Uni
Taehyungခု အိပ်ပြန်လမ်းမှာဖြစ်သည်။ Sunghoonပြောပုံအရဆို သေချာပေါက်ဆရာJungkookက သူလျှောက်ပတ်ညာထားမိတာတွေ သိကုန်ပြီ။ အိမ်ရောက်ရင်လည်း ဆရာJungkookနဲ့ဆုံရအုံးမည်။ ဘယ်လိုပတ်ပြေးရှောင်ရမလဲဆိုပြီးတွေးမိပေမဲ့ လုံးဝကိူစဥ်းစားမရ။ အစကတော့ ကျွန်တော်ပြောပြီးလျှောက်ဖွထားတာကို ဆရာJungkookမသိသေးဘူးထင်ပြီး တော်သေးတယ်လို့ဖြေသိမ့်နေရပေမဲ့ အကျိုးပေးကောင်Sunghoonက ကျွန်တော်ပြောတာပါလို့ပါပြောခဲ့ပါတယ်တဲ့လေ။
Busကားပေါ်ကဆင်းပြီး အိမ်ကိုပြန်လာတဲ့လမ်းတစ်လျှောက်လုံးလည်း အဲ့ဒီကိစ္စကို အတွေးထဲကယောင်လို့တောင်ထုတ်မရပေ။ ဟူးး မနက်ဖြန်ကျောင်းမှာခေါ်ပြီးမေးရင်ရော အိမ်မှာမေးတာမြန်းတာတော့လုပ်မယ်မထင်ဘူး။ အိမ်မှာမေမေတိူ့ဖေဖေတို့ရှိတော့ အဲ့ဒီကိစ္စကိုယောင်လို့တောင်ပြောမယ်မထင်ဘူး။
"ဟာ ဟုတ်တယ် အိမ်မှာ မေမေတို့နားပဲကပ်နေလိုက်မယ် အဲ့ဒါဆိုမေးရတော့မှာမဟုတ်ဘူး"
အကြံကောင်းရတော့ ပါးစပ်ကအလိုလိုတောင်တန်းထွက်မိသေးတာ။ ဟီးး Kim Taehyungရဲ့ဦးနှောက်ကရွှေဉာဏ်တော်ပဲ။ ဆရာJungkookက ကျောင်းကိစ္စဆိုအိမ်မှာသိပ်တောင်မပြောတော့ ဒီကိစ္စဆိုပိုလို့တောင်မမေးမှာသေချာသည်။
*ပွမ် ပွမ် ပွမ်*
လမ်းလျှောက်နေရင်း ဘေးက ကားဟွန်သံကြားလိူ့လှည့်ကြည့်လိုက်တော့ ဆရာJungkookရဲ့ကားဖြစ်သည်။ Junghyungကလည်းပါသေးသည်။
မကြားချင်ယောင်ဆောင်ပြီး ခပ်သွက်သွက်လျှောက်နေလိုက်တော့ အနောက်ကနေ ဟွန်းခနခနတီးပြီးကိုယ့်နားကကပ်လိုက်လာသည်။ ကားထဲကိုနောက်ပြန်လှည့်ကြည့်လိုက်တော့ ကားပေါ်လိုက်ခဲ့ဆိူတဲ့အမူအရာလုပ်ပြသည်။
ကားပေါ်ရောက်တာနဲ့မေးမှာသေချာသည်။ ခုချိန်ထိဘယ်လိူညာရမလဲ ဉာဏ်နီဉာဏ်နက်ကထွက်မလာသေးဘူး။ ကိုယ်ကခပ်မြန်မြန်ထပ်လျှောက်လေ သူကအနောက်ကအရှိန်တိုးပြီးကပ်လိုက်သည်။ မသိရင် သူခိုးလိုက်ဖမ်းနေတဲ့ရဲကားကျနေတာပဲ။ ဟူး Kim Taehyungရေ သူ့ကားပေါ်ပါသွားလို့မရဘူးနော်။ မဟုတ်ရင် သူခိုးစစ်သလို မေးတော့မှာ။
YOU ARE READING
𝓨𝓮𝓼 𝓞𝓻 𝓨𝓮𝓪𝓱⁽ᶜᵒᵐᵖˡᵉᵗᵉᵈ⁾
Fanfiction"ဘာမှအများကြီးစဥ်းစားမနေနဲ့နော် ကျွန်တော်နဲ့တွဲမယ်ဆိုရင် Yesကိုရွေး... ကျွန်တော်နဲ့ချစ်သူဖြစ်ချင်ရင် Yeahကိုရွေး Yes or Yeah" "Yes နဲ့ Yeahထက် တွဲချင်ရင်ပြောရတဲ့ပိုလေးနက်တဲ့ စကားလုံးရှိရင်ကောင်းမယ်... Taehyung ဒီနေ့ကစပြီးမင်းက ကိုယ့်ရဲ့ချစ်သူပဲ...
