بعد ان ذهب فهد وترك النيران تشتعل في منزل مروة...كانت مروة في غرفتها فذهب لها والدها بغضب لكي يفهم ماذا يحدث هنا بالضبط!!!.......
محمود: بصي انا ولا هتعصب ولا هزعق انا من حقي اعرف ايه اللي بيحصل من ورايا بس!!
مروة بتنهيدة: مافيش حاجة يابابا والله انا بس عايزة اخلص من وجه الدماغ ده.
محمود بعصبية قليلة: وجع دماغ ايه يابت انتي!!..انتي واخدة فكرة عن الجواز من ندى صاحبتك دي؟!
مروة: ايه اللي دخل ندى بس في الموضوع؟!
محمود محاولا الهدوء: بقولك ايه انا مش ناقص وجع دماغ وكلام فاضي..اتصلي بالبيه ده وقوليله ياجل الموضوع ده شوية مش سوق خضار هو!!
مروة باعتراض: بس يابابا آآآ......
محمود بغضب: بلا بابا بلا زفت..نفذي اللي بقولك عليه احسن وربنا انا اللي هتصل بيه بس ساعتها هفركش الموضوع ده كله..انتوا حرين بقا!!
مروة: لا وعلى ايه الطيب احسن..حاضر يابابا هتصل بيه.
محمود: اما نشوف.ثم خرج وأغلق الباب بقوة قليلا في حين تنهدت مروة بعدم راحة وهي تفكر ماذا تفعل في تلك المشكلة...فهي محاصرة بين والدها ورضائه وبين غضب فهد وانتقامه ايضا!!.......
________________________
في اليوم التالي...في جامعة مروة.......كانت تجلس في الحرم الجامعي مع صديقتها الوحيدة ندى كالعادة...فلاحظت ندى تغير علامات وجه مروة قليلا بسبب الحيرة نوعا ما....!!!
ندى باستغراب: مالك يامروة النهاردة؟!
مروة بتنهيدة طويلة: مافيش حاجة ياندى.
ندى بتصميم: ازاي يامروة انتي وشك متغير خالص يابنتي!!..قوليلي بس حاجة حصلت في البيت؟!..حد تعبان!!
مروة بتنهيدة مترددة: لا..بس آآآآ.....
ندى: فيه ايه يابنتي قولي!!
مروة: فيه مشكلة بيني وبين فهد وبابا.
ندى بتعجب: ايه مثلث المشاكل ده!!
مروة بزهق: انا مش بهزر ياندى دلوقتي!!
ندى: ولا انا بهزر يامروة..طب ايه اللي حصل الاول؟!قصت مروة كل ماحدث معها ومع فهد وعن حيرتها الكبيرة التي لا تعلم كيف تتخلص منها!!!!......
ندى بصدمة: بقا كل ده حصل وتقوليلي مافيش حاجة!!..اومال لو فيه كان هيطلع ايه؟!
مروة بعصبية قليلا: يابنتي بقا!!
ندى بسرعة: خلاص خلاص..انا اسفة..طب هتعملي ايه دلوقتي؟!
مروة بحيرة وقلق: مش عارفة ياندى انا اصلا خايفة اراضي طرف ويضيع مني الطرف التاني واندم!!
ندى باستغراب: خايفة تضيعي فهد!!
مروة: لا بس خايفة هو اللي يضيعني لو ما عملتش اللي قال عليه!!
ندى بغيظ: انتي اتجننتي!!..انتي خايفة من الجدع ده ومش خايفة من ابوكي!!..ثم انا شايفة ان ابوكي عنده حق الصراحة.
مروة: ياسلام!!
ندى: ايوا يامروة..اصل فرح ايه ده اللي يتعمل خلال كام يوم!!..حتى لو عشان ينتقم زي ما بتقولي بردو ماينفعش!!
مروة بسخرية: انتي بتقولي اي كلام وخلاص!!
ندى: لا ياختي انا بقول على اللي المفروض يتعمل.
مروة: ياحببتي اي حد في الدنيا عايز ينتقم مش هيفكر هل الطريقة دي مناسبة ولا لا كل اللي هيهمه ان انتقامه ينجح وبس!!
ندى بتنهيدة: طب والحل!!..انتي لازم تاخدي قرار بسرعة عشان تريحي نفسك وتريحي الطرفين معاكي!!
مروة بتفكير: انا خلاص اصلا فكرت.
ندى بتعجب: بالسرعة دي!!..ده انتي من شوية كنتي هتعيطي من الحيرة!!
مروة بفخر: عيب عليكي انا دماغي دايما شغالة في اي وقت.
ندى بملل: والنبي ياختي ما وقته..انجزي وصلتي لايه؟!
مروة: هتعرفي بعدين.
ندى بصدمة: نعم ياختي!!
مروة وقفت وأخذت حقيبتها وقالت: بقولك هتعرفي بعدين..ويلا عشان فاضل عشر دقايق والمحاضرة تبدأ.
ثم ذهبت فقالت ندى بغيظ: انا اللي استاهل ضرب الجزمة وربنا..(ثم قالت بصوت عالي نسبيا)..اصبري يابت!!
________________________
بعد خمس ساعات وفي منزل فهد الطوجي الخاص.......
YOU ARE READING
صراع عائلة الطوجي
General Fictionصراع بين أبناء واحفاد عائلة الطوجي لا يرحم احد واي غريب يدخل بها ينتهي به الحال إلى الدمار!!!! فماذا سيحدث مع ابنة محمود العمري......؟!! صراع عائلة الطوجي.....