(Unicode)
"အသုံးချခံရခြင်း"
မင်းကတော်များ၏လက်ဖက်ရည်ပွဲမှာပုံမှန်တိုင်းဆို ရယ်သံများနှင့်ဆူညံနေမည်ဖြစ်သော်လည်း ရန်ဝမ်ဖူမှ
ဤတစ်ခုကမူ မတူညီပေ။ ယီကွမ်းထံမှ သွယ်ဝိုက်ကာစော်ကားခံလိုက်ရသော မင်းကတော်များမှာရှက်ဒေါသဖြင့်ပြောစရာစကားပျောက်ရှနေသကဲ့သို့ အာဏာပြရန်လာသော ထိုက်ဇီဖေးမှာလည်း ယီကွမ်း၏စကားထဲမှ သတိပေးသော အဓိပ္ပါယ်ကြောင့် မျက်နှာထားတည်လျက်သာ လက်ဖက်ရည်ကိုသောက်သုံးနေခဲ့သည်။
ထိုက်ဇီဖေး လက်ဖက်ရည်ကိုသောက်သုံးနေသည်ကိုမြင်လိုက်ရသောစုလီမှာ ပျော်ရွှင်မှုဖြင့်နှုတ်ခမ်းအစုံကအပြုံးဖြစ်တည်လျက်ရှိပေ၏။ သူမက ထိုက်ဇီဖေးသောက်မည့်လက်ဖက်ရည်ထဲ၌ အနည်းငယ်ပျော့သော
အဆိပ်ထည့်ထားခြင်းပါပေ။ ထိုအဆိပ်ကမူးဝေစေကာ
သွေးအန်စေသည်ထိဖြစ်လာမည်ဖြစ်သော်လည်း အသက်အန္တရာယ်တော့မရှိပေ။ သို့သော် ထိုက်ဇီဖေးထိုသို့ အဆိပ်မိသည်နှင့်ရန်ဝမ်ဖူက ဘေးဒုက္ခရောက်ရပေလိမ့်မည်။ သို့သော် စုလီကထိုအချက်ကိုမေ့ထားကာလုပ်ဆောင်ခြင်းတော့မဟုတ်ပေ။ သူကအလုံးစုံသောအပြစ်ကို ရန်ဝမ်ဖေးတစ်ဦးတည်းဆီသို့သာလွှဲချမည်ဖြစ်သည်။ ရန်ဝမ်ဖေးကမဆင်မခြင်နှင့်အရှေ့နန်းဆောင်ကိုတိုက်ခိုက်ခြင်းဖြစ်ကြောင်းသတင်းထွက်သွားသည်နှင့် နျဉ်ကွေ့ဖေးကပါ ကာကွယ်ပေးတော့မည်မဟုတ်ပေ။ထို့အပြင် ဝမ်ဖေး၏တိုင်းပြည်ဖြစ်သောယီတိုင်းပြည်ကလည်း ကာကွယ်ပေးနိုင်တော့မည်မဟုတ်ပါချေ။
စုလီမှာသူမ၏အတွေးနှင့်အတူပြုံးမိရပြီးကွေ့ဟွားလမုန့်တစ်ခုကိုပျော်ပျော်ကြီးစားသုံးနေလိုက်သည်။
ယီကွမ်းကမူ စုလီ၏အပြုံးကိုသတိမမူစွာနှင့် တိတ်ဆိတ်နေသောထိုက်ဇီဖေးကိုသာမေးခွန်းမေးမြန်းလာခဲ့၏။
"ထိုက်ဇီဖေး အဆင်ပြေပါရဲ့လား "
"ပြေပါတယ်။ လက်ဖက်ရည်ကသောက်ကောင်းသားပဲ။ ဘယ်ဟာကိုအသုံးပြုထားတာလဲ။ "
"ကျွန်တော်တို့ယီတိုင်းပြည်က လက်ဖက်ခြောက်ပါ။ နတ်တန်ခိုးလက်ဖက်ခြောက်လို့ခေါ်ပါတယ်။ နတ်တန်ခိုးနဲ့ဖန်ဆင်းထားသလို သောက်လို့ကောင်းတာမို့ အဲ့နာမည်ဖြစ်တည်ရလာတာပါပဲ။ "
YOU ARE READING
||Lost Love|| (矢恋 ) (Completed)
Historical FictionWarning:This is not a translation!!! Characters and plot are all mine. It's my Own Creation. ယီကွမ်းသည် ထိုစဥ်က အလွန်ငယ်ရွယ်ခဲ့သည်။ သူသည် မစဥ်းစားပဲ အမြဲတစေ လီတိုင်းပြည်မှ ရန်ချင်းဝမ်ကိုသာ အလိုရှိခဲ့ပြီး တိုင်းပြည်ပျက်သုဥ်းခဲ့ရသည့်တိုင် သူ့ကိုချစ်...
