျှောက် ကားလေးတစ်စီးက ဖြေးညှင်းစွာ ပြေးလွှားနေသည်
ကားပေါ်မှာတော့ သီချင်းသံအေးအေးလေးဖွင့်ထားရင်း ငြိမ်သက်စွာ ထိုင်နေခဲ့တဲ့ သူတို့နှစ်ဦး
ကိုလေးကို လှည့်ကြည့်လိုက်တော့ သီချင်းလေးလိုက်ညည်းရင်း ကားမှန်မှတဆင့် အပြင်ဘက်ဆီသို့သာ ငေးနေသည်
အခုလို ခရီးထွက်လာရတာကို သိပ်ပျော်နေသည့်ပုံပေါ်သည်
'' ခရီးထွက်ချင်တယ် ''
ထိုစကားကိုကြားစဥ်က အားလုံးက စိုးရိမ်ခဲ့ကြသည်
ကိုလေးအခြေအနေက ဆေးရုံပေါ်မှာပဲရှိနေတော့သင့်သည့်အခြေအနေကို ခရီးသွားချင်ပါသည်ဆိုတော့ ဘယ်သူကမှ ခွင့်မပြုခဲ့ချင်ကြပါ
ထိုအထဲတွင် ဆွေသာလည်း ထိပ်ဆုံးကပါသည်
ဆွေသာ အချိန်မရွေးတစ်ခုခုဖြစ်သွားနိုင်တဲ့ ကိုလေးကို ဆရာဝန်တွေ အဆင်သင့်ရှိနေတဲ့ ဆေးရုံမှာသာ နေစေလိုသည်
သို့သော် ကိုလေးကတော့ ဒီခရီးမသွားရရင် စိတ်ဖြောင့်နိုင်မှာ မဟုတ်ဘူးဟု ပြောခဲ့သည်
ဘယ်နေ့သေမလဲ မသိတော့တဲ့အချိန်မှာ အခုလို ဆေးရုံပေါ်မှာ လှဲနေပီးတော့ မကုန်ဆုံးလိုက်ချင်ဘူးတဲ့
သူလုပ်ချင်တာလေးတွေ ရှိသေးတယ်တဲ့
ပီးတော့ သူသွားချင်ခဲ့တဲ့ ခရီးက အဝေးကြီးမဟုတ်ခဲ့ မန္တလေးနဲ့ အနီးကလေးရှိနေခဲ့တဲ့ ပြင်ဦးလွင်ကိုပင် ဖြစ်သည်
ပျော်သလောက်လေးနေပီး ပြန်လာရင် ဆေးရုံတက်ပါ့မယ် ဆိုတဲ့ကိုလေးစကားကြောင့် လူကြီးတွေက စိတ်ချလက်ချ ခွင့်ပြုခဲ့ကြသည်
အခုတော့ သူသွားချင်တဲ့ခရီးရဲ့ လမ်းပေါ်ကို ရောက်နေခဲ့ပီ
မေမြို့နဲ့နီးလာသည်နှင့်အမျှ လမ်းဘေးနှစ်ဖက် ဂျုံခင်းတွေ လီလိီပန်းခင်းတွေက နေရာယူလာသည်
ကျွန်တော်တို့ကားလေးဟာ ကိုလေးလမ်းညွှန်ရာ မေမြို့ကိုကျော်ပီးမှ လူသူအနည်းငယ်အလှမ်းဝေးတဲ့ မြို့ပြင်က အိမ်လေးတစ်အိမ်လုံး ဆီကိုရောက်လာခဲ့သည်
YOU ARE READING
ကျွန်တော့်ရဲ့ရွှေဘုံနန်းစံ (completed)
Romanceကိုလေးက ရေလိုပဲ ကြည်လင်တယ် ပြတ်သားတယ် ထိုးဖောက်ပီးမြင်နေရတယ် တစ်ခါတစ်လေကျတော့လည်း ကျွန်တော့်ကို အသက်မရှူနိုင်စေတော့တဲ့အထိ နစ်မွန်းသွားစေတယ် ပျော့ပျောင်းတယ် နူးညံ့တယ်လို့ ထင်ရပေမယ့် သူစိတ်ဆိုးလာရင် ဘယ်အရာမှ သူ့ကို တားဆီးလို့မရဘူး ကျောက်စိုင်ကျော...