Unicode
သစ္စာနဲ့ပဲမောင့်ကိုစောင့်ကြိုမယ်(၁၂)
အခန်း_၁၂(သံယောဇဉ်မြစ်ဖျား )
< နန်းတွင်း၌ >
မင်းကြီး၏နန်းဆောင်မှ ဥယျာဉ်တော်တွင်
လန်ဝမ်မှာ သူ၏ဦးရီတော်မင်းကြီနှင့်စကားလက်ဆုံကျနေလေသည်။
မနက်ခင်းညီလာခံအပြီး၌ မိမိကိုပဲသီးသန့်ခေါ်တွေ၍
ဤဥယျာဉ်တော်၌ စကားစမြည်းပြောဆိုဖြစ်တာ
အကြောင်းအရာကတော့ မေဟွား၏အကြောင်းပင်။
သူ၏သမီးတော် နေရေးထိုင်ရေးအဆင်ပြေလားမည်သို့မည်ဖုံနေ၍
ဘာတွေလုပ်နေသနည်းဟုသိချင်တာ။
လွန်ခဲ့သောရက်တွေက ပြဿနာဖြစ်ပြီးနောက်
မင်းကြီးမှာ မေဟွားကိုစိတ်ပူနေရှာသည်။
သူ၏သမီးတော်ဟူ၍လည်းအတိအလင်းမကြေငြာရဲသေးရာ
ယခုလိုမျိုး နှောက်ယှက်၍စော်ကားမော်ကားအပြောအဆိုခံရသောအခါဝယ်
အင်မတန်မှဒေါသထွက်ကာစိတ်မကောင်းဖြစ်နေလေသည်။
" ဖြစ်နိုင်ရင် သူမကိုအိမ်တော်မှာပဲနေပါစေ
ဘာပြောပြော သူမရဲ့တည်ရှိမှုက
လူအများစိတ်ဝင်စားစရာဖြစ်နေတယ်လေ "
" နားလည်ပါတယ်
သူမလည်း အိမ်တော်မှာပဲနေနေရတော့ပျင်းရှာလို့နေမှာ
ရင်ရှင်း နဲ့ ရန်ကျင်းကလည်းခေါ်နေတော့လေ
နောက် မဖြစ်စေရပါဘူး "
လန်ဝမ်မှာ ထိုင်နေရာမှထရပ်လျက်
ခေါင်းငုံ့ကာအရိုအသေပေးလိုက်ရင်းက
ကတိပေးစကားဆိုလိုက်လျင်
မင်းကြီးမှာ တူတော်၏လက်ကိုဆွဲကာပြန်ထိုင်စေလျက်
" အင်း ငါလည်းသိပါတယ်
ဒါနဲ့ ထျန်းကျင်းက မေဟွားကိုသူ့အစ်မတော်မှန်းသိနေတယ်ဆိုတာ
ဘာအဓိပ္ပါယ်လဲ
မေဟွားကပြောပြတာတော့မဟုတ်တန်ရာ "
ဟုတ်တယ်လေ သူ့သမီးရဲ့စိတ်ဓာတ်ကို မိမိမြင်တွေ့ပြီးပြီ
သူမဘက်ကစတင်ပြီး ဆွေမျိုးစပ်ဖို့တော့မဖြစ်နိုင်။
မေဟွားဟာ
သူမမိခင် ရင်ဟွားနှင့်လည်းမတူသလို မိမိလိုလည်းကြင်နာသနားတတ်သည်မဟုတ်
အင်မတန်မှရက်စက်ပြတ်သား၏။
ရက်စက်ပြတ်သားတာ ဟုတ်သား
မိမိဟာ သူမမိခင်အပေါ်မှာဤသို့ရက်စက်ပြတ်သားခဲ့သည်မဟုတ်လော။
ဒါဆို မေဟွားဟာ မိမိနှင်တူတာပေါ့
ဤနှယ်တွေးမိတော့ စိတ်ထဲဝယ်ကျေနပ်မိသလိုလို။
YOU ARE READING
သစ္စာနဲ့ပဲမောင့်ကိုစောင့်ကြိုမယ်(Completed)
Historical Fictionမေဟွား... လျန်တိုင်းပြည် "ရိဟွားစံနန်း"၏သခင်မဟာ သူမမိခင်ကိုပစ်ပယ်ခဲ့တဲ့ ဖခင်ဖြစ်သူကိုလက်စားချေရန်အတွက် တာ့ထန်သို့ လျိုဝှက်အကြံအစည်နှင့်ဝင်ရောက်လာခဲ့ပါတယ်။ တဖက်မှာလည်း ထိုမိန်းကလေးကိုမှအသတ်တမျှချစ်မြတ်နိးမိသော တာ့ထန်ရဲ့ လန်ဝမ် မိမိကအရာအားလုံးစွန့်လွှ...
