တံခါးဘဲလ်မြည်သံကြောင့် အိပ်ပျော်နေရာမှ လန့်နိုးလာသည် ။ စာကြည့်ခန်းထဲတောင်မဟုတ်ဘဲ အိမ်ရှေ့ဆိုဖာပေါ်တွင် အိပ်ပျော်သွားမိလေခြင်း ။ ပျံ့ကြဲနေသော စာရွက်များကို တစ်စုတစ်စည်းတည်းဖြစ်စေရန် စီလိုက်ပြီးနောက် တံခါးဆီသို့ သွားသည် ။ နေရာတကျ မအိပ်မိခြင်းကြောင့် နာနေသော ဇက်ကို ကိုင်ကာ တံခါးကို ဆွဲဖွင့်လိုက်သည် ။
" မွေးနေ့ လက်ဆောင် လာတောင်းတာ "
တံခါးကို အပြည့်ပင် မဖွင့်မိ ။ ထိုနေရာမှာတင် အကြောင်သား ရပ်နေမိသည် ။ အတန်ကြာ ရပ်ကြည့်နေမိပြီးမှ အိမ်တံခါးကို ဖွင့်ပေးလိုက်သည် ။
" ထိုင်ဦး "
ဧည့်ခန်းတွင် ထားခဲ့ကာ နှိုင်းကတော့ အခန်းထဲ ဝင်လာခဲ့သည် ။
" ဗုဒ္ဓေါ "
သူမ အရှေ့မှာ မထွက်မိသော အာမေဋိတ်သံက အခန်းထဲရောက်မှ တီးတိုးမျှ ထွက်သွားသည် ။ ရဲတင်းနေသော လေသံက နှိုင်းကို အမှန်တကယ် ထိတ်လန့်စေသည် ။
မွေးနေ့လက်ဆောင် ။
တကယ်ကို ဘာမှ မပြင်ထားမိလေခြင်း ။ မေ့နေတာမဟုတ်ဘဲ မေ့ထားတာ ဖြစ်သည် ။ နာရီကို လှမ်းကြည့်တော့ ၈နာရီ ခွဲပြီးခါစ ။ ရေချိုးခန်းထဲဝင်ကာ ရေကို ကျားလိုက်လာသလို အလျင်အမြန်ချိုးရတော့သည် ။
" ဘာလို့ ... "
အဝတ်ဗီရိုထဲက အဝတ်တွေ တစ်ထည်ပြီး တစ်ထည် ။
နာရီတွေ တစ်ခုပြီး တစ်ခု ။
ဖိနပ်တွေ တစ်ရံပြီးတစ်ရံ ။
" နှိုင်းရေ စိတ်အေးအေးထားစမ်း "
ဒါလည်း နှိုင်းမခက စိတ်တိုင်းမကျပါ ။ မှန်ရှေ့ ရပ်နေပြီးမှ ဘာလို့ ဒီလိုလုပ်နေမိလဲ ဆိုတာကို ပြန်တွေးရသည် ။ အဖြေတော့ မထုတ်မိတော့ ။ အလိုက်ဖက်ဆုံးလို့ ထင်ရတဲ့ အင်္ကျီတစ်ထည်ကို ကောက်ဝတ်လိုက်သည် ။
ပိုက်ဆံအိတ်ထဲ ကတ်တွေ စစ်ပြီး ထည့်ကာ အပြင်ပြန်ထွက်လာသည် ။ တစုံတယောက်ကတော့ နှိုင်းပြောခဲ့တဲ့အတိုင်း အေးအေးလူလူ ထိုင်နေဆဲ ။
" သွားမယ် "
သူမက နှိုင်းကို လှည့်ကြည့်လာသည် ။
YOU ARE READING
Once Upon On Us
Romanceတိမ်ဆိုင်တစ်ခုကို ချစ်မိသည် ။ ဖမ်းဆုပ်ဖို့တော့ မဖြစ်နိုင် ။ တိမ္ဆိုင္တစ္ခုကို ခ်စ္မိသည္ ။ ဖမ္းဆုပ္ဖို႔ေတာ့ မျဖစ္ႏိုင္ ။ { Cover photo from Pinterest }
