[Zawgyi]
Forevermore(ထာဝရထက်ပို၍)
အပိုင်း-၁၄
ဝူဆော့ ဘတ်ဟျွန်း ကို ကံကြမ္မာနတ်မင်းနန်းဆောင် ဝင်ပေါက်ဂူဆီကိုခေါ်သွားခဲ့သည်။ ထိုနေရာက ရေခဲနှင်းပန်းက ဝတ်ဆံလေးတွေက အပြာရောင်မီးတောက်လေးတွေဖြစ်နေသည်။ ဝူဆော့ က ထိုနေရာကို စောင့်ရှောက်ရတဲ့ အစောင့်ငါးတစ်ကောင်ဖြစ်သည်။ထို့ကြောင့် လွယ်လင့်တကူပဲဝင်သွားပြီး ဘတ်ဟျွန်း ကို ရေခဲကုတင်ပေါ်တင်ထားလိုက်သည်။ ပြီးနောက် ပန်းကနေပျော်ကျလာသော အရည်တို့ကို ခွက်လေးနဲ့ခံပြီး ဘတ်ဟျွန်း ကို တိုက်လိုက်သည်။
ဝမ်ယောလ် ကြောင့် ဒဏ်ရာတွေရထားတဲ့အပြင် ကိုယ်ဝန်ပါပျက်ကျထားတော့ ဘတ်ဟျွန်း က ခန္ဓာကိုယ်အပြင် စိတ်ပါဒဏ်ရာရသွားခဲ့သည်။ ဒီကြားထဲ သူ့ရဲ့စွမ်းအားတွေက ရုတ်တရက်ပေါ်လာပြီး မထိန်းနိုင်တော့သောကြောင့် အခြေအနေတွေအားလုံး ရှုပ်ထွေးခဲ့ရသည်။ ကြားထဲက ဘတ်အွန်း ရဲ့အသက်ဆုံးရှုံးခဲ့ရပြီး ဘတ်ဟျွန်း ကတာ့ သူ့ကိုအမြင်မကြည်သော ဝမ်ယောလ် ရဲ့ အမုန်း ကို ထပ်ပြီး ခံရတော့မည်။
ဒီကိစ္စတွေပ ဘယ်ကစဖြစ်လဲ ဝူဆော့ မသိပေမဲ့ ဖုံးကွယ်ထားသော ဘတ်ဟျွန်း ရဲ့ စွမ်းအားတွေက အလွယ်တကူတော့ ပေါ်ပေါက်လာမည်မဟုတ်ပေ။ ဝူဆော့ လက်ဝါးလေးဖြန့်လိုက်ပြီး သူ့စွမ်းအားဖြင့် ဆေးပုလင်းလေးတစ်ခုကို ပေါ်လာစေသည်။ ဘတ်ဟျွန်း က ဘာမှစားရသေးတာမဟုတ်ဘူး၊ဒီဆေးပဲ စားရသေးတာ။
ဝူဆော့ ပုလင်းထဲက ဆေးကို လက်ဖဝါးထဲထည့်ကြည့်လိုက်တော့ အညိုရောင်သာမန်ဆေးလုံးမျိုးသာရှိနေသည်။ ဒါပေမဲ့ ဒီဆေးအငွေ့ကြောင့် ရေခဲနှင်းပန်း က ပိုပြီး လန်းဆန်းသွားသည်။
'နတ်နန်းဆောင်ထဲက စမ်းချောင်းရေနဲ့လုပ်ထားတဲ့ ဆေး။ ဒီဆေးက နတ်သမားတော်ဆီ ဘယ်လိုရောက်နေတာလဲ'
ဒီဆေးကို ဘတ်ဟျွန်း အတွက် ဘတ်အွန်း မှာထားတဲ့ကိုယ်ဝန်ဆောင်အားဆေးဆိုပြီး နတ်ဆေးသမားတော်ပေးခဲ့တာ။ ဘတ်အွန်း ကတော့ သူ့အန္တရာယ်အဖြစ်ခံပြီး ဒီဆေးကိုပေးခဲ့မည်မဟုတ်ပေ။ သာမန်နတ်ဆေးသမားတော်ဆီမှာလည်း ဒီလိုဆေးမျိုးရှိနေမည်မဟုတ်။ သေချာပေါက် ရာထူးကြီးကြီး၊စွမ်းအားကြီးကြီးထဲကသူ ပါဝင်နေတာဖြစ်နိုင်သည်။ သူ့ရည်ရွယ်ချက်က ဘာဖြစ်မလဲ။
