'' အစ်မလေး မာမီက မဟုတ်သေးဘူး။ ''
'' ရော် ဘာများဖြစ်လို့ပါလဲ ကိုထွန်းတောက်ကြီးရဲ့ ''
မနက်စာ စားအပြီး ပန်းကန်တွေဆေးရင်း ဆိုလာသည့် ကိုထွန်းတောက်ကြောင့် လရောင်ပြန်မေးလိုက်လေသည်။
'' ဟုတ်တယ်လေ အိမ်ကိုစရောက်တဲ့နေ့ကစပြီး အစ်မလေးအပေါ် ဆက်ဆံတဲ့ပုံရော၊ အပြောအဆိုလေသံကိုရော ကျုပ်မကြိုက်လှဘူး။ ဟို မော်လေး ဆိုတဲ့ ကလက်တက်တက်မိန်းမကိုကျ မော်လေး မော်လေး နေတာပဲ။ တူမ မို့လို့သာပေါ့ ကျုပ်ဖြင့် အစ်မလေးက သမီးလား။ သူကသမီးလားလိုမသိဘူး။ ''
'' အမယ်လေး ဒါများအဆန်းလုပ်လို့ ရန်ကုန်မှာဆို ဒီ့ထက်တောင် သာလို့ဆိုးသေး။ ခင်လေးမှာဆို လေ တစ်ခါတစ်လေ ဗိုက်ခေါက်ဆွဲခံရတာနဲ့ ကြိမ်တုတ်နဲ့ တောင်.....''
'' ခင်ထွေး !''
လွှတ်ခနဲ့ ပြောမိသွားသည့် ခင်ထွေး၏ စကားကြောင့် လရောင် ပန်းကန်ဆေးရင်းလက်စဖြင့် အမြန်တားလိုက်ရလေသည်။
'' ဘယ်လို ကျုပ်အစ်မလေးက အရိုက်ခံရတယ်''
'' မဟုတ်ပါဘူး ကိုထွန်းတောက်ရယ် ခင်ထွေးကဒီလိုပဲ ပြောမိတာပါ စိတ်ထဲမထားပါနဲ့ ''
လရောင် ကိုထွန်းတောက်အား ပြုံးပြုံးကလေး ဆိုလိုက်လေသည်။
'' မဟုတ်သေးပါဘူး။ ကျုပ် စဥ်းစားလို့ကိုမရဘူး။ ဘာလို့ အဲလိုလုပ်...''
'' ထွန်းတောက်ရေ ၊ ထွန်းတောက် ''
ထွန်းတောက် မစားပင်မဆုံးသေး ဧည့်ခန်းထဲမှ ဆရာဖြစ်သူ၏ ခေါ်သံကြောင့် ပြောလက်စ စကားရပ်သွားလေသည်။
'' ဗျာ လာပြီဆရာ။''
ပြောပြောဆိုဆိုနှင့် မီးဖိုခန်းထဲမှပြေးထွက်သွားသော ကိုထွန်းတောက်ကြောင့် လရောင် ခင်ထွေးကို မျက်နှာရိပ်၊ မျက်နှာကဲ ပြကာ မီးဖိုခန်းထဲမှ လိုက်ထွက်ခဲ့လေသည်။
'' သြော် မြို့အုပ်မင်းတောင် ရုံးသွားတော့မလို့လား။ ''
'' ဟုတ်ကဲ့ဒေါ်ဒေါ်''
ဧည့်ခန်းထဲသို့ ဝင်လာပြီး မျက်နှာချိုသွေးနေကြသည့် ဒေါ်မာရင်မြင့်ကြောင့် သစ်ဦးခက်တန်တန်သာ ပြောလိုက်လေသည်။
YOU ARE READING
လရောင်ဖြာမှ...အေးသောကြောင့်(လေရာင္ျဖာမွ...ေအးေသာေၾကာင့္)
RomanceUnicode '' ကံကြမ္မာဆိုတဲ့ အရာတောင် အသက်အတွက်ဆို ပြောင်းပြန်လှန်ပစ်မှာ မို့ မောင့်လက်ကိုသာရဲရဲတွဲထားပါ အသက်ရယ်'' Zawgyi '' ကံၾကမၼာဆိုတဲ့အရာေတာင္ အသက္အတြက္ဆို ေျပာင္းျပန္လွန္ပစ္မွာ မို႔ ေမာင့္လက္ကိုသာရဲရဲတြဲထားပါ အသက္ရယ္''