Uni
" ခက်လိုက်တာကွာ "
ကံ့ကော်လှိုင် အိပ်ယာပေါ်က အဝတ်အစားတွေကို ကြည့်ပြီးပြောလိုက်သည် ။
" ဘာများဝတ်သွားရပါ့မလဲ "
အဝတ်အစားတွေကို တစ်ထည်ချင်းကောက်ကြည့်လိုက်ပြန်သည် ။
" မမလှိုင်ရေ "
" အမေ့ "
ရုတ်တရက်ခေါ်လိုက်တဲ့အသံကြောင့် လှိုင် လန့်ပင်လန့်သွားရသည် ။
" မမလှိုင်ရေ ထွေး ဝင်ခဲ့မယ်နော် "
" ဝင်ခဲ့လေကွယ် "
ထွေး အခန်းတံခါးကို အသာအယာဖွင့်ကာ အခန်းထဲဝင်လိုက်သည် ။
" ဟင်.. "
ဒီတစ်ခေါက် လန့်သွားရသူကထွေး ။
" မင်းဘာဖြစ်တာလဲ ခင်ထွေးမွန် "
" မမလှိုင်က ရင်လျားကြီးနဲ့ဘာလုပ်နေတာတုန်း "
ထွေး လှိုင့်ကို ကြည့်ဖို့မရဲတော့တာကြောင့် ခေါင်းကိုသာ ငုံ့နေတော့သည် ။
" အို... တို့ကိုကြည့်ရမှာ ရှက်နေလို့လား ။ မိန်းကလေးချင်းပဲကွယ် ဘာများရှက်စရာရှိသလဲ "
" မ..မဟုတ်ပါဘူး "
" အင်းပါ ဒါဆိုလည်း တို့ဘာဝတ်ရမလဲ ရွေးပေးပါဦး "
" မမလှိုင်က ဘာနဲ့ဖြစ်ဖြစ်လိုက်တယ် "
" အဲ့လိုမပြောနဲ့လေကွယ် ။ တို့ အဲ့လိုပွဲတွေမတတ်တာကို မင်းပဲဖိတ်ပြီးတော့ "
လှိုင် ထွေးကို မျက်စောင်းလေးမခို့တရို့ထိုးပြီးပြောလိုက်သည် ။
" ဟုတ်ပါပြီ ထွေးရွေးပေးပါ့မယ် "
ထွေး အိပ်ယာပေါ်က အဝတ်အစားတွေကိုကြည့်လိုက်သည် ။ ပြီးတော့ လိမ္မော်ရောင် ရင့်စေ့တစ်ထည့်ကို ကောက်ယူလိုက်သည် ။
" ဒါလေးဝတ် မမလှိုင် "
" အဆင်ပြေမှာ သေချာပါတယ်နော် "
လှိုင် ထွေးကို မယုံသလိုမေးလိုက်သည် ။
" သေချာတယ် မမလှိုင် ။ ပြောသောပြောရတာ မမလှိုင်က ဘာဝတ်ဝတ်ကိုလှတယ် "
" ဒါဆိုလည်း တို့မင်းရွေးပေးတာလေးပဲ ဝတ်လိုက်ပါ့မယ်လေ "
လှိုင် အဝတ်အစားတွေဝတ်ဖို့လုပ်နေတော့ ထွေး ထပ်ပြီးနေရခက်နေပြန်သည် ။ ထွေး အခန်းထဲက ခုံးလေးတစ်ခုံပေါ် ဝင်ထိုင်လိုက်ပြီး ခေါင်းကို အောက်ကိုသာ ငုံ့ထားလိုက်သည် ။
YOU ARE READING
ကံ့ကော်ဝေသော//ကံ့ေကာ္ေဝေသာ
Romanceကံ့ကော်တွေပွင့်တာမြင်တော့ ကံ့ကော်လှိုင်ဆိုတဲ့အမျိုးသမီးတစ်ယောက်ကို ဖန်တီးမိလိုက်တယ် 💛 ကံ့ေကာ္ေတြပြင့္တာျမင္ေတာ့ ကံ့ေကာ္လွိုင္ဆိုတဲ့အမ်ိဳးသမီးတစ္ေယာက္ကိုဖန္တီးလိုက္မိတယ္💛
