ظلت مروة في صدمتها لا تعلم ماذا تقول او ماذا تفعل ونفس الامر يحدث مع عائلتها ايضا كأن هناك من اخبرهم ببداية الحرب العالمية الثالثة...نعم فطلب فهد الغريب هذا بمثابة حرب عالمية على وشك الحدوث الان!!......
كان فهد ينظر لهم بابتسامة ثقة وهو يعلم بصدمتهم تلك بل كان يتوقعها ايضا حتى قال: ايه ياعمي العزيز ماسمعتش رد من حضرتك يعني؟!
محمود افاق من صدمته وهو يقول بغضب: ردت الماية في زورك يابعيد انت اتجننت؟
فهد ببرود: ليه كده بس ياحج ده انا زي مابيقولوا داخل البيت من بابه؟!
محمود ببرود: انت عارف كويس اوي انك لو اخر حد في الدنيا مش هوافق عليك..ومش عشان انقذت بنتي يبقا العشم ياخدك اوي وتيجي تتقدم لبنتي بقلب جامد كده!!
فهد بسخرية: محسسني اني جاي اطلب ايد المدام!..انا زي اي حد اعجب ببنتك وعايز يتجوزها مش اكتر..واحب اقولك اني ولا حاطط في دماغي حكاية اني انقذتها ولا حاجة انا زي ماقولتلك ده كان واجب عليا وغالبا اي حد في مكاني كان هيعمل كده بردو..دي مسالة نخوة ياحج مش جدعنة وخلاص.
محمود بتنهيدة: من الاخر كده انا مش موافق ايا كان بقا رايك.
فهد جلس بهدوء وقال: تمام وانا احب اعرف السبب ياريت؟
محمود محاولا الهدوء: مش لازم.
فهد بسخرية: لا والله!!..ده اللي هو ازاي معلش؟!
محمود بنفاذ صبر: يا اخي انا مش مرتحلك مش عايزك لبنتي هو بالعافية؟!
فهد ببرود قام وأغلق زر الجاكيت: تمام وانا مش هسيبها لحد غيري وده اخر كلام عندي ولو سمعت انكم وافقتوا على حد تاني وقتها ماتلموش الا نفسكم.
محمود بتعجب: يعني ايه..هنوقف حال البت عشان خاطر أوامر سعتك ولا ايه؟!
فهد: اه..واللي عندي قلته..صدقني مصلحتها معايا انا وهتعرفوا الكلام ده كويس بعدين.
محمود بغضب: وانت بقا تعرف مصلحة بنتي اكتر مني ولا ايه يافهد باشا!!..ولا عيلتك اللي علمتك البلطجة وحب الذات ده!
فهد ببرود: ماحدش علمني حاجة انت عارف كويس اني غيرهم واني عنيد اكتر من جدي نفسه الله يرحم..انا فهد شاكر ولا نسيت ياعمي!!
محمود علم مايلمح له فهد فقال بغضب وهو يشير بيده لباب المنزل: اطلع برا..برااا!!
فهد اتجه للباب وقال بسخرية: تمام انا مش هحاسب حضرتك على المعاملة دي نظرا انك مصدوم بس..لكن اكيد لينا كلام تاني يا عمي.
ثم نظر الي مروة التي كانت تنظر لما يحدث ببرود وغضب وذهب مسرعا قبل ان تنكشف حقيقة مشاعره التي اصبح يشعر بها بقوة الان!!......
محمود جلس بغضب وهو يفكر بالكارثة التي حلت عليهم من وجهة نظره...فاتت عائشة تجلس بجانبه لكي تحاول ان تقنعه بهذا الرجل...فهي منذ زمن تتمنى ان تكون مروة لفهد الطوجي لنظرتها به التي توحي بأنه شاب ليس مثل عائلته ابدا!!!.........
عائشة بحنان: اهدى ياحج.
محمود نظر لها بغضب: اهدى!..بقا فهد ابن عيلة الطوجي جاي يتقدم لبنتي وتقوليلي اهدى!.
عائشة: هو يعني عمل ايه بس ياحج ماهو شاب زي اي شاب اعجب ببنتك وجيه يتقدم على سنة الله ورسوله؟!
محمود وقف بغضب وقال بصراخ فزعت منه كل من عائشة ومروة: قصدك ايه انتي موافقة على كلامه وطلبه ده؟!
عائشة وقفت وقالت بهدوء: انا الصراحة مش شايفة فيه عيب للرفض!!
هنا تدخلت مروة بصدمة: انتي بتقولي ايه ياماما؟!
محمود بغضب: استني انتي يامروة اما نشوف وجهة نظر امك الفاذة؟!
عائشة بتنهيدة: بالله عليك ماتتريقش عليا ياحج..انا بقولك راي واحنا عارفين ان رايك في الاخر هو اللي بيمشي!!
محمود: تمام اوي..طالما عارفة كده كويس يبقا الموضوع ده بالذات وفري فيه راي حضرتك ياعائشة وسيبيني انا اللي اتصرف.
عائشة: طب افهم الاول انت ليه رافض الشاب ده؟!
محمود التفت لها بنفاذ صبر: انا اللي عايز اعرف انتي بتجادليني ليه في موضوع صاحبته نفسها مش موافقة بيه؟!..مش من باب أولى تقنعيها هي الاول ده اذا وافقت اصلا؟!
عائشة نظرت الي مروة وقالت: ماتقولي حاجة يامروة!!
مروة اقتربت منهم وقالت ببرود: اقول ايه يا امي وانتوا عارفين كويس ردي على الموضوع ده؟!
عائشة: طب ماشي انتي ليه مش موافقة بس؟!
مروة بغضب: لان عمري ما انسى تصرفاته معايا وطرده ليا من بيته قدام اخواته..وكمان لما عملي مشكلة وسبب سوء فهم بيني وبين ابويا والنتيجة حبسي في البيت لمدة عشر ايام وده اللي عمره ماحصل معايا!!..اه اينعم هو انقذ حياتي بس زي ماهو قال كان اي حد ممكن يعمل كده مش حوار يعني..لكن بقا اللي صدر منه في الأول مش اي حد يعمل كده الا اللي مايعرفش الأصول.
YOU ARE READING
صراع عائلة الطوجي
General Fictionصراع بين أبناء واحفاد عائلة الطوجي لا يرحم احد واي غريب يدخل بها ينتهي به الحال إلى الدمار!!!! فماذا سيحدث مع ابنة محمود العمري......؟!! صراع عائلة الطوجي.....
