Blood Menace

12- Sentry Training

Kakabalik lang ni Kam sa cabin nila ni Cole. Kinailangan niyang lumabas para bumili ng kape at para na rin mag-stretch ng mga paa. Tatlong araw na rin kasi sila sa mahabang byahe na 'to at medyo napapagod na s'ya.

Pero in fairness, mas komportable na siya sa presence ni Cole. Mabait pala ito kahit na nakakainis minsan. Marami kasing kalokohan.

Binuksan niya ang pinto ng cabin at nakita n'yang busy ito sa pagbabasa ng kung anong libro na hindi naman mukhang textbook. Nakapatong pa ang mga paa nito sa upuan.

He looked so comfortable in his gray sweatsuit and black socks. Suot pa rin nito ang gold necklace nito na may pendant na letter B.

Tahimik na naupo siya sa kanyang bench at sumimsim ng kanyang mainit na kape.

Nakatitig pa rin siya sa lalaki. Nakaka-amaze kasi itong tingnan.

"You're staring," bigla nitong sabi pero tutok pa rin sa binabasa.

"What are you reading?" tanong naman niya. No need to act innocent. Nakatitig naman kasi talaga siya.

Itinaas nito ang libro para makita n'ya ang cover.

A Passionate Night with A King by Kisses Hots

Napangiwi si Kam nang mabasa ang title ng binabasa nito. "Is that an erotic novel?"

Ibinaba nito ang libro sa maliit na mesa na nasa harapan nila. Nakadikit ito malapit sa malaking bintana kaya hindi sagabal sa pagitan nila at kalahati lang ng bench ang haba.

"Caedis, 'wag mong i-underestimate ang power ng written words. Kahit hindi mo genre, kailangan mo pa ring respetuhin ang talent ng author sa pag-describe ng mga scenes. Sobrang vivid eh. Nai-imagine ko talaga ang lahat ng nagaganap sa librong ito. The author is so talented."

Napailing na lang si Kam. "You are such a pig," natatawa niyang komento at nakitawa na rin ito.

"You like coffee?" tanong nito pagkaraan ng ilang saglit.

Tumango siya. "I love coffee."

"Me too. So, where's mine?"

Napatitig pa lalo si Kam dito. "Hindi mo naman sinabi na gusto mo rin."

He exhaled as if he was exasperated. "Bumili ka na lang sana, you know, out of respect. Mag-aya ka kahit labag sa loob mo."

"Eh paano kung ayaw mo pala? Nag-aksaya lang ako ng pera?" ganti naman niya at agad na nanlaki ang mga mata nito na parang hindi makapaniwala.

"You're the daughter of the richest people in the whole world. Kape lang tapos manghihinayang ka?"

"Uy, Bloodworth, kahit one dayal lang 'yan, pera pa rin 'yan. Hindi ibig sabihin na mayaman ka ay pwede ka nang mag-aksaya ng pera. Respect money."

Napangiti ito. "Rich people," anitong napapailing.

"Rich people ka d'yan. Kung makapagsalita akala mo naman hindi rich," bulong niya at ngumisi lang ito. "Oh, share na lang tayo."

Hindi naman nagpakipot si Cole. Agad nitong sinunggaban ang kanyang kape at mabilis na tumungga sa hawak niyang cup. Ni hindi niya nagawang bitawan iyun.

"Ah," he exclaimed, satisfied. "Thank you, Caedis."

Napatingin ang dalaga sa cup saka sa binata. Nangalahati ang kape n'ya. "Tsk. Bumili ka ng sarili mong kape next time."

He smiled sweetly.

Naiiling na tinapos na lang niya ang pagkakape at itinuloy na rin nito ang pagbabasa ng erotica nito. Nakakatawa pa nga ang itsura ng binata kasi seryoso talaga ito sa pagbabasa. Ina-absorb talaga nito ang binabasang... genre.