ظل محمود يسير ذهابا وايابا وهو يفكر اين ذهبت مروة حتى الان فالساعة أصبحت في التاسعة مساءا ولم تصل بعد حتى هاتفها مقفل!!.......
عائشة بتوتر: محمود احنا لازم نبلغ البوليس مش هنفضل قعدين حاطين ايدينا على خدنا بالمنظر ده؟!
محمود بقلق: بوليس ايه ياعايشة اللي هنبلغه بعد ٣ ساعات بس من اختفائها ده عشان نبلغ لازم يكون عدى ٢٤ ساعة على الاقل.
عائشة بصدمة: انت بتقول ايه يامحمود؟!...وانت عايزني افضل مستنية ٢٤ ساعة في المنظر ده؟!
محمود: طب وهنعمل ايه يعني؟!...احنا لو بلغنا هيقولولنا بعد ٢٤ ساعة بردو يعني مش هنستفاد حاجة.
عائشة ببكاء هستيري: يارب نجي بنتي بقا ياارب.
محمود بخوف: اتصلتي بمحمد؟!
عائشة ببكاء: ايوا ياخويا وقالي انه بيدور عليها في كل حتة.
دخل عليهم محمد وهو حزين جدا لأمر اخته فركضت اليه عائشة تقول بلهفة: ها يا محمد لاقيتها يابني؟!...بالله عليك قول اه.
محمود لاحظ خيبة امل محمد فعلم انه لم يعثر عليها: مالاقتهاش صح؟!
محمد بحزن وغضب: اكن الأرض انشقت وبلعتها مش لاقي اي اثر ليها خالص.
عائشة بصراخ غاضب: يعني ايه؟!...يعني بنتي كده خلاص ضاعت مني؟!
محمد بحزن: لا طبعا يا امي ان شاء الله هنلاقيها قي أسرع وقت.
محمود بحزن وغضب: طب انت دورت فين بالظبط؟!
محمد: طبعا دورت في المستشفيات والأقسام وفي الكلية بتاعتها وحتى في الشوارع مش لاقي اي اثر خالص!!
محمود وهو يلتفت لعائشة المنهارة: كلمتي صحباتها؟!
عائشة بتذكر وهي تركض ناحية هاتفها: لا بس هتصل دلوقتي بندى صاحبتها.
محمود بقلق: وايه اللي ماخرك لغاية دلوقتي بس...يلا بسرعة.
عائشة: حاضر حاضر اهو جرس.عند ندى كانت نائمة فايقظها الهاتف فاخذته بملل وقالت: في ايه ع المسا مين معايا؟!
عائشة ببكاء: ندى...ندى بنتي!!
ندى اعتدلت على فراشها وقالت بخوف: طنط عايشة؟!...في ايه ياطنط مالك بتعيطي ليه كده؟!
عائشة بقلق: ندى بالله عليكي ماتعرفيش مروة بنتي فين؟!
ندى بتعجب: مروة!!...انا سيبتها ونزلت من الاتوبيس حضرتك عارفة بيتي قبلها وبس!!
عائشة بخوف: يعني ماقالتش هي رايحة في حتة كده ولا كده قبل ماتروح؟!
ندى بقلق: لا والله ياطنط ماقالتش حاجة ثم انتي عارفة مروة مش هتروح في حتة بعد الكلية خصوصا لو كان فيه محاضرة بالليل كده؟!
عائشة ببكاء: ماهو المصيبة اني عارفة يارب بقا.
ندى بخوف: هو في ايه ياطنط وازاي مروة ماتوصلش لغاية دلوقتي؟!
عائشة: مش عارفة والله يابنتي عمالين نتصل بيها بس تليفونها مقفول ودورنا في كل حتة ومش لاقيين ليها اي اثر؟!
ندى باستغراب وقلق: ازاي ده مستحيل دي ماقالتش فعلا انها رايحة في حتة دي حتى كانت مصدعة وعايزة تروح عشان تنام!!
عائشة بقلق زائد: معقولة تكون اغمى عليها في الاتوبيس ولا حاجة واتخطفت؟!
ندى بتفكير: ما اظنش ياطنط لان الاتوبيس كان فيه ناس كتير تانيه هتنزل بعديها!!
عائشة جلست على مقعد بجانب الهاتف وقالت ببكاء وارهاق: اومال هتكون فين بس ياربي!!
ندى وهي تستعد للنزول: طب بصي ياطنط انا دقايق وهكون عندكم ونفكر سوا وممكن ندور انا ومحمد على الأماكن اللي ممكن تروح فيها.
عائشة بامتنان: تسلمي يابنتي مش عايزين نتعبك معانا.
ندى: ياطنط ماتقوليش كده بس تعب ايه مش وقته الكلام ده اصلا...يلا سلام حاليا.
ثم اقفلت معها المكالمة وظلت تفكر وقالت بقلق: ياترى راحت فين دي كمان؟!
________________________
في منزل فهد الطوجي........
YOU ARE READING
صراع عائلة الطوجي
General Fictionصراع بين أبناء واحفاد عائلة الطوجي لا يرحم احد واي غريب يدخل بها ينتهي به الحال إلى الدمار!!!! فماذا سيحدث مع ابنة محمود العمري......؟!! صراع عائلة الطوجي.....