صراع عائلة الطوجي

الثلاثون

مرت اربعة ايام على ماحدث مع فهد ومروة منذ اخر لقاء لهم...نعم فهذا كان آخر لقاء فكل واحد منهم لم يواجه الاخر منذ ماحدث...فلا مروة خرجت من الغرفة المجاورة لغرفة فهد...ولا فهد حاول أن يكلمها مقتنعا بأنها أخطأت في ماضيه للمرة الثانية ولن يسمح لقلبه ان يجعله مهانة له فقط لانه يحبها.........!!!!

كانت الحياة في قمة الملل والبرود...لن ينكر فهد انه اشتاق لها وللايام القليلة التي لم يكاد قلبه ان يسعد بها حتى جرح من كلام من عشقها...ولكن لن يستسلم سوف يعطي لها فرصة لكي تستوعب خطئها وتندم عليه ايضا........!!!!

في اليوم الخامس...كان فهد قد ذهب للشركة بوجه خالي من التعبيرات والمشاعر كما كان في الأيام الماضية....وعندما كان في مكتبه يحاول ان ينتبه للأوراق التي امامه حتى دخلت عليه السكرتارية بكل احترام........

السكرتارية: استاذ فهد فيه واحد برا عايز يقابل حضرتك!!
فهد ببرود بدون ان ينظر لها: انا مش قلت مش عايز حد يدخل عليا..فتقوليلي ان واحد غريب اصلا عايز يدخل!!
السكرتارية بتردد: انا والله قلتله كده بس هو مصمم وقال انه مش هيمشي الا لما يدخل لسعتك الاول!!
فهد نظر لها بتعجب: مين ده؟!
السكرتارية: مرضاش يقول اسمه هو بس قال انه جاي بخصوص عيلة العمري!!
فهد ظهر عليه علامات الاستغراب وبشدة فقال: طب دخليه..وماتخليش حد يدخل علينا حتى لو كان اخويا..فاهمة؟!
السكرتارية بتوتر: حاضر يافهد بيه عن اذنك!!

ثم خرجت لكي تسمح لهذا الرجل بالدخول لفهد وهي ماذالت ترتعش من الخوف...نعم حتى اذا كان فهد في قمة بروده فهذا كفيل ان يدب الخوف في قلبك ايضا......!!!!

دخل هذا الرجل للمكتب وكان فهد يعبث في أوراقه بتفكير حتى انتبه لدخوله........

فهد بهدوء: اتفضل!!
الشخص: شكرا لحضرتك.
فهد: تشرب حاجة؟!
الشخص: لالا شكرا انا جاي أقول اللي عندي وامشي على طول.
فهد لاحظ توتر هذا الشخص وبقوة ولكنه قال: وايه اللي انت عايز تقوله بخصوص عيلة العمري؟!
الشخص توتر اكثر ولكنه قال: انا عندي معلومات بخصوص الحادثة اللي حصلت لعيلة سعتك واللي كان فيها محمود العمري.
فهد انتبه له جيدا وقال: اتكلم!!
الشخص: انا سواق النقل اللي خبط في عربية والد سعتك يابيه انا مرسي.
وقف فهد بصدمة وغضب: نععععم!!..وليك عين تيجي عندي يابن الكلب!!
وكان فهد قد امسكه من لياقة قميصه بقوة فقال الاخر بسرعة: طب اسمعني الاول ياباشا وبعدين احكم عليا!!
فهد اعماه الغضب: من غير ما اسمع ولا كلمة زيادة كفاية انك جيت برجليك لقضاك.
مرسي برعب: انا ماعملتش كده من نفسي..فيه حد أمرني اني اعمل كده والله.
تركه فهد بتعجب: امرك!!..مين اللي امرك؟!
مرسي بتردد وخوف: ماهو ده اللي جيت لسعتك عشانه..عشان ابرأ ذمتي قدام ربنا وقدامك.
فهد بدون صبر: انطق يالاه انت لسة هتوب هنا!!
مرسي بقلق: اليوم اللي قبل الحادثة جالي الاستاذ محمود العمري وكان طالب انه ينقل عفش بيته عشان هيعزل وكان عايز عربية نقل تاخد العفش..فالريس رشحله انا بما اني اقدم واحد في الشغلانة.
فهد بعصبية: وانا مال امي بكل ده انت هتحكيلي قصة كفاحك!!
قاطعه مرسي: ماهو انا جاي لسعتك في الكلام اهو..لما جالي الاستاذ محمود واتكلمنا..طلع انه مش عايز ينقل ولا حاجة كان غرضه حاجة تانية..عايزني ادخل في عربية ملاكي واخليها تعمل حادثة..طبعا انا في الاول رفضت بس بعد كده اضطريت اوافق عشان بنتي اللي كانت عايزة عملية زرع قلب مستعجل..وكمان اتطمنت شوية لما قالي هو مش هيموت صاحب العربية هو بس هيدخل المستشفى كام يوم بس مش اكتر..عشان كده وافقت..والله ده اللي حصل بالظبط ياباشا انا ماكنتش اعرف انه هيموت او انه كان معاه مراته وربنا صدقني!!
فهد جلس امامه بصدمة كبيرة لا يعلم كيف عقله تحملها ولم يفقد وعيه!!..فاكمل مرسي برجاء: ابوس ايدك ياباشا ما تأذيني انا عملت كده عشان بنتي لولا الحوجة ماكنتش وافقت وربنا!!
فهد نظر له بنظرة خالية من اي مشاعر: تعرف واحد اسمه عاصم رافت!!
مرسي بتوتر واضح لكن اخفاه بسرعة: لا سعتك اول مرة اسمعه منك.
فهد وقف بكل هدوء عكس العاصفة التي بداخله وقال: امشي.
مرسي وقف بتوتر وقال: ياباشا انااا.....!!
فهد بصراخ ارعب جميع من في الشركة حقا: بقولك اطلع برااا!!