Unicode
သစ္စာနဲ့ပဲမောင့်ကိုစောင့်ကြိုမယ်(အထူးအပိုင်း)
Extra_Special Episode (နောင်ဘဝတွေထိတိုင် မင်းကိုခွဲမသွားဘူး)
ညည့်နက်သွားပြီဖြစ်သော်လည်း
ဟိုင်လန်ရှိ ရဲမက်တို့မှာတစ်ဦးတစ်ယောက်မျှအနားမယူနိုင်ကြသေးပေ။
အကြောင်းကား ယနေ့
သူတို့အရှင်သခင်၏မင်္ဂလာနေ့ရက်ဖြစ်သောကြောင့်ပင်။
ထို့ကြောင့် သောက်စားပျော်ပါးကာ အူမြူးနေကြလေသည်
မြူးဆို ယခုလို မပျော်ရွှင်ရသည်မှာကြာပြီကိုး။
ယွီဝမ်၊ဝူယဲ့ နှင့် ယိုဖုန်းတို့တွေမှာ အရက်လိုက်ဖြည့်ပေးနေရသလို
ရင်ရှင်း၊ရန်ကျင်းတို့ မိန်းကလေးတွေမှာ အမြည်းလိုက်ချနေရတာနှင့်လက်မလည်။
ရိယွီကား သတို့သမီး၏အဆောင်ရှေ့၌ကင်းစောင့်နေလေသည်။
" မေဟွား..!
မင်းပြောဖူးတာ ကိုယ်မှတ်မိသေးတယ်
မင်္ဂလာဦးညရောက်ရင် ကိုယ့်ကိုအကုန်ပြမယ်ဆိုတာ "
ဤနှယ် လန်ဝမ်မှာညစ်ကျယ်ကျယ်ပြောရင်း
သူ၏သတို့သမီးလေးအား ထိုင်ခုံထက်ကနေပွေ့ချီကာ
ကုတင်ထက်ကအိပ်ယာပေါ်သို့အသာအယာတင်ပေးလိုက်လေသည်။
" နှာဘူးကြီး အဲ့တာကိုတကယ်မှတ်ထားရလား
အဲ့တုန်းကကျွန်မပြောတာ ကျွန်မမျက်နှာလေ "
" မသိဘူး
ကိုယ်ကတော့တဆုံးထိတွေးထားတာ "
လန်ဝမ်မှာ ထိုသို့ပြောရင်း
မေဟွား၏မျက်နှာလေးအား အပေါ်စီးကနေအုပ်မိုးကြည့်နေရင်းမှ
နဖူးပြင်ထက်မှစတင်ကာ အနမ်းပွင့်တို့စချွေလေတော့သည်။
နှုတ်ခမ်းသားနှစ်စုံကိုထပ်တူကျစေလျက်
အတန်ကြာ အနမ်းချင်းဖလှယ်ပြီးနောက်
လန်ဝမ်မှာ သူ၏လက်တို့ကို အောက်ဖက်ဆီသို့ရွေ့လျက်
အဝတ်တွေချွတ်မည်ပြုလိုက်ရာ
" ခဏလေး..!
အပြင်မှာတစ်ယောက်ယောက်ရှိနေလား "
' ဟင် ဘယ်သူရှိနေတာ
အာ ဟုတ်သား "
မေဟွား၏စကားကြောင့် လန်ဝမ်မှာ
ယခုမှ တခုခုကိုသတိရသွားဟန်ဖြင့် မတ်တပ်ရပ်လိုက်ပြီးလျင်
အခန်းအပြင်သို့လှမ်းအော်လိုက်လေသည်။
အပြင်ဘက်တွင်လည်း ရိယွီမှာ
အခန်းထဲက အသစ်စက်စက်မင်္ဂလာမောင်နှံမှာ
တိတ်ဆိတ်လို့နေသဖြင့် အားမလိုအားမရဖြစ်လာကာ
တတ်နိုင်သမျှ သူ၏အတွင်းအားတို့ကိုစုစည်းလျက်
နားရွက်ဆီပို့ပို့လွှတ်၍ အစွမ်းကုန်နားစွင့်ထားလေသည်။
ခဏကြာသော် အထဲမှအသံထွက်လာလေသည်။
YOU ARE READING
သစ္စာနဲ့ပဲမောင့်ကိုစောင့်ကြိုမယ်(Completed)
Historical Fictionမေဟွား... လျန်တိုင်းပြည် "ရိဟွားစံနန်း"၏သခင်မဟာ သူမမိခင်ကိုပစ်ပယ်ခဲ့တဲ့ ဖခင်ဖြစ်သူကိုလက်စားချေရန်အတွက် တာ့ထန်သို့ လျိုဝှက်အကြံအစည်နှင့်ဝင်ရောက်လာခဲ့ပါတယ်။ တဖက်မှာလည်း ထိုမိန်းကလေးကိုမှအသတ်တမျှချစ်မြတ်နိးမိသော တာ့ထန်ရဲ့ လန်ဝမ် မိမိကအရာအားလုံးစွန့်လွှ...
