သစ္စာနဲ့ပဲမောင့်ကိုစောင့်ကြိုမယ်(၂)
အခန်း_၂ (ရိဟွားစံနန်း )
∆ ရိဟွားစံနန်း ∆
လျန်တိုင်းပြည်၏နတ်နန်း
သူမတို့ဟာ လျန်တိုင်းပြည်၏တော်ဝင်မျိုးနွယ်အတွက်သာ
သီးသန့်အမှု့တော်ထမ်းရသောအဖွဲ့အစည်းတစ်ခု၊
လျန်တိုင်းပြည်၏အနယ်နယ်အရပ်ရပ်တွင်ဖြန့်ကျက်ထားပြီး
လိုအပ်ပါက မည်သည့်နေရာမဆိုထွက်ပေါ်လာသည့်
အရိပ်တပ်ဖွဲ့ဝင်များကိုပိုင်ဆိုင်ထားသည်။
ထိုတပ်ဖွဲ့ဝင်ခေါင်းဆောင်မှာ " ယွီဟွား "ဟူခေါ်သည့်
ရေနတ်သမီးနှင့်
" ဟော်ဟွား " ဟုခေါ်သည့် မီးနတ်သမီးတို့ပင်။
ရိဟွားစံနန်း၏လက်ရှိအုပ်ချုပ်သူသခင်မမှာ
" မေဟွား "ဟုခေါ်သည့်
ပန်းကိုးပွင့်ဒေဝီဖြစ်သည်။
သူမ၏လက်အောက်တွင်
ယွီဟွား နှင့် ဟော်ဟွားတို့အပါအဝင်
အင်မတန်ဓားရေးကျွမ်းကျင်သည့် မိန်းမလှ ၉ယောက်တိတိရှိသည်။
ယခုအခါ ထို ဒိတ်ဒိတ်ကြဲမိန်းမတွေမှာ
ရီကျန့်ရှီ၏ရှေ့မှောက်၌မတ်တပ်ရပ်နေလေသည်။
" ရှင်ဖမ်းထားတဲ့ ကျွန်မတို့လူဘယ်မှာလဲ ? "
ထိုစကားကို မျက်နှာချင်းဆိုင်လျက်က
သူ့နားထိတိုးကပ်ကာနှစ်ယောက်သားထိကပ်တော့မည့်မတတ်
မေးလာသည့် အနှီမိန်းမမှာ
အတော်ပင်အရပ်ရှည်သည်ကိုသတိပြုမိသည်။
လေးတောင်ကျော်သည့် သူ့အရပ်အမောင်းကိုပင်မှီခါနီးနီးအထိ။
သူမတင်မက လိုက်ပါလာသောမိန်းကလေးတွေအားလုံးနီးပါး
အရပ်ရှည်ကြသည်ကို သူ..သတိထားမိတာ
အဝေးကလှမ်းကြည့်လျင်တောင် ကျားမမကွဲပြားလောက်သည့်အထိပင်။
နောက်ပြီး ခရီးဝေးကြီးကိုဝေါယာဉ်ထမ်းလာတာတောင်
ချွေးတစက်မထွက်ပင်ပန်းပုံမပြသည့်
အနှီမိန်းမတွေမှာ ပေါ့သေးသေးမဟုတ်ကြောင်းသတိပြုမိသည်။
ထို့ကြောင့်
" အထဲကိုကြွပါ
ထိုင်ပြီးတော့ဆွေးနွေးကြတာပေါ့
မင်းတို့လည်းခရီးပန်းလာမှာပဲ "
" မလိုဘူး လူအရင်မြင်ရမှ
သူ အသက်ရှင်နေသေးလားမျက်စိနဲ့တပ်အပ်အတည်ပြုပြီးမှ
ဆွေးနွေးတာကိုလုပ်နိုင်မယ် "
"_ ဟေး...မင်းတို့ကရင့်လှချည်လား?
_ဝူယဲ့..! "
ထိုမိန်းမ၏မောက်မာလှသောစကားအဆုံးဝယ်
ရပ်ကြည့်နေကြသော လူတွေအားလုံး လှုပ်လှုပ်ရွရွဖြစ်ကုန်ကြသလို့
သူ၏နံဘေးမှ ဝူယဲ့က ဓားကိုဆွဲထုတ်၍အော်လိုက်လျင်
သူ့မှာဝင်ဟန့်လိုက်ရသည်။
မဟန့်လို့လည်းမရ
တော်ကြာ လက်နက်မပါတဲ့မိန်းမသားတွေကို
တာ့ထန်ပြည်က ယောင်္ကျားတွေကအနိုင်ကျင့်ပါတယ်ဆိုပြီး
တခြားတိုင်းပြည်တွေအထိသတင်းပျံ့သွားရင်
သိက္ခာကျအရှက်ရစရာဖြစ်မည်။
VOUS LISEZ
သစ္စာနဲ့ပဲမောင့်ကိုစောင့်ကြိုမယ်(Completed)
Roman Historiqueမေဟွား... လျန်တိုင်းပြည် "ရိဟွားစံနန်း"၏သခင်မဟာ သူမမိခင်ကိုပစ်ပယ်ခဲ့တဲ့ ဖခင်ဖြစ်သူကိုလက်စားချေရန်အတွက် တာ့ထန်သို့ လျိုဝှက်အကြံအစည်နှင့်ဝင်ရောက်လာခဲ့ပါတယ်။ တဖက်မှာလည်း ထိုမိန်းကလေးကိုမှအသတ်တမျှချစ်မြတ်နိးမိသော တာ့ထန်ရဲ့ လန်ဝမ် မိမိကအရာအားလုံးစွန့်လွှ...
