Unicode
အခန်း ၇.၁ - မကောင်းဆိုးဝါးသူဌေး
ရှီးပိုင်ချန်းသည်အစားအသောက်များကိုအကုန်ပြောင်စင်အောင်စားသောက်ပြီးချိန်တွင်ဖျော်ရည်ထဲရှိရေခဲများပင်အရည်ပျော်လို့ကုန်လုနီးပါးရှိနေပြီးဖြစ်သည်။
ဖြစ်စဉ်ကြီးတစ်ခုလုံးကိုမျက်ဝါးထင်ထင်တွေ့မြင်နေရတော့မီလီသည်သူ့ရဲ့အစားစားနိုင်တဲ့စိတ်ကိုမချီးကျူးပဲမနေနိုင်ပေ။အမြန်အစားအစာသည် အာဟာရမပြည့်သော်လည်း set တစ်ခုတွင်ပါဝင်သည့်ပမာဏမှာအလွန်များပြားပြီးပျမ်းမျှအရွယ်ရောက်ပြီးသူတိုင်းအတွက်ကုန်အောင်စားနိုင်ရန်မှာခဲယဉ်းသည်။
စားပြီးသောက်ပြီးနောက်ရှီးပိုင်ချန်းသည်အမြန်စား စားသောက်ဆိုင်မှထွက်ခွာလာခဲ့သည်။ကားဆီသို့အလျင်စလိုမပြန်ဘဲအနီးနားပတ်ဝန်းကျင်ကို လမ်းလျှောက်ပြီးထွက်ခဲ့တယ်။
[ထမင်းစားပြီးခြေလှမ်းတစ်ရာ လှမ်းခြင်းက အသက်ကိုးဆယ့်ကိုးနှစ်အထိအသက်ရှင်မယ်လို့ပြောကြတယ်။ရှင့်ဆီမှာဒီလိုမျိုး ကျန်းမာရေးအသိပညာရှိမယ်လို့ မမျှော်လင့်ထားမိဘူး။] မီလီက သူ့အပေါ် သူမရဲ့အမြင်ကိုပြောပြလိုက်တယ်။
"ဒီတိုင်းဗိုက်တင်းနေလို့" ရှီးပိုင်ချန်းက မသိချင်ယောင်ဆောင်ကာပြန်ဖြေသည်။
မီလီ : [...]
ထိုအချိန်တွင်ဖုန်းမြည်သံကိုကြားရတာမို့ရှီးပိုင်ချန်းကသူ့လက်ကိုင်ဖုန်းကိုထုတ်လိုက်ပြီး "ဟယ်လို" ဟုမဖြေခင် တစ်ချက်ကြည့်လိုက်သည်။
[အစ်ကိုရှီး၊ကူညီပါဦး။] စိုးရိမ်သောကရောက်နေတဲ့ယောက်ျားတစ်ယောက်ရဲ့အသံသည် အခြားတစ်ဖက်မှထွက်ပေါ်လာသည်။
"ဘာဖြစ်တာလဲ?" လမ်းလျှောက်ရင်းရှီးပိုင်ချန်းကမေးလိုက်တယ်။
[ကျွန်တော့်ရဲ့ရင်းနှီးမြုပ်နှံမှုအတွက်အရင်းအနှီးနည်းနည်းလေးပဲရှိတော့တယ်၊ဒါကြောင့်မို့လို့ကျွန်တော့်ကိုကူညီပေးဖို့အစ်ကိုရှီးကိုတောင်းဆိုပါတယ်။]
"ဘယ်လောက်လဲ?"
[ 800,000 ]
"မှတ်မိသလောက်ဆိုမင်းအရင်ကငါ့ဆီကနေ ယွမ် 2.8 သန်း ချေးထားသေးတယ်မဟုတ်လား။"
YOU ARE READING
ငါအိပ်ပျော်သွားတဲ့နေ့တိုင်း ငါ့ဝိညာဉ်က ငါ့ခန္ဓာကိုယ်ထဲကထွက်သွားတယ်။(Translation)
Romanceကားမတော်တဆမှုဖြစ်ပြီးနောက်တွင် မီလီသည် သူမကိုယ်ဟာ ထူးဆန်းသော အရာဝတ္ထုမျိုးစုံကို ပြောင်းလဲပိုင်ဆိုင်နိုင်ကြောင်း ရှာဖွေတွေ့ရှိခဲ့သည်။အဲ့ဒီနောက်သူမသည်အဲဒီလူရဲ့ တံခါးခေါင်းလောင်း၊နံရံကပ်မီးအိမ်၊စီးကရက်၊နက်ကတိုင်၊ အတွင်းခံ၊အီမိုဂျီ စတာတွေဖြစ်လာခဲ့သည်။...