မင်းအတွက် ဆေးတစ်ခွက် [System]

အပိုင်း(၄၃) လူသတ်ယန္တရား

((Zawgyi))

အပိုင်း (၄၃)
လူသတ်ယန္တရား

💊💊💊

ကုကျိုးတစ်ယောက် ထောက်ပံ့သူဒဏ်ရာရလာတာ မြင်တော့ မျက်မှောင်ကြုတ်လိုက်သည်။

ထောက်ပံ့သူက ဒဏ်ရာရလာပါလား? အဲ့ဒါမကောင်းဘူး..... အခု ထောက်ပံ့သူရဲ့ ခန္ဓာကိုယ်က ခံနိုင်ရည်စွမ်း အတော်လေး ကောင်းတယ်ဆိုပေမယ့် ဒဏ်ရာရလို့တော့မဖြစ်ဘူး။ ဒဏ်ရာမရလေ ကောင်းလေပဲ။

သူက အစေခံနောက်လိုက်ခွေးတစ်ယောက်လို ဟန်ဆောင်လျက်က ထောက်ပံ့သူအနားသို့ ချက်ချင်း ပြေးသွားလိုက်သည်။ ထို့နောက် သူ၏ဝတ်ရုံလက်ထဲမှ -- တကယ်တမ်းတော့ သူ၏ လေဟာနယ်သိုလှောင်ရုံထဲမှ ကျောက်စိမ်းပုလင်းတစ်ခုကိုထုတ်ကာ စင်မြင့်ပေါ်က ဆင်းလာသော ထောက်ပံ့သူ လက်ထည့်သို့ တန်းထည့်ပေးလိုက်သည်။

၎င်းတို့မှာ ထိပ်ဆုံးအဆင့် ချီအားဖြည့်ဆေးလုံးများဆိုတာ မြေကြီးလက်ခတ်မလွဲပေ။

ကုန်းရိထျန်းဟန်၏ ခန္ဓာကိုယ်သည် အိမ်တော်တွင် နေထိုင်စဉ်က အဆင်ပြေနေသေးသည်။ သို့သော် သူသည် စွန့်စားခန်းခရီးနှင်ခဲ့သည့်အချိန်မှစ၍ နွားခွာယှက်ပြေးတောင်တန်းများ၌ တိုက်ခိုက်ရင်း ချီစွမ်းအင်များ ကုန်ခန်းလုနီးပါးဖြစ်သည့်အခါတိုင်း ဒီချီအားဖြည့်ဆေးလုံးများကို မှီဝဲခဲ့သည်။

ထို့ကြောင့် အခုလို လူအများနှင့် တိုက်ခိုက်သောအခါလည်း သေချာပေါက် ချွင်းချက်မရှိပေ။

ကုန်းရိထျန်းဟန်သည် ထိုကျောက်စိမ်းပုလင်းကို အားမနာတမ်း လက်ခံယူလိုက်ကာ ပုလင်းအဖုံးကို လက်ဖြင့် အသာတောက်ဖွင့်လိုက်ပြီး စိုစိုပြေပြေ၊ ပြည့်ပြည့်ဝိုင်းဝိုင်း ဆေးလုံးလေးတစ်လုံးကို သူ့ပါးစပ်ထဲသို့ တန်းပြီး ပစ်ထည့်လိုက်သည်။ ထို့နောက် သူက ထိုင်ခုံတစ်လုံးကိုဆွဲကာ တင်ပျင်ခွေလိုက်ပြီး အသက်ကိုပုံမှန်ရှုကာ ချီစွမ်းအင်များကို ပြန်လည်ဖြည့်ဆည်းလိုက်သည်။

ဤသည်ကား အခြားသူများနှင့် တိုက်ခိုက်ခဲ့သမျှတွင် ပထမဆုံးအကြိမ် ထိုသို့ ပြုလုပ်​ခြင်းဖြစ်သည်။ တစ်ဖက်တွင် စဉ်းစားနိုင်စွမ်းရှိသူအချို့မှာ သူသုံးလိုက်သည့် ဆေးလုံးက ဘယ်လိုပစ္စည်းမျိုးလဲဆိုတာ ကြည့်ချင်​နေကြသည်။ သို့သော် သူတို့က ထိုဆေးလုံး၏ အရည်အသွေး အလွန်မြင့်မားသည်ဆိုတာသာ အကြမ်းဖျင်းသိနိုင်ပြီး အသေးစိတ် အကျိုးပြုပုံကိုတော့ မသိကြပေ။