'' နို့မဟုတ်သေးပါဘူး။ ဒီအသံကို ရင်းရင်းနှီးနှီးကို သိနေပါတယ်''
'' ဘယ်အသံကိုလဲ မာမီရဲ့ ''
'' အရူးမရဲ့အသံ ကိုမာမီစိတ်ထဲသိပ်ဘဝင်မကျလှဘူး''
အိပ်ခန်းထဲတွင်လမ်းလျှောက်ရင်း စိတ်အလိုမကျသလိုပြောလာသောမာမီကြောင့် မော်လီနားမလည်သလိုပြန်မေးမိသည်။
'' မိမိ အသံနဲ့သိပ်တူတာပဲ ''
'' ဟင် ဒေါ်လေးမိ ရဲ့အသံလားမာမီ''
'' အင်း သိပ်ကိုတူလွန်းတယ်''
'' ဒေါလေးမိ ဆုံးသွားတာဖြင့် ၁၃နှစ်လောက်တောင်ရှိပါတော့မယ် မာမီရယ် ဒီတိုင်းတူတဲ့အသံပဲနေမှာပါ။''
* ဟုတ်တယ် မိမိက သေသွားပြီ။ ငါ့ရှေ့တွင်သေသွားတာ။ မိမိဖြစ်စရာဘာအကြောင်းမှမရှိဘူး ။ * ဒေါ်မာရင်မြင့် စိတ်ထဲမှာတွေးရင်း လက်တွေပင်တုန်လာလေသည်။
*သေသွားပြီ။ ဟုတ်တယ် ငါကိုယ်တိုင်သတ်ခဲ့တာ။ ငါကိုယ်တိုင်မော်တော်ကားနဲ့တိုက်သတ်ခဲ့တာ ။ အသက်ရှင်စရာအကြောင်းမရှိဘူး*
ဒေါ်မာရင်မြင့်ခေါင်းတစ်ခါခါနဲ့သာ အတွေးတွေများရင်း မောဟိုက်လာလေသည်။
'' မာမီ အဆင်ပြေရဲ့လား။ ဘာဖြစ်လို့လဲဟင် ''
'' ဟင်..အင်း မာမီ အဆင်ပြေပါတယ်။ ''
* ငါသွားကြည့်ရမယ်။ ငါသွားကြည့်ပြီးအတည်ပြုရမယ်*
>>>>
<<<<'' လရောင် မျက်နှာလည်းမကောင်းပါ့လား။ဘာပြုလို့ပါလိမ့် ''
ခြံထဲတွင်ပန်းပင်တွေရေလောင်းနေသောလရောင်၏ အနားသို့ ရောက်လာပြီး လရောင်အားကြည့်ကာမေးလာသောလူကြောင့်လှည့်ကြည့်မိတော့ မြင်ရသောကိုရစ်ချက် ကြောင့်လရောင်မျက်လုံးတို့ပြူးသွားလေသည်။
'' ကိုရစ်ချက် ''
'' တော်သေးတာပေါ့ လရောင်လေးက ကိုယ့်ကိုမှတ်မိသေးလို့။ ဒီလိုလေးဝတ်စား ထားတော့လည်း တကယ့်မိန်းကလေးလိုလေးပါ့လား လရောင်ရယ်။ ''
ကိုရစ်ချက်၏ စကားကြောင့် လရောင်လန့်ကာ ဘေးဘက်ဝဲရာအားကြည့်လိုက်မိသည်။
YOU ARE READING
လရောင်ဖြာမှ...အေးသောကြောင့်(လေရာင္ျဖာမွ...ေအးေသာေၾကာင့္)
RomanceUnicode '' ကံကြမ္မာဆိုတဲ့ အရာတောင် အသက်အတွက်ဆို ပြောင်းပြန်လှန်ပစ်မှာ မို့ မောင့်လက်ကိုသာရဲရဲတွဲထားပါ အသက်ရယ်'' Zawgyi '' ကံၾကမၼာဆိုတဲ့အရာေတာင္ အသက္အတြက္ဆို ေျပာင္းျပန္လွန္ပစ္မွာ မို႔ ေမာင့္လက္ကိုသာရဲရဲတြဲထားပါ အသက္ရယ္''