ရှောင်းကျန့်ရဲ့ခင်ပွန်းကိုကလူကျီစယ်ခြင်းနည်းလမ်းများ(COMPLETED)

Part- 8

"ရှောင်းကျန့်ရဲ့ခင်ပွန်းကိုကလူကျီစယ်ခြင်းနည်းလမ်းများ"

Part- 8

For unicode

ရှောင်းကျန့်စကားကိုနားမထောင်ခဲ့ခြင်းအားဖြင့်ဝမ်ရိပေါ်တစ်ယောက်အဲ့နေ့မနက်ထဖက်မှာစဖျားလေသည်။ ရှောင်းကျန့်တစ်ယောက်သူ့ကိုဖက်ထားတဲ့လူရဲ့ပုံမှန်မဟုတ်တဲ့ကိုယ်အပူချိန်ကြောင့်မျက်လုံးတွေပွင့်လာခဲ့သည်။

"ရိပေါ် မင်းဖျားနေပြီ"

"သိတယ်"

‌ရှောင်းကျန့်ရဲ့လှုပ်ရှားမှုကြောင့်ဘေးနားကဝမ်ဝမ်ကိုပါနှိုးမိ‌သလိုဖြစ်သွားခဲ့ပြီးဝမ်ဝမ်ပါနိုးလာခဲ့သည်။ ပြီးတော့မျက်လုံးမပွင့်သေးဘဲခြေထောက်လေးနဲ့ဟိုစမ်းဒီစမ်းလုပ်ပြီးဘေးနားကလူကိုရှာသည်။ သူ့ဘေးနားမှာဘယ်သူ့မှမစမ်းမိတာနဲ့ဝမ်ဝမ်ကကြောက်လန့်သွားကာမျက်လုံးတွေပွင့်လာခဲ့သည်။

ဒါပေမယ့်သူထင်ထားသလိုအခန်းကစိမ်းသက်မဲမှောင်မနေဘဲနေခြည်နွေးနွေးကြောင့်ကြောက်လန့်စိတ်တွေပျယ်သွားခဲ့၏။

"ပါးပါး!"

ဝမ်ဝမ်ကမနေ့ညကသူ့ပါးပါးကိုစိတ်ကောက်နေတာကိုပြန်သတိရသွားတာကြောင့်အခန်းထဲကိုမျက်လုံးဝေ့ကြည့်၏။ ဒါပေမယ့်သူ့ပါးပါးကိုမတွေ့ဘဲအိပ်နေတဲ့သူ့ဒက်ဒီကိုသာတွေ့တယ်...။ ဝမ်ဝမ်ကသူ့ဒက်ဒီနားတိုးကပ်သွားပြီးရိပေါ်အကျီစကိုကိုင်ကာလှုပ်နှိုးလာ၏။

"ဒက်ဒီ! ဒက်ဒီ!"

ဝမ်ရိပေါ်ကသူ့သားရဲ့အသံစူးစူးကြောင့်မျက်မှောင်ကျုံ့သွားပြီးမျက်လုံးပွင့်လာခဲ့သည်။

"ဒက်ဒီ! ပါးပါးရော..
ဝမ်ဝမ့်ပါးပါး!"

"မင်းပါးပါးအလုပ်သွားဖို့ပြင်နေတယ်"

"အာ.."

ဝမ်ဝမ်ကကုတင်အောက်ကိုလျှောဆင်းဖို့ပြင်တာနဲ့ဝမ်ရိပေါ်ကဝမ်ဝမ်ကိုလှမ်းဆွဲလိုက်၏။

"ဝမ်ဝမ်! ပါးပါးကိုအလုပ်မသွားဖို့ဂျီကျလိုက်!
မင်းကျောင်းကိုဒက်ဒီခွင့်တင်ပေးမယ်
ကျောင်းမသွားချင်ဘူးမလား"

"အသွားချင်ဘူး! ဝမ်ဝမ်ကျောင်းအသွားချင်ဘူး
ပါးပါးနဲ့ဘဲနေမာ"