ဗီလိန်အားမှားယွင်းစွာကယ်တင်မိခြင်း {Mmtranslation} [Dropped]

Ch.(26) ခံစားချက်ထိန်းချုပ်ကူ

Unicode

စီနီယာအမ တစ်ခါပြောခဲ့ဖူးသည်။ 'လူ၏ပါးစပ်သည် လှည့်စားတတ်သောပါးစပ်ဖြစ်သည်'

အန်းလုံ ထုတ်ယူလာသော ကူကို "ခံစားချက်ထိန်းချုပ်ကူ" ဟုခေါ်သည်။

စုန်ချင်ရှစ် ​​အရင်က တစ်ခါမှ မကြားဖူးတဲ့ ဒီမျိုးစိတ်က အန်းလုံရဲ့ လျှို့ဝှက် ကူမျိုးစိတ်တစ်ခုပင်။

ခံစားချက်ထိန်းချုပ်ကူသည် ကုသမှုအမျိုးအစား ကူဖြစ်သည်။ ၎င်းသည် သေးငယ်သောပိုးကောင်နှင့်တူသည်။ ပါးစပ် သို့မဟုတ် ချွန်ထက်သော ခြေသည်းများမပါဘဲ အဖြူရောင်ရှိပြီး၊ နူးညံ့လှသည်။ ၎င်းတွင် မည်သည့် တိုက်ခိုက်နိုင်စွမ်းမှ မရှိပဲ တော်တော်ပင် ချစ်ဖို့ကောင်းပေသည်။ ၎င်းသည် အသက်ရှင်နေထိုင်ရန် လူသားတို့၏ ဆန္ဒများနှင့် စိတ်ခံစားချက်များကို စုပ်ယူသည်။ အဆို့ရှင်ကဲ့သို့ပင်၊ သုံးစွဲသူသည် ပိုလျှံလာသော စိတ်ခံစားချက်များကို အတိုင်းအတာတစ်ခုအထိ စုပ်ယူစေကာ ခံစားချက်များကို တည်ငြိမ်စွာထိန်းထားနိုင်သည်။

၎င်းသည် မူးယစ်ဆေးဝါးထက် ပိုမိုကောင်းမွန်သော ထိန်းချုပ်မှုအဆင့်ကို ပေးစွမ်းပြီး နတ်ဆေးဘုရင်တောင်ကြား၏ စိတ်ငြိမ်ဆေးနည်းထက် များစွာသာလွန်လှသည်။

အန်းလုံသည် ခံစားချက်ထိန်းချုပ်ကူကိုအသုံးပြုရာတွင် ထိခိုက်မှုမရှိကြောင်း သူ၏ဘိုးဘေးများ​နှင့်ပင် ကျိန်ဆိုခဲ့ရသည်။ ခံစားချက်ထိန်းချုပ်ကူသည် စိတ်အားထက်သန်သော ကူဖြစ်ပြီး ၎င်း၏လက်ခံကောင်ထံမှ စိတ်ခံစားချက်များကို စုပ်ယူခြင်းမှလွဲ၍ မည်သည့်ညွှန်ကြားချက်ကိုမှ လက်ခံမည်မဟုတ်ပါ။ ဤကူကို မကောင်းမှုပြုရန် သူ မထိန်းချုပ်နိုင်ပေ။

စုန်ချင်ရှစ် စမ်းကြည့်တော့ သူပြောသလိုပါပဲ။ ခံစားချက်ထိန်းချုပ်ကူသည် စိတ်ကုထုံးအတွက် တီထွင်ထားသော ကူဖြစ်သည်။ ဤကူ၏ ဒီဇိုင်းသည် အန်းလုံ၏ ပုံစံနှင့် လုံးဝ မကိုက်ညီသောကြောင့် သူ့စိတ်ထဲတွင် အတော်လေး အံ့အားသင့်သွားသည်။ အန်းလုံ၏ စိတ်ဝင်စားမှုများသည် လူသတ်အမျိုးအစားကူများတွင် ပိုတွင်ကျယ်ပေသည်။ ပိုရက်စက်လေ ပိုကောင်းလေပါပဲ။ အရန်ကူအချို့ပါသော်လည်း စုံစမ်းမေးမြန်းရန်အတွက် ညှဉ်းပန်းနှိပ်စက်မှု သို့မဟုတ် ထိန်းချုပ်မှုအမျိုးအစား ကူများသည် ပထမဦးစားပေးဖြစ်သည်။ ကုသမှုအတွက်၊ သူသည် ခန္ဓာကိုယ်သန့်စင်စွမ်းရည်၊ အဆိပ်အတောက်ကျွမ်းကျင်မှုနှင့် အနန္တကူဂိုဏ်းမှ အဆင်သင့်လုပ်ထားသော ကူတို့ကို အားကိုးအားထားပြုသည်။ သူ့တွင် ဆေးဘုရင်တောင်ကြားမှ အထူးဆေးပြားနှင့် အလွန်ထူထဲသော အသားအရည်လည်းရှိသည်။ ဤကူမျိုးကို အထူးတလည် ပြုစုပျိုးထောင်ရန် မလိုအပ်ပါ။