ချိုသာတဲ့ခင်ပွန်းကသူ့ဇနီးကိုအရမ်းအလိုလိုက်နေတယ်

အပိုင်း(၂)

ကျိနမ်ဖုန်နိုးလာကတည်းကသွမ့်အန်းရန်တစ်ယောက်လူတွေသူမကိုတွေ့ရင်မသနားဘဲမနေနိုင်တဲ့ သနားစရာကောင်းပြီးနူးညံ့ညင်သာတဲ့ကြာဖြူပန်းပုံစံကိုချက်ချင်းပြောင်းသွားတယ်။

'ကိုယ်ဆေးသောက်မလို့ ရေပေးဦး'  ကျိနမ်ဖုန်ပြောလိုက်တယ်။သူမော့လင်ရှီးကိုကြည့်ပြီးပြောနေတာမှန်းသွမ့်အန်းရန်မသိလိုက်ဘူး။

'ဟုတ်သားဘဲ။ကျွန်မအချိုရည်ယူပေးမယ်နော်' သွမ့်အန်းရန်ရေကိုပြောတာမဟုတ်ဘဲအချိုရည်ယူပေးမယ်လို့ပြောလိုက်တယ်။ကျိနမ်ဖုန်အရင်ဘဝကအကြောင်းကိုပြန်စဉ်းစားကြည့်လိုက်တယ်။အရင်ဘဝကသူရိုးရိုးရေကိုမသောက်ခဲ့ဘူး။နေမကောင်းဖြစ်ရင်တောင်မှသူဆေးကိုအချိုရည်နဲ့ဘဲသောက်ခဲ့တာ။အဲ့ဒီအကြောင်းကိုမော့လင်ရှီးရောသွမ့်အန်းရန်ရောသိကြတယ်။ဒါပေမယ့်သူနေမကောင်းဖြစ်ရင်မော့လင်ရှီးကဘယ်တော့မှအချိုရည်မသောက်ခိုင်းဘူး။အဲ့ဒီတုန်းကတော့သူလိုအပ်တာမှန်သမျှကိုမော့လင်ရှီးကမဖြည့်ဆည်းပေးနိုင်ဘူးလို့သူထင်နေခဲ့တာ။အခုမှသူဟာအခြေအနေကိုနားမလည်ဘဲတော်တော်ဆိုးတဲ့လူဖြစ်ခဲ့မှန်းသဘောပေါက်သွားတယ်။

'အချိုရည်ကမကောင်းဘူးထင်တယ်နော်။ရှင်ဆေးကိုရိုးရိုးရေနဲ့ဘဲသောက်သင့်တယ်' မော့လင်ရှီးလဲကျိနမ်ဖုန်နိုးလာပြီးအခြေအနေလဲကောင်းနေတာကိုမြင်လိုက်ရတော့စိတ်အေးသွားပြီးပြန်မလို့လုပ်လိုက်တယ်။ဒါပေမယ့်သွမ့်အန်းရန်စကားကိုကြားပြီးကျိနမ်ဖုန်မကြိုက်မှန်းသိပေမယ့် သူမရဲ့အမြင်ကိုစိတ်ပူပူနဲ့ပြောလိုက်တယ်။သူမကျိနမ်ဖုန်အနားကိုပြန်ရောက်နေတာကိုလဲသတိထားလိုက်မိတယ်။

'လင်ရှီး နမ်ဖုန်ကအချိုရည်ဘဲသောက်တယ်ဆိုတာကိုမသိဘူးလား?' သွမ့်အန်းရန်အံ့ဩသလိုပုံစံနဲ့မေးလိုက်တယ်။

'‌ဆရာဝန်ညွှန်ကြားထားတာမဟုတ်ဘဲဆေးကိုအချိုရည်နဲ့တွဲမသောက်သင့်တာအမှန်ဘဲ' မော့လင်ရှီးသေသေချာချာရှင်းပြလိုက်တယ်။သူမကနူးညံ့သိမ်မွေ့တဲ့လူဆိုပေမယ့် သူမဂရုစိုက်တဲ့အရာတွေအပေါ်မှာဆိုရင်တော့ သူမရဲ့ကိုယ်ပိုင်မူဝါဒကိုဘဲအခိုင်အမာစွဲကိုင်ထားတယ်။အထူးသဖြင့်ကျိနမ်ဖုန်ရဲ့ကျန်းမာရေးဆိုရင်ပေါ့။သွမ့်အန်းရန်ပြောစရာစကားရှာမတွေ့တော့ဘဲကျိနမ်ဖုန်ကိုကြည့်လိုက်တယ်။