صراع عائلة الطوجي

الثاني والعشرون

عمر انتبه لما كان سيفعله وقال وهو ماذال يفكر في هذا الشخص ومطلبه الغريب الذي بسببه ستقوم حرب عالمية ثالثة اذا علم فهد بالامر!!........

عمر بابتسامة لعائشة: استأذن انا بقا سلام عليكم.
عائشة افاقت من صدمتها ونظرت له بابتسامة حائرة: اه..مع السلامة يابني ماتنساش تسلملي على العيلة.
عمر وهو خارج: حاضر ياحجة يوصل ان شاء الله.

ثم ذهب عمر وهو يفكر ماذا سيحدث بعد تلك القنبلة ياترى؟!....
في حين جميع من في المنزل مصدوم من هذا الطلب الغريب فبادر محمود بالحديث لكي يقطع هذه الصدمة........

محمود بتعجب: معلش هو حضرتك قلت ايه دلوقتي؟!
رؤوف بابتسامة: ايه ياحج مالك؟!..انا طلبت ايد بنت حضرتك؟!
محمود: معلش يابني بس مش شايف ان الطلب غريب شوية؟!
رؤوف باستغراب: غريب!!..ليه هي الناس بتتقدم ازاي ياحج؟!
محمود: مش قصدي الطلب..قصدي الموقف انت تعرف بنتي ازاي عشان تيجي تطلب ايدها؟!
رؤوف: فيه ايه ياحج مانا قلت لحضرتك انها طالبة في كليتنا وانا المعيد بتاعها..وهي أخلاقها الصراحة عجبتني وانا بقالي فترة بدور على بنت الحلال عشان استقر بقا..لان سني بقا ٣٠ ولسة مادخلتش دنيا!!
محمود نظر لمروة ثم نظر لذلك الشاب فهنا تدخلت مروة قائلة: بس حضرتك انا مرتبطة اصلا!!
نظر لها والدها بتفاجؤ ثم انتبه لهذا الشاب الذي قال بابتسامة غريبة: لا يا آنسة مروة انا اللي اعرفه ان حضرتك لسة ماتخطبتيش والأستاذ فهد جيه أتقدم مش اكتر.
هنا انفجرت مروة بغضب: يعني ايه؟!..هو حضرتك بتراقبني؟!
رؤوف بهدوء: لا طبعا بس طبيعي اي شاب يتقدم لبنت لازم يسأل اهل منطقتها عليها الاول..فواضح ان اليوم اللي جيه أتقدم فيه الاستاذ فهد كان معروف اوي عند أهل منطقتكم..وواضح كمان انه من عيلة مشهورة وليها اسمها في البلد عشان كده اهل المنطقة عارفينه.
مروة بسخرية: وطالما عرفت المعلومات دي عنه..اكيد عرفت كمان انه مستحيل يسيب واحدة اتقدملها لحد تاني..ولا ايه؟!
رؤوف ببرود: والله بقا انا مايهمنيش تصرف الشخص ده معايا هيكون ايه..انا اللي يهمني انتي يا آنسة مروة.
تفاجئ الجميع ببروده المفاجئ وايضا نبرة صوته التي لا يعلمون هل هي تهديد ام برود عادي!!.......
محمود بهدوء: بص يا استاذ رؤوف..انا بنتي مش مكتوبة من نصيبك معلش وزي ما حضرتك عرفت ان فيه واحد تاني أتقدم ليها واحنا كلنا موافقين وأولهم العروسة نفسها..فاحنا اسفين لحضرتك وان شاء الله تلاقي نصيبك قريب.
صدموا مما سمعوه حين قال بضحكة واضح من معالمها الخبث: تمام..ماعنديش اي مانع..كده كده كنت عارف الرد بس قلت مافيش مانع من المحاولة..عن اذنكم.

ثم خرج كما دخل ترك على وجوه الجميع صدمة لا يعلمون كيف سينامون بسببها الان والسؤال الان...هل هذا الشخص حقا كان يريد مروة لانه اعجب بها ام هناك سر وراء مجيئه هنا لا يعلمه سوى هو!!!.......

مروة بغضب: ايه البني آدم المستفذ ده!!..هو جاي يرمي رخامته علينا ويمشي؟!
عائشة بقلق: مش عارفة ده مجرد احساس ولا لا بس انا قلقانة من الولد ده ومن كلامه مش عارفة ليه؟!
مروة بسخرية: ايه ياماما مش شوية كلمتين قالهم واحد مالهوش اي لازمة هيعملوا فيكي كده!!..وهو اصلا مش هيقدر يعمل حاجة ده لو فكر بس.
محمود بغموض: لا يامروة امك معاها حق الولد ده فعلا مش مطمني..وكونه انه يجي في الوقت ده بالذات مش طبيعي.
عائشة: ايوا صح..اصل كان عنده فرصة كبيرة قبل ما يجي فهد ونقتنع بيه..اشمعنا يجي دلوقتي!!
مروة بغيظ: فيه ايه ياجماعة ماتصلوا على النبي كده في قلبكم!!..ده واحد جيه أتقدم واترفض خلاص خلصت!!
محمود بغضب: لا ماخلصتش..ماخلصتش يا مروة عارفة ليه؟!..لان مافيش حد من المنطقة يعرف اللي جيه اتقدملك ده اسمه فهد من أساسه!!
مروة بصدمة كبيرة: يعني ايه؟!
محمود نظر لباب المنزل وقال بغموض كبير: احنا لازم نعرف الولد ده كويس اوي.
_______________________
بعد يومين من آخر الاحداث وفي المشفى التي بها رؤى اخت وليد........