صراع عائلة الطوجي

الثالث والعشرون

بعد تلك الصدمة الكبيرة التي تلقتها مروة واخاها محمد لم تعلم ماذا تفعل او بماذا ستجيب!!...حقا انها مفاجأة غير سارة بالنسبة لها.......

مروة بصدمة: يعني ايه كتب الكتاب بعد شهر؟!
فهد ببرود: زي ماسمعتي كده واتفضلي انتي واخوكي عشان الحج لو عرف مش هتبقى حلوة ابدا.
محمد بغضب: ماشي بس لسة كلامنا ماخلصش يافهد الطوجي.
فهد بسخرية: على اساس ان حسابي معاك اللي خلص؟!..بس الايام بيننا يا ابن العمري.
محمد نظر له بغضب وسحب مروة التي ماذالت مصدومة حتى الان وقال: يلا عشان ما ارتكبش جناية هنا.

ثم أخذها وذهبوا في حين قال فهد ببرود وسخرية في نفس الوقت: هه..غلطان وبجح ماشاء الله!!
ثم دخل للمنزل وهو يتوعد لرؤى هذه ايضا فحسابها لم ينتهي معه........
_________________________
وصل كل من محمد ومروة للمنزل وصدمة اخرى عندما رأوا والدهم في المنزل وهو ينتظر مجيئهم...فعلمت مروة ان عقابها الان حان وقته بدليل وجه والدها الذي سينفجر منه الغضب!!......

محمود بغضب: والبهوات كانوا فين بقا؟!
محمد بتردد: الصراحة يابابا كنا بنزور حد اعرفه.
محمود نظر لمروة ثم له وقال: وانت تزور واحد تعرفه تاخد معاك اختك ليه؟!..محرم!!
فلتت ضحكة من مروة عن غير قصد فنظر لها محمود وقال بغضب: وليكي عين تضحكي!!
مروة بارتباك: احم..اسفة والله يابابا غصب عني طلعت.
محمود نظر لمحمد وقال: ها ماسمعتش من سعتك رد!!..اخدت معاك اختك ليه ياخويا؟!
محمد بتردد: الصراحة هو مش واحد.
مروة نظرت له بصدمة وخوف ثم نظرت الي والدها ببطء وقلق الذي قال بتعجب: مش واحد؟!..يعني كنت بتزور بنت؟!
محمد: الصراحة اه.
هب محمود واقفا بغضب فتراجع محمد للوراء بسرعة وخوف قال: بص هتضرب هجري فبلاش ضرب والنبي!!
هنا ضحكت عائشة بخفوت فقال محمود بغضب: هو انا الوحيد اللي متعصب هنا ولا ايه؟!..انطق يالاه مين البت دي؟!
محمد وهو يقف خلف مروة: زميلتي وخلاص بقا يابابا..كانت عاملة عملية فطبعا كزميل ليها روحت اتطمن عليها واخدت معايا مروة عشان مايبقاش شكلنا وحش او ملفت للانظار!!
محمود بسخرية: لا أصيل يالاه..يعني كمان اخدت معاك مروة لبيت صحابك البنات اللي شبه عرايس المولد دي؟!..ازاي تاخد اختك يا راجل انت في الأماكن دي ها؟!
محمد: يعني انا اخدتها كباريه!!..دي شقة في وسط البلد كمان وغير كده كان فيه بنات تانية اصلا يعني مش لوحدها.
محمود: طيب يا لمض عقابا ليك مافيش مصروف لمدة اسبوع.
محمد بصدمة: ايه!!..لا بالله عليك كله الا المصروف!!
مروة بسخرية: مش عيب عليك تبقا شحط كده وتعيط عشان المصروف؟!
محمود بغضب: يعني بتتكلمي بثقة اوي وانتي متعاقبة زيك زيه؟!
مروة نظرت بصدمة لوالدها في حين ضحك محمد عليها: احسن عشان بعد كده تلمي لسانك وماتحشريش مناخيرك الكبيرة دي في اللي مالكيش فيه.
مروة بغضب: بص يابابا بيقول عليا ايه!! ياريت حضرتك تحرمه من النت كمان.
محمد بغضب: هو ايه أصله ده؟!..انتي مش هتتهدي غير لما اقطعهولك مثلا؟!
محمود: يلا انت وهي كل واحد على اوضته يلا.