بعد وفاة كبير عائلة الطوجي كان هذا القصر يعم بالحزن والبكاء طوال الاسبوع...ومنهم كان حزين بالفعل على موت صالح الطوجي ومنهم من يصطنع ذلك لكي لا يشك به احد ولكن بداخله سعيد بذلك أملا في انه يتحكم في هذه العائلة من بعد وفاة صالح...
ومنهم غاضب ولكن ليس من وفاته بل لانه لم يعلن من الذي سيكون مكانه.......
لكن الجميع متفقين على ان هذا الوقت سيعم به البلوى من اجل الصراع على مكانة صالح الطوجي!!!..........
بعد انتهاء مراسم العزاء حددوا ميعاد لكي يجتمعوا فيه على الاتفاق من سيتولى مكان الجد الكبير...والكل في نيته انه هو من سيكون مكانه لا مجال لذلك........
اجتمعوا الجميع يوم الثلاثاء الموافق ٢/٢٥ برئاسة هشام الطوجي لانه يعتبر الابن الأكبر لعائلة الطوجي بعد وفاة شاكر الابن الكبير........
هشام: احنا مجتمعين كده عشان نناقش مين اللي هيمسك مكان الحج الله يرحمه.
وليد بجفاء: مش قبل ما نتكلم المفروض ندعي للحج ونقراله الفاتحة كمان عشان ربنا يكرمنا؟!
فريدة: ابني معاه حق تعالوا نقرأ الفاتحة الاول وبعدين نشوف هنعمل ايه عشان تبقا قاعدة خير علينا.
صابر بخبث: وماله المهم تبقا خير علينا كلنا مش عليكي انتي او ابنك بس.
وليد نظر له وكان سيقول شيء لولا فريدة امسكته وقالت ببرود: لم الدور يا صابر احنا لسة بنقول بسم الله لو هتقلبها يبقا انت اول واحد اللي هتخسر...(وأكملت بخبث)...وانت طبعا فاهمني.
صابر نظر لها بحنق فقال هشام ببرود: ها هنقرا الفاتحة ولا مش عايزين ربنا يكرمنا في القعدة دي؟!
فريدة: لا خلاص يلا.
وليد لاحظ اختفاء احد ما فقال: اومال فين فهد وعمر مش مجتمعين معانا ليه؟!
طارق بسخرية: هتلاقيه نايم ولا بيلعب هنا ولا هنا.
وليد بغضب: انا ماوجهتلكش كلام...انا كلامي واضح فين فهد وعمر؟!
صابر بنفاذ صبر: سكتي ابنك يا فريدة احنا مش ناقصين صداع عايزين نخلص.
فريدة لوليد: يا وليد فهد وعمر ابوهم اللي هو عمك مات الله يرحمه واحنا هنا متجمعين عشان احنا اللي عايشين وموجودين دلوقتي واحنا الاحق بالمنصب ده.
وليد بسخرية: طب طالما كده كده انتوا الكبار اللي هتمسكوا مكان جدي الله يرحمه وجودي انا والأستاذ طارق ده لازمته ايه.
هشام بعصبية: هي الفاتحة دي مش هتتقرا ولا ايه سكتي ابنك يا فريدة عايزين نخلص بقا.
فريدة بغضب لوليد: ممكن تسكت بقا عايزين نخلص يا اما والله هطلعك برا خالص.
وليد نظر لها بحنق ثم سكت وهو يفكر اين هو فهد يا ترى...الجد كان أعطاه الرسالة التي تكشف من سيكون مكانه ونبه عليهم ان لا يفتحها احد سوى بعد وفاته وأمام الجميع...والان لم يظهر فهد ولا عمر وهم من سيتحكمون من بعد وفاة صالح وهم لا يعلمون عن الرسالة تلك شيئا!!!......
وليد في سره: يا ترى انتوا فين يا فهد؟!
وكانوا سيبدأون بقراءة الفاتحة لولا دخول (فهد) عليهم بطلته المخيفة والقوية تلك ومعه عمر فنظروا له جميعا وهو يقول بمكر: مش المفروض القعدة دي لكل رجالة عيلة الطوجي ولا انا وعمر مش محسوبين كرجالة؟!
وليد بترحيب: لا ازاي انت سيد الرجالة طبعا ولا ايه؟!
فريدة نظرت له بغضب...فقال هشام بترحيب زائف: اهلا وسهلا باولاد الغالي تعالوا اتفضلوا.
عمر وفهد جلسوا فقال عمر: كنا المفروض ناخد خبر يا عمي ولا ايه؟!
صابر: معلش يابني اصل دي قعدة فيها الكبار بس وكده.
فهد ببرود نظر له: قصدك عشان ابونا مات يعني...هه مانتوا مقعدين واحد مالهوش اي لازمة في القعدة اهي (ثم وجه نظره الي طارق) ولا ايه يابو الكباتن؟!
طارق قام بغضب: انت عبيط ولا ايه ما تحترم نفسك؟!...هو كل واحد هنا هيلقح عليا بكلمتين مالهومش لازمة زيه ولا ايه؟!
فهد بسخرية: انا برد على كلام ابوك ثم مالك اتحمقت كده ليه...مانت فعلا مالكش لازمة وانت عمال تتصرمح هنا وهناك واخر ماعملت فضيحة في بيت صاحب جدنا الكبير وصغرته قدامهم في آخر أيامه ولا نسيت؟!
وكان طارق سيتكلم لولا اسكته والده هشام بغضب: اخرس بقا دايما جايبلي الكلام كده وانت يا فهد احنا دلوقتي في اللي هيمسك مكان الحج الله يرحمه فمش عايزين نتخانق دلوقتي.
فهد: صح مش عايزين نتخانق دلوقتي لان الخناقة كده كده جاية في السكة بس مش دلوقتي.
صابر: قصدك ايه؟!
نظر له فهد بقوة وبرود: هتعرف كل حاجة في وقتها بلاش الاستعجال دلوقتي احسن.
YOU ARE READING
صراع عائلة الطوجي
General Fictionصراع بين أبناء واحفاد عائلة الطوجي لا يرحم احد واي غريب يدخل بها ينتهي به الحال إلى الدمار!!!! فماذا سيحدث مع ابنة محمود العمري......؟!! صراع عائلة الطوجي.....
