『omegaဖြစ်ပြီး‌နောက်ကိုယ်ဝန်ရှိမှန်းသိရ,omegaျဖစ္ၿပီးေနာက္ကိုယ္ဝန္ရိွမွန္းသိရ』

Part - 20.2 (Z+U)

🍼 ဘယ်လိုတောင်းပန်ဖို့ စီစဉ်ထားလဲ? • 2 | (Uni)

[ ဖိန်ချိုး : ညီအစ်ကို၊ ညီအစ်ကို ၊မင်း မသွားပါနဲ့! ]

[ ဖိန်ချိုး : နောက်ဆုံးရသတင်းတွေအရ ချိယွီကဆရာများရုံးခန်းကို သွားခဲ့တယ်တဲ့။တစ်ယောက်ယောက်က သူစာမေးပွဲပြန်ဖြေနေတာကိုတွေ့ ခဲ့တယ်‌ပြောတယ်၊ သူဘာသာသူဖြေရှင်းနိုင်ပါစေကွာ ။ ]

ဟယ်ကျိုးက မက်ဆေ့ကိုငုံ့ကာတစ်ချက်ကြည့်လိုက်ပြီး စာပြန်လိုက်တယ်။ [ ငါသိတယ်။]
သူ စာပြန်လိုက်ပြီးနောက် ဖုန်းကို သူ့အိတ်ကပ်ထဲပြန်ထည့်လိုက်တယ်။

သူက ခုချိန်မှာ ဆရာများရုံးခန်းရဲ့အပြင်ကိုရောက်နေပြီဖြစ်ပေမယ့် ခုထိ အထဲမဝင်ရသေးဘူးဖြစ်တယ်။အဲ့ဒီအစား သူက လျှောက်လမ်းမှာသာ မတ်တပ်ရပ်နေခဲ့တယ်။

ပြတင်းပေါက်ကနေတဆင့်၊ အထဲကမြင်ကွင်းကို သူရှင်းရှင်းလင်းလင်းကို မြင်ရနိုင်တယ်။ဆရာအားလုံးက သူတို့ကိစ္စနဲ့သူတို့ အလုပ်ရှုပ်နေကြပြီး ၊ တစ်ခါတစ်လေမှာ နာရီကိုတစ်ချက်ကြည့်ကာ ချိယွီကို ကြည့်တတ်ကြသေးသည်။

ချိယွီက ခေါင်းငုံ့ကာ အခန်းရဲ့အလည်မှာထိုင်နေတာဖြစ်ပြီး ၊ ဟယ်ကျိုးဖက်ကနေဆိုရင် သူ ချိယွီရဲ့ခေါင်းအနောက်နဲ့၊ သွယ်လျပြီးအထိအခိုက်လွယ်တဲ့ လည်တိုင်၊ ပျံထွက်တော့မယောင် ဘောပင်တို့ကိုသာ မြင်‌တွေ့နိုင်တာဖြစ်တယ်။

သူက ရုံးခန်းတစ်ခုလုံးရဲ့ အချက်အခြာဖြစ်တယ်။

ပြီးတော့ ၊ တစ်ကျောင်းလုံးရဲ့ အဓိကဇာတ်ကောင် ဖြစ်လို့နေတယ်။

လွန်ခဲ့တဲ့ နှစ်ရက်လုံး၊ ဟယ်ကျိုး ဘယ်ဘဲသွားသွား ချိယွီရဲ့နာမည်ကိုဘဲ ကြားနေရတယ်။ချိယွီကို ချီးကျူးတဲ့သူတွေရှိသလို ရှုတ်ချကာကဲ့ရဲ့တဲ့သူတွေလည်း ရှိကြတယ်။ ကျောင်းဝင်း ဖိုရမ်မှာတော့ ၊ ခေါင်းစဉ်တိုင်းက ချိယွီနဲ့ပတ်သက်လို့နေတယ်။

အတိုချုပ်ပြောရရင်၊ ကျောင်းမှာ ချိယွီနာမည်ကို မကြားဖူးတဲ့သူ၊ မသိသေးတဲ့သူ တစ်ယောက်တစ်လေပင် မရှိပေ။

ဟယ်ကျိုးက စုပ်တစ်ချက်သတ်လိုက်ကာ သူ့ရဲ့အကြည့်တွေကတော့ ရုံးခန်းအလယ်မှာ စာမေးပွဲထဲနစ်မြုပ်နေတဲ့ လူဆီမှာသာ သော့ခတ်* လို့ထားတာဖြစ်တယ်။