Words From My Heart ( Mga Salitang Galing Sa Aking Puso)

Sapat Na

Sapat na marinig ko ang dalawang salita
Galing sa bibig ng aking sinisinta
Sapat na, na siya'y narito
Narito at kayakap ko

Sapat na, na malaman ko
Ako'y walang kahati sa kanyang puso
Nanalo man ang tadhana sa kanyang plano
Pagmamahalan namin ay hindi maglalaho

Habang ako'y may hininga
Sa kanya ko lamang iaalay ang aking pagsinta
Kahit na siya ay ikinasal sa iba
Hindi siya mapapalitan sa aking alaala.