Unicode
_______
" အစ်မကို မီးဖိုချောင်ထဲ မဝင်နဲ့လို့ပြောတယ်မလား ! "
ထမင်းစားပွဲမှာ ငြိမ်ငြိမ်လေးထိုင်ပြီး အဆူခံနေရပေမယ့် စိတ်ထဲမှာတော့ ကြိတ်ပြီး ကျေနပ်နေသူ နှိုင်းပင် ။
" ဘာမှ လုပ်စရာမလိုဘူးလို့ ပြောတယ်လေ ၊ အဲ့လက်တွေကို အသုံးဝင်မယ့် နေရာမှပဲ အသုံးချစမ်းပါ ။ "
နှိုင်းဖွထားသမျှ မီးဖိုချောင်သုံးပစ္စည်းများကို ရှင်းနေရသော်လည်း ပွစိပွစိဖြင့် ပြောနေတာကတော့ မရပ်ပေ ။
" ဒီထက် ပိုထိသွားရင် ဘယ်လိုလုပ်မလဲ ၊ လူက တစ်ပတ် ၄ရက်လောက် ခွဲခန်းဝင်နေရတာ ။ "
" ဒီတစ်ပတ်က operation မရှိပါဘူး "
" ပြန်ပြောပြန်ပြီ "
ဘယ်ဘက်လက်က ဓားဒဏ်ရာသေးသေးလေးကို ကြည့်ပြီး ပြုံးမိပြန်သည် ။ ဒဏ်ရာကတော့ တကယ့်ကို မပြောပလောက်တဲ့ အနေအထားပင် ။ နောက်လည်း လှည့်မကြည့်ပဲ တစ်ယောက်တည်း ပြောချင်ရာ စွတ်ပြောနေသော ကလေးမက အလွန်အမင်းပင် ချစ်စရာကောင်းနေသည် ။ ထိုကျောပြင်ကို ထွေးပွေ့လိုက်ချင်စိတ်က တားမရ ။
စိတ်မထိန်းနိုင်စွာဖြင့် အနောက်မှ သိုင်းဖက်လိုက်မိသည် ။ ဘေးတစောင်းမြင်နေရသည့် လွန်း၏ ပါးကို ဖြတ်ခနဲ လှမ်းနမ်းတော့ ကလေးမက ရှောင်သည် ။
" ရယ်မနေနဲ့နော် နှိုင်းမခ ၊ ဆူနေတာကို လေးစားသမှုလေး ရှိဦး ။ "
နှိုင်း၏ လက်ကိုဖြုတ်ချကာ အပြင်ကို ထွက်သွားပြီး လွန်းပြန်ဝင်လာတော့ လက်ထဲတွင် အနာကပ် ပလါစတာတစ်ခုပါလာတယ် ။
" ပေး လက် "
အသံထွက်အောင် ခစ်ခနဲ ရယ်ချလိုက်တော့ မျက်စောင်းတစ်ခုက ဒိုင်းကနဲ နှိုင်းရဲ့ နှလုံးသားကို ပြေးစောင့်တယ် ။
" ပျော်နေတာလား ဟုတ်လား ။ "
" အင်း "
" ဘာပြောတယ် ! "
" ဒီလောက်ထိ တန်ဖိုးထားရမယ့် လူဆိုတာ ထပ်ပြီး ပေါ်လာခဲ့မယ်လို့ မထင်ထားခဲ့ဘူး ။ အမှန်အတိုင်းပြောရရင် လွန်းမဟုတ်တဲ့ တခြားလူကို လွန်းကို ပေးခဲ့ဖူးသလောက် အချစ်တွေကို ဘယ်တော့မှ မပေးဘူးလို့ ဆုံးဖြတ်ထားခဲ့တာ ။ ထပ်ပြီးရောက်လာတဲ့ ဂရုစိုက်စရာ လူကလည်း လွန်းငယ် ဖြစ်နေတော့ အရမ်းပျော်တယ် ။ "
YOU ARE READING
Once Upon On Us
Romanceတိမ်ဆိုင်တစ်ခုကို ချစ်မိသည် ။ ဖမ်းဆုပ်ဖို့တော့ မဖြစ်နိုင် ။ တိမ္ဆိုင္တစ္ခုကို ခ်စ္မိသည္ ။ ဖမ္းဆုပ္ဖို႔ေတာ့ မျဖစ္ႏိုင္ ။ { Cover photo from Pinterest }
