Unicode
အခန်း ၇.၂ - မကောင်းဆိုးဝါးသူဌေး
[ရှင့်ရဲ့ပိုက်ဆံတွေကုန်ခါနီးပြီလား။] မီလီက စိုးရိမ်တကြီးမေးလိုက်သည်။သူဒီနေ့တစ်ရက်တည်းမှာပဲယွမ်နှစ်သန်းကျော်သုံးစွဲခဲ့တာလေ။
“နှစ်သန်း ဒါမှမဟုတ် သုံးသန်းလောက်တော့ကျန်ဦးမယ်ထင်တယ်၊အတိအကျတော့မပြောတတ်ဘူး” ဟု ရှီးပိုင်ချန်းက အမှုမဲ့အမှတ်မဲ့ပြန်ဖြေသည်။
[ နှစ်သန်း ဒါမှမဟုတ် သုံးသန်း ? ] သန်းပေါင်းများစွာတန်တဲ့ကားတစ်စီးကိုဝယ်ပြီးတဲ့အပြင်သန်းနဲ့ချီပြီးငွေချေးပေးတာကိုကြည့်ခြင်းအားဖြင့်သူ့ကိုမီလီက အနည်းဆုံးတော့ဘီလျံနာတစ်ယောက်ဖြစ်မယ်လို့ထင်ခဲ့တာ။ခုပြောလာတဲ့ အတိုင်းဆိုသူ့ရဲ့ပိုင်ဆိုင်မှုစုစုပေါင်းဟာ သန်းဆယ်ဂဏန်းပဲရှိပါသေးတယ်။
[ရှင့်ဆီမှာအခြားအကောင့်တွေရှိသေးလား။] မီလီက မျှော်လင့်တကြီးထပ်မေးလိုက်သည်။
“မရှိဘူး” ရှီးပိုင်ချန်းကသူ့လက်ထဲရှိ ဘဏ်ကတ်ကိုလှည့်ကစားရင်းနဲ့“ဘဏ်ကတ်တစ်ခုကလုံလောက်ပြီ၊ကတ်အများကြီးဆိုဒုက္ခများလိမ့်မယ်။”
မီလီကစားပွဲပေါ်ကိုလှဲချလိုက်ပြီး : ဒါက ဘာလို့ဒုက္ခများရမှာလဲ!ကြက်ဥအားလုံးကိုခြင်းတောင်းတစ်ခုထဲတူတူမထည့်သင့်ဘူးဆိုတဲ့စကားမကြားဖူးဘူးလား။
ကျန်းမာရေးနှင့်မညီညွတ်တဲ့ အစားအသောက်များစားတဲ့အပြင် မီလီသည်သူ့ရဲ့ဒုတိယချို့ယွင်းချက်ကိုရှာဖွေတွေ့ရှိခဲ့သည် - ငွေကြေးနဲ့ပတ်သတ်တဲ့စီမံခြင်းဆိုင်ရာမရှိပေ။
အဆုံးမရှိသောနာကြည်းမှုများဖြင့်မီလီ သည်အိပ်ရာမှနိုးလာခဲ့သည်။သူမ၏ ရင်ဘတ်သည်ကျဉ်းကျပ်နေပြီးဒေါသဖြေရန်အတွက်လိုအပ်နေပုံရသည်။
သူမသည်အိပ်ရာကထလိုက်ပြီးကိုယ့်ကိုယ်ကိုယ်အားပေးကာသူမ၏နေ့စဉ်ဘ၀ကိုပြန်သွားခဲ့တယ်။
မီလီသည်အစာစားပြီးနောက်တွင် သူငယ်ချင်းများနှင့်အတူဈေးဝယ်ထွက်ရန်အတွက်ပြင်ဆင်ခဲ့သည်။
သူမအပြင်ရောက်သည်နှင့်တပြိုင်နက် သူမ၏သူငယ်ချင်းကောင်းသွမ့်ရှောင်ယွိထံမှဖုန်းခေါ်ခြင်းလက်ခံရရှိခဲ့သည်။
YOU ARE READING
ငါအိပ်ပျော်သွားတဲ့နေ့တိုင်း ငါ့ဝိညာဉ်က ငါ့ခန္ဓာကိုယ်ထဲကထွက်သွားတယ်။(Translation)
Romanceကားမတော်တဆမှုဖြစ်ပြီးနောက်တွင် မီလီသည် သူမကိုယ်ဟာ ထူးဆန်းသော အရာဝတ္ထုမျိုးစုံကို ပြောင်းလဲပိုင်ဆိုင်နိုင်ကြောင်း ရှာဖွေတွေ့ရှိခဲ့သည်။အဲ့ဒီနောက်သူမသည်အဲဒီလူရဲ့ တံခါးခေါင်းလောင်း၊နံရံကပ်မီးအိမ်၊စီးကရက်၊နက်ကတိုင်၊ အတွင်းခံ၊အီမိုဂျီ စတာတွေဖြစ်လာခဲ့သည်။...
