“HALA gagi, pinanood ng pinsan kong si Belle ‘yung scandal ni Bridgette!” bulalas ni Donna nang makalabas siya sa gate nila. Lunes na naman kaya balik aral kami. “Ang wild daw niya!”
“Mamsh, ang aga-aga pa para diyan,” nababagot na tugon ni Hazel. “Tiyaka, kailangan mo ba talagang isigaw ‘yan, mamsh?”
“Share ko lang,” sagot ni Donna. “Bilisan niyo na nga! Magre-review pa ako para sa quiz mamaya. Hindi kasi ako nakapag-review kagabi eh.”
“Same,” segunda naman ni Hazel.
“Hindi naman talaga kayo nagre-review eh. Akala niyo ha,” pambabara ni Shaun.
“Bakit? Ikaw rin naman ah,” rebat ni Hazel.
“Nagre-review kaya ako,” depensa ni Shaun. “Palagi akong perfect sa quiz!”
“Share mo lang?”
Nadaanan namin si Tobias kaya sumabay na rin ito sa amin. Sa parehong Barangay lang kasi kami nakatira eh kaso magkaibang kanto lang.
Pagkarating namin sa school ay puro bulong-bulungan lang ang narinig namin sa mga estudyante habang may pinapanood sa kanilang cellphone.
I sighed. Malamang ay pinapanood nila ‘yung kay Bridgette.
“Ang wild naman ni ate Bridgette,” komento ng isang Grade 9. “Akala ko pa naman mabait siya.”
“What are you saying?” tanong ni Bridgette at lumapit sa babae.
“Viral ka raw po ngayon ate,” innosenteng sagot ng isa pang estudyante. “Sikat ka na po.”
Tiningnan ni Bridgette ang pinapanood nila at bigla nalang itong nanlumo.
“ANO “TO?!” sigaw niya. Unti-unting umagos ang luha mula sa mga mata nito. “S-SINO’NG NAGPOST NITO?!”
Dali-dali siyang tumakbo papunta sa classroom habang pinupunasan ang mga luha niya. Nakabangga pa siya ng iilang estudyante ngunit patuloy lamang ito sa pagtakbo.
Naabutan namin silang nagkakagulo sa classroom. Naroon na rin ang halos kalahati sa mga kaklase namin na tahimik lamang na nanonood sa kanila. May ilang estudyante ring nanonood sa labas ng classroom.
“Hindi ako ang nagpakalat ng scandal mo, Bridgette!” depensa ni Hillary. “Huwag mo akong pagbintangan lalo na’t wala kang pruweba!”
“Eh sino pa ba’ng pwedeng gumawa no’n maliban sa’yo?” Bridgette asked angrily.
“Aba ewan ko,” sagot ni Hillary. “Hindi naman ako scandal lover.”
“Tigilan niyo na ‘yan!” sigaw ni Sir. Villejo at nilapag ang mga gamit nito sa teacher’s table.
“Ikaw ba, Camille?” tanong ni Bridgette. Mukhang hindi yata nila narinig o nakita si Sir.
“Ano’ng ako?” naguguluhang tanong ni Camille. “Ano’ng meron?”
“’Yung s*x video ko!” naluluhang sambit nito. “Ikaw ba ang may gawa no’n?!”
“Bakit mo ako inaakusahan? Ni hindi ko nga alam ang tungkol do’n!”
“Grade 10!” sigaw ko ngunit hindi pa rin sila natinag.
“D-dahil sa videong iyon, pinagpi-piyestahan na ako ng mga tao! Hindi ko alam kung ano ang sasabihin ng mga magulang ko kapag nakita nila iyon!”
“Hindi ako ang nag-upload ng videong sinasabi mo pero sa tingin ko ay karma mo na ‘yon,” walang emosyong saad ni Camille na ikinagulat ni Bridgette.
“I don’t think that’s what you call it, Camille.” Lumapit sa kanila si Hillary. “She wants fame, and so she received fame. Famous ka na Bridgette, diba ito naman ang gusto mo?”
