صراع عائلة الطوجي

الاول

اسفة اني نزلت الفصل متأخر كده بس عشان عندي امتحانات بالليل...دعواتكم 😂💔
___________________________
عائلة متكونة من عشرون شخص بين رجال ونساء ينتظرون بفارغ الصبر القرار الذي سيتغير بسببه مصير هذه العائلة....
منهم من يفكر من سيكون الكبير القادم ومنهم يتمنى ان يكون هو الرئيس ومنهم من يفكر بالانتقام ومنهم من لا يبالي باي شيء.......

فريدة الطوجي بملل: احنا هنفضل نستنى كده كتير ولا ايه؟!
هشام الطوجي بسخرية: ايه مش قادرة تستني شوية عشان تعرفي مين اللي جاي؟!
صابر الطوجي: مش معقولة شغلك اهم من انك تعرفي مين الريس اللي هيعينه بابا.
فريدة بغضب: وانا مالي بكل ده المهم مايكونش طبعه زي بابا بس.
هشام الطوجي: يعني مش مهتمة ان ابنك يمسك المنصب ده؟!
صابر بسخرية: هتلاقيها بتدعي في سرها بس قدامنا اكن مش فارق معاها صح يافريدة؟!
فريدة تقدمت منه وقالت بوعيد: بلاش انت صابر كفاية اللي مسكاه عليك لغاية دلوقتي.
صابر نظر لها بغضب ثم ابتعد عنها وهو يتوعد لها بالاسوء.....
طارق هشام الطوجي: خلاص بقا يا جماعة ادينا كلنا هنعرف بعد شوية.
فريدة بمكر لصابر: صح وكله هيبان في أوانه.
صابر علم الي ما تلمح فعقد العزم على فعل شيء ولن يتهاون فيه.....
هشام بعدم مبالاه: ياخبر النهاردة بفلوس بكرة يبقا ببلاش.

ثم حل الصمت على الجميع منهم من يفكر في التخلص من الاخر ومنهم من يفكر في المنصب..ولكن لا يوجد خلاف ان هذا الصمت نتيجة انتظار نزول كبير عائلة الطوجي!!!.......
________________________
في الطابق العلوي المخصص لكبير العائلة وزوجته فقط......
كانت فاطمة تساعده في ارتداء السترة وتقول بابتسامة: بسم الله ماشاء الله هتفضل اجمل مني كده دايما ياحج؟!
ضحك صالح الطوجي: اوعي تقوليلي لسة بتغيري عليا زي زمان يا فاطمة؟!
فاطمة: وهفضل اغير عليك ياحج لغاية ما اموت..انت ماشاء الله عليك.
صالح امسك يدها وقال: يجعل يومي قبل يومك يا فاطمة ليه بس تقولي كده..وهو انا اقدر اعيش من غيرك بردو.
فاطمة: بعد الشر عليك يا حج انت مهما كبرت لسة في عز شبابك وهتفضل كده في نظري طول عمري.
صالح بابتسامة: عارفة يا فاطمة بقيت افتكر ايام شبابنا كتير اوي ويوم ماجيت اتقدملك من والدك وانا ماكنش معايا حاجة غير شهادتي وشغلانة بسيطة بس.
فاطمة بضحك: فاكر ياحج يوم ماشوفتني عند الخياطة وبدل ما تاخد البدلة اخدت الفستان.
صالح بضحك: مانتي تلغبطي اي حد بردو يا فاطمة الله.
فاطمة: ماشي ياحج..يلا بقا عشان كده اتاخرنا على العيال تحت.
صالح: مع اني خلفت وكبرت لغاية ماشوفت احفادي كمان لكن كل ماشوف نظرات الطمع والجشع في عيونهم بحس اني ماعملتش برسالتي صح يا فاطمة.
فاطمة بحنان: ياحج انت عارف ان الدنيا تلاهي وتغري اي حد وخصوصا لو معاه فلوس زي عيالك كده..فاعذرهم يا صالح كله هيتصلح خصوصا بعد ماتعلن الخبر النهاردة ان شاء الله.
صالح: ان شاءالله..يلا بينا؟!
فاطمة وضعت يدها على ذراعه وقالت: يلا ياحج.