Unicode
အခန်း ၁.၃ - မင်းရဲ့တံခါးခေါင်းလောင်းသံက အသက်ဝင်လာတယ်။
သူမ ဘယ်လိုအခြေအနေရောက်နေလဲဆိုတာ သူမ မသိတော့ပါ။ ဒါဟာ အိပ်မက်တစ်ခုလို့ သူမထင်နေပေမဲ့ အရာအားလုံးက တကယ်ဖြစ်နေသလိုမျိုးသူမခံစားနေရသည်။သူမ၏ ခန္ဓာကိုယ်သည် အိမ်တွင်ရှိနေဆဲဖြစ်သော်လည်း သူမ၏ဝိညာဉ်သည် အခြားတစ်နေရာတွင် ပေါ်နေသည်။
ဒီလို ထူးဆန်းထွေလာ ကိစ္စမျိုး ကလက်တွေ့ဘဝမှာတကယ်ဖြစ်နိုင်ပါသလား။
"ဒီနားမှာ တစ်ယောက်ယောက်ရှိ နေလား။" ဟုဆိုကာ ထိုလူက မီလီ၏ အတွေးများကို စမ်းတဝါးဝါး မေးခွန်းဖြင့် နှောင့်ယှက်လိုက်သည်။
[ဘယ်သူမှ မရှိဘူး၊ဒါက သရဲတစ်ကောင်ပဲ။] ဟု မီလီက ပေါ့ရွှတ်ရွှတ်နဲ့ ပြန်ဖြေလိုက်တယ်။
လူငယ် : "..."
မီလီက သူ့မျက်နှာကို ခဏလောက် စိုက်ကြည့်ပေမယ့် ထူးထူးခြားခြား ဘာမှ ရှာမတွေ့ပေ။
သို့သော် သူ၏ခန္ဓာကိုယ်သည် ယခင်ကထက် အနည်းငယ် တောင့်တင်းနေပုံရပြီး ညာခြေထောက်၏ ခြေချောင်းသည် အတွင်းဘက်သို့ စင်တီမီတာ အနည်းငယ် ရွေ့သွားခဲ့သည်။သူ ငါ့အသံကိုကြားနိုင်တာပဲ။
[မင်္ဂလာပါ။ကျွန်မနာမည်က မီမီ၊ရှင့်နာမည်ကဘယ်လိုခေါ်လဲ။]
ထိုလူက ဘာအကြောင်းမှပြန်မပြောချေ။
မီလီက ထပ်ပြီးတော့ : [မကြောက်ပါနဲ့။ကျွန်မက သရဲမဟုတ်ပါဘူး။ရှင့်အိမ်ရဲ့ တံခါးခေါင်းလောင်းလေးပါ။]
ထိုလူ၏ မျက်လုံးများသည် တံခါးခေါင်းလောင်းပေါ် သို့ကျရောက်သွားသည်။
တင်း တောင်။
မီလီက အသံပေးလိုက်သည် ။
ထိုယောက်ျား : "..."
မီလီ : [ရှင့်ရဲ့ တံခါးခေါင်းလောင်းက အသက်ဝင်လာတာဆိုတော့ အံ့သြသွားလား။ဒါမှမဟုတ်တုန်လှုပ်သွားတာလား။]
ထိုယောက်ျား : "..."
သူ၏တည်ငြိမ်သောအမူအရာတွင် မယုံကြည်နိုင်သောအရိပ်တစ်ခုပေါ်လာသည်။အသက်ဝင်နေသော တံခါးခေါင်းလောင်းကို ရင်ဆိုင်နေရသော ထိုလူသည် မည်သို့တုံ့ပြန်ရမည်ကို မသိနေပုံရသည်။
YOU ARE READING
ငါအိပ်ပျော်သွားတဲ့နေ့တိုင်း ငါ့ဝိညာဉ်က ငါ့ခန္ဓာကိုယ်ထဲကထွက်သွားတယ်။(Translation)
Romanceကားမတော်တဆမှုဖြစ်ပြီးနောက်တွင် မီလီသည် သူမကိုယ်ဟာ ထူးဆန်းသော အရာဝတ္ထုမျိုးစုံကို ပြောင်းလဲပိုင်ဆိုင်နိုင်ကြောင်း ရှာဖွေတွေ့ရှိခဲ့သည်။အဲ့ဒီနောက်သူမသည်အဲဒီလူရဲ့ တံခါးခေါင်းလောင်း၊နံရံကပ်မီးအိမ်၊စီးကရက်၊နက်ကတိုင်၊ အတွင်းခံ၊အီမိုဂျီ စတာတွေဖြစ်လာခဲ့သည်။...