صراع عائلة الطوجي

الحادي عشر

وقف جميع من في الغرفة مصدوم مما سمعه من هذا الفتى الطائش الذي لا يتصرف بعقل مطلقا......

فهد محاولة الهدوء: انت قلت ايه ياطارق؟!
طارق بلع ريقه بصعوبة وقال: انا اللي عملت في شهد كده يا فهد بس والله ماكنتش في وعي وقتها هي اللي عصبتني.
عمر بغضب وصراخ: انت اهبل ياله عشان عصبتك شوية تروح فاتح نفوخها؟!...انت مش هتعقل ابدا؟!
طارق بتوتر من نظرات فهد الغاضبة: ماهو انت عارف ياعمر اني لما بغضب مش ببقا في وعي.
مروة هنا تدخلت بغضب: وهي عملت ايه لكل ده اصلا البنت سيباها بين الحياة والموت بسببك؟!
طارق بغضب لها: وانتي مالك اصلا دخلك ايه انتي عشان تدخلي بين عيلتنا ومشاكلنا؟!
مروة في قمة الغضب قالت: انا ماليش دعوة بعيلتكم اللي كلها مجانين دي انا ليا دعوة بالبنت اللي شغالة في مطعمنا دلوقتي.
طارق هنا قال بغضب وكان يقترب منها: حتة عيلة مفعوصة زيك تقول على عيلة الطوجي مجانين؟!...واضح انك ماتعرفيش انتي في وسط مين كويس؟!
مروة بسخرية: هتكون مين يعني غير واحد طايش بتتصرف بدراعك بس من غير تفكير.
طارق هنا كان سيمسك يدها ولكن امسكها فهد وضغط عليها بقوة حتى ظن من في الغرفة انهم سمعوا صوت عظام يده تتكسر وقال: إياك تفكر انك تلمسها حتى عشان ايدك دي ماتنامش في حضنك النهاردة فاهم؟!
طارق: انت مش شايف البت دي بتقول ايه على عيلتنا واحنا كرجالة العيلة نسكت؟!
فهد ترك يده بقوة: وانت حاسب نفسك من ضمن رجالة عيلة الطوجي ولا ايه؟!
طارق نظر له بصدمة: تقصد ايه يافهد انت بتقلل مني عشان حتة عيلة ماتسواش؟!
كانت سترد عليه مروة لولا وقوف فهد امامها مباشرة ليواجه طارق بغضب: ماتتعداش حدودك يا طارق عشان مايبقاش ليك حسابين معايا فاهم؟!...ثم مش بقلل منك بسببها انا بقول كده لان دي الحقيقة فعلا بسبب طيشك وتسرعك خليت وشنا كلنا في الأرض.
عمر ببرود: انت عملت كده ليه بقا ان شاء الله اتحفنا؟!
طارق بتوتر: دي حاجة ماقدرش اقولها لان تخصني انا بس كل اللي اقدر اقوله انها استفزتني جدا وماقدرتش امسك نفسي.
عمر بسخرية: اكيد شيء تافه زيك كده.
طارق بغضب: عمر انا ماسمحلكش.
عمر بضيق: تسمح بقا ولا ماتسمحش المصيبة حصلت وخلاص.
فهد ببرود: انطق هي البت دي عملت ايه لكل ده؟!
طارق بخوف: قلتلك ماقدرش اقول.
فهد بغضب قوي خاف منه كل من في الغرفة: يعني ايه ماتقدرش؟!...هو انا بلعب معاك ماتنجز ياله خالينا نعرف نتصرف في البلوة دي؟!
طارق بتوتر: هددتني بحاجة احنا متفقين انها تبقى سر بينا.
فهد: وايه هو بقا؟!
طارق بخوف اكبر: والله مااقدر اقول هتتعصبوا زيادة...ثم دي حياتي انا وانا حر فيها اعمل اللي انا عايزه انا مش صغير واللي كان بيحكمنا مات خلاص.
فهد امسكه من لياقة قميصه وكان يخنقه: جدك الله يرحمه لو كان عايش كان زمانك في السجن دلوقتي من غير مايعرف اسبابك حتى...ومش معنى انه مات يبقى تتصرف بغباء احنا هنا كلنا مسؤولين عن تصرفاتنا وانا اولكم.
عمر ابعده عنه بصعوبة وقال: خلاص بقا يا فهد هو غلط وكده كده هيتعاقب.
فهد: مش قبل ماعرف هو عمل كده ليه الاول ياعمر سبني.
تركه عمر وتفاجأوا بمروة تقول ببرود: انا عارفة هو عمل فيها كده ليه.
فهد نظر لها بتعجب: وانتي ايش دخلك اصلا في الموضوع ده...وموجودة هنا ليه لغاية دلوقتي اساسا؟!
مروة نظرت له بصدمة واحراج: احم...تمام انا اسفة...انا فعلا ماكنش ينفع أتدخل في مشاكل عيلتكم...عن اذنكم.
ثم تركتهم وذهبت وهي حزينة لم تكن تتوقع أن يقول هذا الكلام لها......
مروة بسخرية: وانا كنت استنى من واحد زي ده ايه مثلا لازم يكون دبش زي بقيت عيلته...عيلة مجنونة على رأي بابا.