Uni
ညစာအတွက် Jungkookက တာဝန်ယူပြီးချက်ပြုတ်သည်။ အိမ်ကိုခဏခဏအလည်မလာဖြစ်တာမလို့ မေမေကိုလည်းသေချာလေးချက်ကျွေးချင်တာကြောင့် သေချာလေးချက်ပြုတ်နေသည်။ အမေကတော့ ဘာဖြစ်ဖြစ်မကြိုက်တာနည်းတာမလို့ ဟင်းချက်ဖို့တွေးတဲ့အခါမှာ အရမ်းကြီးဦးနှောက်ခြောက်ပြီးတွေးစရာမလိုပင်။ အဓိကတွေးရတာက Kim Taehyungအတွက်။ အစားအသောက်ကို ဟိုဟာလည်းမစားချင်ဒီဟာလည်းမစားချင်နဲ့လေ။ ခုတော့ Taehyungကြိုက်လောက်မည့်အစားအစာကိုပဲရွေးပြီးချက်ထားသည်။မကြိုက်တဲ့အရာကိုချက်လိုက်မိရင် စိတ်ဆိုးနေတဲ့ကောင်ဆိုးလေးကို မီးလောင်ရာလေပင့်သလို ပိုပြီးစိတ်ဆိုးအောင်လုပ်မိသွားလိမ့်မည်။
"သားရေ.."
မီးဖိုချောင်ထဲမှာချက်ပြုတ်နေတုန်း အိမ်ရှေ့ဧည့်ခန်းက အမေ့ရဲ့ခေါ်သံကြောင့် အမေခိုင်းစရာရှိလို့လားဆိုပြီးထွက်လာလိုက်သည်။
"အမေ..သားကိုခေါ်တာ ဘာကိစ္စရှိလို့လဲ"
"အော်..Jinaလေးကို ညစာအတူစားဖို့သွားခေါ်လိုက်ပါ့လားလို့..."
"အမေရယ်..ထားလိုက်ပါဗျာ"
"သူ့မှာသားကိုခင်ရှာပါတယ်..သားနဲ့ရည်းစားမဟုတ်တော့တာတောင် သားကိုSeoulမှာအဆင်ပြေလားဆိုပြီး ခဏခဏမေးတာ..အမေ့ကိုလည်း ဂရုစိုက်ပေးတယ်ကွယ့်"
"အင်းပါ..အဲ့ဒါဆို သားချက်ပြုတ်ပြီးရင် သွားခေါ်လိုက်မယ်လေ"
အမေ့ရဲ့ဆန္ဒကို မလွန်ဆန်ချင်တာမလို့ Jinaကိုသွားခေါ်ဖို့သဘောတူလိုက်တာပင်။ ကိုယ့်ရဲ့သဘောအတိုင်းဆို သွားခေါ်ဖို့ဆိုတာဝေးလေစွ။ Jinaရဲ့အကျင့်ကို ၅နှစ်ကျော်တွဲခဲ့တဲ့ကိုယ်ကပိုသ်ိတာလေ။ Jinaရဲ့ စိတ်ဓာတ်ကိုလုံးဝသဘောမကျမိပါ။ ရည်းစားအဖြစ်ကနေပြတ်ဆဲသွားတာကလည်း သူ့ရဲ့စိတ်ဓာတ်ကြောင့်ပဲ။
အကုန်လုံးချက်ပြုတ်ပြင်ဆင်ပြီးတော့ Jinaကိုညစာစားခေါ်ဖို့ထွက်လာခဲ့လိုက်သည်။
--------
Taehyungမှာ မသိရင်တစ်ယောက်တည်းစိတ်ကောက်နေသလိုပင်။ အိပ်ခန်းမှာတစ်ယောက်တည်း ဟိုလှိမ့်လိုက်ဒီလှိမ့်လိုက်နဲ့ မောင်းထုတ်လိုက်တဲ့လူကများလာချော့မလားလို့ စောင့်မျှော်နေသော်လည်း အရိပ်အယောင်တောင်မမြင်ရ။ နေ့ခင်ကတည်းက လာမချော့တာ ညနေစောင်းလာတာတောင်လုံးဝကိုလာမချော့ဘဲပစ်ထားနိုင်တဲ့ ဆရာJungkookကိုပြဿနာရှာဖို့အခန်းထဲကထွက်လာလိုက်သည်။
YOU ARE READING
𝓨𝓮𝓼 𝓞𝓻 𝓨𝓮𝓪𝓱⁽ᶜᵒᵐᵖˡᵉᵗᵉᵈ⁾
Fanfiction"ဘာမှအများကြီးစဥ်းစားမနေနဲ့နော် ကျွန်တော်နဲ့တွဲမယ်ဆိုရင် Yesကိုရွေး... ကျွန်တော်နဲ့ချစ်သူဖြစ်ချင်ရင် Yeahကိုရွေး Yes or Yeah" "Yes နဲ့ Yeahထက် တွဲချင်ရင်ပြောရတဲ့ပိုလေးနက်တဲ့ စကားလုံးရှိရင်ကောင်းမယ်... Taehyung ဒီနေ့ကစပြီးမင်းက ကိုယ့်ရဲ့ချစ်သူပဲ...
