Uni
အားလျော့နေသောနှလုံးသားတစ်စုံဟာ ညရဲ့ကဗျာဆန်မှုကိုလည်း မခံစားတတ် ၊ လရဲ့လှပနေမှုကိုလည်းမကြည့်တတ် ။
လှိုင် အခန်းပြတင်းပေါက်နားမှာရပ်ကာ စီးကရက်ငွေ့တွေကို ရှိုက်ထုတ်နေပြန်သည် ။ ရုတ်တရက်မြည်သံကြားလိုက်ရတာကြောင့် လှိုင် အိပ်ယာပေါ်ကဖုန်းကိုသွားယူကာ ပြတင်းပေါက်နားဆီကိုပဲပြန်သွားလိုက်သည် ။
" ဟလို "
ဖျော့တော့လွန်းသောအသံသေးသေးက လှိုင့်ကို သက်ပြင်းတစ်ချက်ပင်ချစေသည် ။
" မင်း ဘာတွေလုပ်နေတာလဲ ကလေးရယ် "
လှိုင် လေးလံစွာပင်ပြောလိုက်သည် ။
" မမလှိုင်ကရော ဘာတွေလုပ်နေလဲဟင် "
" စီးကရက်တွေသောက်နေတယ်လို့ဖြေရင် မင်း တို့ကိုစိတ်ဆိုးမှာလား "
" စိတ်ဆိုးမှာမဟုတ်ဘူး ။ စိတ်ပူမှာ ။ ထွေး မသောက်ဖို့မှာထားတာကို "
" ဘယ်တတ်နိုင်ပါ့မလဲ ။ မင်းမှတို့ကို ဂရုမစိုက်ပေးဘဲ ။ မင်း တို့ကိုမဆက်သွယ်တာ ၄ ရက်တောင်ရှိပြီမဟုတ်လား "
" ထွေး တောင်းပန်ပါတယ် မမလှိုင် ။ ထွေးလေ ... "
ခင်ထွေးမွန် စိတ်ကိုမထိန်းနိုင်တော့ဘဲ ငိုချပစ်လိုက်သည် ။
" တို့ သိပါတယ် ထွေးငယ် ။ တို့ ရိပ်စားမိပါတယ် "
လှိုင် သက်ပြင်းတွေသာအကြိမ်ကြိမ်ချနေမိသည် ။
" မေမေက ထွေးတို့အကြောင်းကိုသိသွားပြီ မမလှိုင် ။ ပြီးတော့ ထွေးတို့ကို သဘောမတူနိုင်ဘူးတဲ့ "
" ဘယ်အမေကများ ကိုယ့်သမီးလေး မိန်းမချင်းချစ်ကြိုက်နေတာကို သဘောကျပါ့မလဲ ။ အဓိကက တို့တွေ တစ်ယောက်ကိုတစ်ယောက်ချစ်နေဖို့ပဲမဟုတ်လား "
" ဒါပေမယ့် မမလှိုင်နဲ့ခွဲရရင် ထွေးသေလိမ့်မယ် မမလှိုင်ရဲ့ "
" အို ... နိမိတ်မရှိတာတွေကွယ် ။ တို့တွေ တွေ့ခွင့် ၊ မြင်ခွင့်ရှိပါသေးတယ် "
" ဘယ်အချိန်ထိလဲ ။ တွေ့ခွင့်၊မြင်ခွင့်က တစ်သက်လုံးရှိမှာလား ။ တစ်သက်လုံးလို့မမလှိုင် အာမခံနိုင်လား "
ခင်ထွေးမွန် မျက်ရည်တွေပင် သုတ်၍မနိုင်အောင်ဖြစ်နေရသည် ။
YOU ARE READING
ကံ့ကော်ဝေသော//ကံ့ေကာ္ေဝေသာ
Romanceကံ့ကော်တွေပွင့်တာမြင်တော့ ကံ့ကော်လှိုင်ဆိုတဲ့အမျိုးသမီးတစ်ယောက်ကို ဖန်တီးမိလိုက်တယ် 💛 ကံ့ေကာ္ေတြပြင့္တာျမင္ေတာ့ ကံ့ေကာ္လွိုင္ဆိုတဲ့အမ်ိဳးသမီးတစ္ေယာက္ကိုဖန္တီးလိုက္မိတယ္💛
