『omegaဖြစ်ပြီး‌နောက်ကိုယ်ဝန်ရှိမှန်းသိရ,omegaျဖစ္ၿပီးေနာက္ကိုယ္ဝန္ရိွမွန္းသိရ』

Part - 14 (Z+U)

🍼ငြင်းတာလား, လက်ခံလိုက်တာလား? ( Uni )

Crawfish ဆိုင်ကနေအိမ်ပြန်ရောက်ရောက်လာချင်းဘဲ ချိယွီ ပြိုလဲကျသွားခဲ့တယ်။

မနေ့ညက၊ သူဖျားတာ အရမ်းမပြင်းထန်ပေမယ့်လည်း သူအအေးမိသွားခဲ့တယ်။ထို့ကြောင့် ချိယွီက ဒီနေ့ အပြင်ထွက်ပြီး ဖျားနာမှုအားလုံးကို တုန်လှုပ်စေတဲ့ ရေခဲစိမ် ဘီယာသောက်ကာ ပူစပ်စပ် အစားအစာများကို စားခဲ့တယ်။ချိယွီမှာ အိုမီဂါတစ်ယောက်ရဲ့ ပျော့ပျောင်းမှုကို အပြည့်အဝ ခံစားဖူးခဲ့ပြီဖြစ်သည်။

ချိယွီက ဖြူဖျော့ဖျော့မျက်နှာနဲ့အိပ်ရာပေါ်မှာ လှဲနေရင်း ပျော့ခွေနေတဲ့ခြေလက်တွေနဲ့ နာဖူးပေါ်မှာလဲ အဖျားပျောက်ဆေးအိတ်ကို ကပ်လို့ထားတယ်။ သူ့ရဲ့ခန္ဓာကိုယ်တစ်ခုလုံးကို အိပ်ရာပေါ်မှာပစ်တင်ထားပြီး ဝမ်းဗိုက်ကို နေ‌ရောင်လာရာသို့ လှည့်ထားကာ နေလှောင်ခံနေတဲ့ မြစ်ထဲကငါးတစ်ကောင်ကဲ့သို့ ဖြစ်လို့နေတယ်။

"ဝူး~"

ချိယွီဘေးမှာလှဲလျောင်းနေရင်း၊ ယွီကျိုးလေးက ပျင်းရိစွာ နှုတ်ခမ်းလေးဆူနေခဲ့တယ်။

ယွီကျိုးလေးကလည်း မကြာသေးမီကမှ ဖျားထားတာဖြစ်ပြီး ၊ ဆေးဘက်ဆိုင်ရာ pheromone ကိုခံယူပြီးနောက်မှ nannyက ပြန်ခေါ်ထားခဲ့တာဖြစ်တယ်။

သူ့ကို အိပ်ရာထဲသယ်သွားတာနဲ့ ယွီကျိုးလေးကသနားချင့်စရာကောင်းစွာဖြင့် ချိယွီရဲ့မျက်နှာကို ဆွဲကိုင်ကာ၊ သူအမေကို သူ့အားမြဲမြံစွာကိုင်ထားစေလိုက်တယ်။ ဘယ်လိုလုပ် ချိယွီရဲ့အားနဲ့ ယွီကျိုးကို ချီထားနိုင်မှာလဲ?

ဒီတော့၊ ချိယွီက ခဏလောက်စဉ်းစားကြည့်လိုက်ပြီးနောက် အံဆွဲကနေ တစ်ရှူးအစိုထုပ်ကိုယူကာ တစ်ရွက်လောက်ထုတ်လိုက်ပြီး ၊အဲ့ဒါကို ယွီကျိုးလေးရဲ့နဖူးပေါ် ရိုက်ကပ်ပေးလိုက်တယ်။ပြီးနောက် သူကပြောလာတယ်။ "မလှုပ်နဲ့"

ပြောစရာတောင် မလိုပါဘူး။ထိုအရာက အမှန်တစ်ကယ်ကို အလုပ်ဖြစ်ခဲ့တယ်။

ယွီကျိုးလေးက အချိန်ခဏလောက် တောင့်ခဲသွားကာ သူက သူ့မာမားလို "အေးခဲ" သွားတယ်လို့ အမှန်တစ်ကယ်ထင်မှတ်နေခဲ့တယ်။ သူက ရုတ်တရက် ချိယွီရဲ့ဘေးနားလေးကို တိတ်ဆိတ်စွာ လှဲချလိုက်တယ်။