Huwag Kang Pa-fall! | Winrina

Chapter 3 - Staring Contest

Ngayon ko lang napansin, ang tangkad pala ni Karina. Halos magkakasing tangkad kasi kami nila Gi at ngayong magkakasama kami, ngayon ko lang napansin na parang ang liit namin kapag nakatabi kami kay Karina.

Grabe ang talino na nga, ang ganda pa, tapos ang tangkad pa. Siya na siguro ang definition ng perfect.

"Huy baka matunaw yan," Bulong ni Ning. Muntikan ko na siyang masapak kasi ginulat ba naman ako.

"Huh?"

"Kanina ka pa nakatingin kay Karina. May pinaplano ka ba?"

"Wala akong plano."

Napansin ata ni Giselle yung pagbubulungan namin ni Ningning. "Ano pinag-uusapan niyo dyan? Pa-share naman."

Bumalik ulit kami dito sa bahay nila Ning kanina kasi abala pa yung mga tao mag-ayos ng gamit doon kila Gi kaya minabuti naming wag na muna silang istorbohin. Mas okay daw yon sabi ni Ning kasi magkakaroon daw kami ng quality time sa isa't isa at okay rin sakin kasi sinabi kanina ni aling Marga na welcome kami kumuha ng mga pagkain sa tindahan ng libre.

"Ning pwede pakuha ng isa pang tattoos," Utos ko kay Ning pero hindi niya ginawa at tiningnan niya lang ako ng masama.

"Oh bat ganyan ka makatingin?"

"Inuubos mo paninda namin!" Sabi niya tas sinugod ako. Instant wrestling lang ang peg namin tapos itong si Giselle naman hindi kami inaawat. Tawa lang ng tawa si babaita. Nakita ko naman si Karina na medyo nag-aalala na ang tingin samin tapos nung nagtama ang mata namin, ngumiti lang ako sa kanya ng pilit. Pasensya ka na Karina pero ganto talaga bonding namin.

"Are you okay?" Tanong ni Karina nang sa wakas ay napagod na rin si Ning sa pag-atake sakin.

"Ayos lang," Sagot ko naman.

"Amfee mo naman Winter ako kaya kausap ni Karina," Sabat naman ni gaga. Sa aming dalawa kasi, si Ning yung hindi kaaya-aya tingnan. Ang gulo ng buhok niya tas nagusot pa damit niya. Yung akin kasi, hindi masyado nagulo buhok ko. Iwas na iwas pa ako kanina kasi ayoko talaga na nagugulo buhok ko.

Tiningnan ko si Ning ng masama at nahihiyang lumingon kay Karina. Ganon pa rin naman ang itsura niya, may tipid na ngiti sa labi.

"I'm actually asking the two of you but it seems like you're okay naman na."

Proud kong tiningnan ulit si Ning, oh ano ka ngayon. Narinig ko naman yung tawa ni Karina. Nakita niya siguro yung ginawa ko sa kaibigan ko, pero ano naman nakakatawa don? Tawang tawa ka gorl?

Si Ning naman nagmamaktol kay Karina na parang close na agad sila. Iba talaga level of confidence nito.

"Karina pwede magtanong?"

Lumipas na ang isang oras pero di pa rin ata tapos maglipat ng gamit yung katapat na bahay nila Ning. Bumalik na ulit kami sa kwarto ni Ning kung saan ako nakatambay kanina. Naiwan pa yung mga gamit namin kanina sa kama, pati yung laptop ni Ning hindi pa rin naliligpit.

Pinagkakaabalahan ko ngayon yung mga albums ng red velvet na nakadisplay dito sa kwarto ni Ning. Buti na lang at mabait siya para magpahawak ng mga merch. At saka wag rin siyang mag-alala kasi hindi ko naman 'to sisirain. Todo ingat rin kasi ako sa mga blackpink merch ko.

"Sure, ano yon?"

"Sana hindi ka ma-offend pero curious lang. Halos more than an hour ka na dito. May plans ka pa ba ngayong araw?" Tanong ni Ning. Curious rin ako kaya tinigil ko muna ginagawa ko at nakinig sa kanila.