Unicode
'' ရတနာကျော် ´´ စံအိမ်ကြီး အတွင်း သို့
အိုဗါလင်း မော်တော်ကားလေးတစ်စီးသည် တစ်ရွှေ့ရွှေ့ဝင်လာလေသည်။ထိုကားလေး အိမ်ရှေ့တွင် ရပ်လိုက်သည်နှင့် တပြိုင်နက်စံအိမ်ထဲရှိ သခင်မကြီး ဒေါ်မာရင်မြင့် သည် အပြုံးမျက်နှာနဲ့သာ ဇာပုဝါကို ပုခုံးပေါ်တင်၍ ထွက်လာလေတော့သည်။
'' အို အရေးပိုင် မင်းတို့ ပါ့လား..ကြွပါရှင့် ကြွပါ အရေးပိုင်ကတော်ရော ပါလာသပေါ့...´´
ဒေါ်မာရင်မြင့်သည် အရေးပိုင်ကတော်၏ လက်ကိုတွဲကာ ပြုံးပြုံး ပြုံးပြုံးနှင့်သာ လောကွပ်ချော်လေတော့သည်။
'' ကိုကိုကျော်ရေ လာပါဦး ... ဒီမှာ အရေးပိုင်မင်းတို့ ကြွလာတယ်... ´´
ဒေါ်မာရင်မြင့် ပြုံးပြုံး ပြုံးပြုံး နဲ့ ဧည့်ခန်းထဲကနေ ခင်ပွန်းဖြစ်သူကိုသာ လှမ်းခေါ်လေတော့သည်။
'' အိုး.. အရေးပိုင်မင်းတို့ပါ့လား ... အကြောင်းမကြား ဘာမကြားနဲ့...´´
'' လာရင်းကိစ္စကတော့ အလည်ဆိုပါတော့ကွယ်... အလည်ဆိုပေမဲ့ ထမင်းစားပြီး မှ ပြန်မှာနော ...´´
အရေးပိုင်ကတော်က စသလို နောက်သလိုပြောလိုက်လေသည်။
'' သြော် ဒါနဲ့ ဒီ သူငယ် က ...ဘိလပ်ပြန် အရေးပိုင်မင်းတို့ရဲ့ တစ်ဦးတည်းသော သားလေးဆိုသူလား ´´
ဒေါ်မာရင်မြင့် အရေးပိုင်မင်းကတော် ဘေးက အထက်တန်းကျကျ အဝတ်အစားနဲ့ ပြုံးပြုံးလေးထိုင်နေသော သူငယ်လေးကို ကြည့်ကာ ပြောလိုက်လေသည်။
'' ဟုတ်ပါ့ကွယ် ဒါ တို့သား...ရစ်ချက်တဲ့ ဘိလပ်ကပြန်လာတာ မကြာသေးဘူးလေ.. ..´´
'' သားလေးက လူချောလေးပဲ...´´
ဒေါ်မာရင်မြင့် တစ်ခုခု အကြံရသော ပုံစံဖြင့် ပြုံးပြီးသာပြောလိုက်လေသည်။
'' ကျေးဇူးပါတယ် အန်တီ ´´
'' သမီး ... သမီးလေး မော်လီ လာပါဦးကွယ် ဒီမှာ အရေးပိုင်မင်းတို့ ကြွလာတယ် ´´
ဒေါ်မာရင်မြင့် အိမ်ပေါ်ထပ်ရှိ သမီးဖြစ်သူ ကို မိတ်ဆက်ပေးဖို့ ခေါ်လိုက်တော့ မော်လီ မှ ဟော့ဟော့ရမ်းရမ်း အဝတ်အစားများဖြင့် ဆင်းလာလေသည်။
YOU ARE READING
လရောင်ဖြာမှ...အေးသောကြောင့်(လေရာင္ျဖာမွ...ေအးေသာေၾကာင့္)
RomanceUnicode '' ကံကြမ္မာဆိုတဲ့ အရာတောင် အသက်အတွက်ဆို ပြောင်းပြန်လှန်ပစ်မှာ မို့ မောင့်လက်ကိုသာရဲရဲတွဲထားပါ အသက်ရယ်'' Zawgyi '' ကံၾကမၼာဆိုတဲ့အရာေတာင္ အသက္အတြက္ဆို ေျပာင္းျပန္လွန္ပစ္မွာ မို႔ ေမာင့္လက္ကိုသာရဲရဲတြဲထားပါ အသက္ရယ္''