انتهت حفلة الخطوبة اخيرا تحت خجل مروة وسعادة فهد التي لا تكفي الكلمات ان تعبر عنها وبالطبع لن ننسى غضب هشام الشديد حتى انه استأذن في نصف الحفلة وذهب بحجة ان لديه أعمال تنتظره!!.......
وهو يفكر في رد الاهانه لفهد من وجهة نظره...فهو بالطبع لن يسكت على ما قاله ذلك الفهد ابدا........
فهد وهو على وشك الخروج الان صافح محمود وقال: شكرا ياحج على ثقتك فيا ومش عارف الصراحة اقولك ايه بس انت فاجأتني!!
محمود بابتسامة: مانكرش اني اتعصبت جدا لما لاقيتك داخل عليا ومعاك اللي اسمه هشام ده..بس حبيت استغل وجوده واشوفك هل هترفض تجاوب على سؤالي عشان هو موجود ولا لا..والصراحة عجبني ردك اوي.
فهد: عيب عليك ياحج..مع اني زعلان انك كنت لسة مش واثق فيا بس دلوقتي ارتحت وفرحت لما نلت ثقتك اخيرا..وزي ماقلت لحضرتك انا مش هخلي الهوا اللي بيتنفسوه عيلة الطوجي يجي على مروة حتى..فماتقلقش من الامر ده نهائي انا نفسي بعيد عنهم.
محمود بابتسامة: حقيقي ونعم تربية شاكر وسارة ليك فعلا..ربنا يحميك ويحفظك يابني.
فهد بابتسامة: امين..عايزين حاجة؟!
عائشة بحنان: لا يابني كتر خيرك يارب.
محمود: عايزين سلامتك يابني.
فهد: امين يارب..سلام عليكم.
محمود وعائشة: وعليكم السلام.
عندما خرج فهد وهو ذاهب ليركب سيارته قال عمر بقلق........
عمر: انا خايف من رد فعل عم هشام الصراحة!!
وليد: والله بقا يعمل اللي يعمله انت ناسي انه جبان؟!
عمر بسخرية: انت ماتعرفش عمك ولا ايه!!..هو اه جبان وعرة كمان بس لما بيحط حاجة في دماغه تنسى كلمة جبان دي نهائي وتحط مكانها شيطان!!
فهد ببرود: وانت عارف ياعمر اني بحب اطرد الشياطين من حياتي..فلو فكر هشام انه يسمع كلام شيطانه بس هطرده هو وشياطينه من الحياة كلها.
وليد: انت ماتحطش في بالك ياعمر انت عارف اخوك كويس ماحدش يقدر يعمله اي حاجة اصلا..ماتقلقش.
عمر بتنهيدة: ربنا يستر!!
فهد: يلا طيب دلوقتي عشان الوقت اتأخر وكل واحد فينا عنده شغل زي الجبل بكرة.
وليد: تمام يلا.
ثم ذهب كل واحد منهم الي منزله وهو يفكر فيما سوف يحدث بعد ذلك!!........
________________________
في اليوم التالي......
كان عمر ووليد عند فهد في مكتبه في الشركة يتحدثون عن العمل حتى تفاجؤوا من هذا الاقتحام الذي يشبه الإعصار!!!!......
السكرتيرة بصراخ وعصبية: ماينفعش كده يا استاذ صابر!!
وليد وقف بغضب: فيه ايه..انت ازاي تدخل علينا كده؟!
صابر بغضب: بس ياض انت مافضلش غير الصغيرين اللي يعلمونا اللي يصح واللي ما يصحش!!
وليد بغضب: بقولك ايه انت......
فهد قاطعه بهدوء: بس ياوليد.
وليد التفت له بغضب: انت مش شايف الهمجية اللي عمك دخل بيها دي؟!
فهد بعصبية: وانا قلت بس ياوليد..ايه مش هتسمع كلامي مثلا!!
وليد نظر له بغضب ثم التفت الي صابر بغيظ وذهب مسرعا قبل ان يرتكب جناية هنا فقال فهد لعمر: روح وراه قبل ما نلاقيه داخل علينا بمسدس ولا حاجة.
عمر بتنهد: حاضر يافهد..عن اذنك.
ثم خرج تاركا بركان سينفجر بعد ثوان معدودة......
YOU ARE READING
صراع عائلة الطوجي
General Fictionصراع بين أبناء واحفاد عائلة الطوجي لا يرحم احد واي غريب يدخل بها ينتهي به الحال إلى الدمار!!!! فماذا سيحدث مع ابنة محمود العمري......؟!! صراع عائلة الطوجي.....
