ဗီလိန်အားမှားယွင်းစွာကယ်တင်မိခြင်း {Mmtranslation} [Dropped]

Ch.(36) ချင်းလွမ်ရဲ့ဆုတောင်း /ခ်င္းလြမ္ရဲ႕ဆုေတာင္း

Unicode

"ဖုန့်ချိုးဟွမ်"ရဲ့ နောက်ဆုံးအရောင်​လေး ပျောက်ကွယ်သွားခဲ့ပြီ။

စုန်ချင်ရှစ်သည် လူတိုင်း၏ အတန်းတွင်းလုပ်ဆောင်မှုကို စစ်ဆေးပြီး ၎င်းတို့၏အဆင့်နှင့် စွမ်းရည်ကို ဆုံးဖြတ်ပေးခဲ့သည်။

ယွဲ့ဝူဟွမ်သည် အလွန်ကောင်းသော ပျိုးပင်များကို အမှန်ပင် ရွေးချယ်ခဲ့တာပင်။ ထို့အပြင် ဘာသာရပ်များကို ကျွမ်းကျင်မှုအလိုက် ဖြန့်ဝေပေးထားသည်။ လူတိုင်းရဲ့အဆင့်တွေက အရမ်းကောင်းပါတယ်။ ထိပ်တန်းကျောင်းသားနှစ်ယောက်ဖြစ်တဲ့ ချင်းလွမ်နဲ့ မင်ဟုန်ကိုတော့ ပြောစရာမလိုပေမယ့် ပျင်းရိတဲ့ရုန်ယဲ့မှာတောင် သူ့ရဲ့ထူးခြားတဲ့ အရည်အသွေးတွေရှိပါတယ်။ သူ၏စိတ်ပါဝင်စားမှုမှာ ဆေးပညာတင်မက စက်ကိရိယာများ ဖန်တီးခြင်းတွင်လည်း အဓိကဖြစ်သည်။

ယွဲ့ဝူဟွမ်က ပြုံးပြီးပြောသည်။ "ချင်းလွမ်က အရမ်းထက်မြက်ပြီး အရည်အချင်းရှိတယ်။ သခင်တံခါးပိတ် ကျင့်ကြံနေတုန်းက သူမပဲ ကျွန်တော့်အတွက် အခက်အခဲတော်တော်များများ ကိုင်တွယ်ပေးခဲ့တာ"

စုန်ချင်ရှစ်သည် သူ၏ ရှင်းလင်းပြတ်သားသော အရိပ်အမြွက်ကို နားလည်ပြီး ချင်းလွမ်ကို လာရန် အချက်ပြခဲ့သည်။ သူမ၏ ကျင့်ကြံရေးအခြေခံကို စူးစိုက်စစ်ဆေးကြည့်ရာ ထိုမိန်းကလေးသည် အခြေခံအုတ်မြစ်ချအဆင့် ရောက်ရှိနေပြီဖြစ်ကြောင်း တွေ့ရှိခဲ့သည်။ သူမတွင် သစ်သားနှင့် ရေကိုအခြေခံသော ဝိညာဉ်အမြစ်နှစ်ခုရှိတာကြောင့် သူမရဲ့ အရည်အချင်းမှာ မဆိုးလှပေ။ ကျေနပ်စွာ ခေါင်းညိတ်ပြပြီး နောက်ပိုင်း သူ့ဘေးမှာထားကာ ပိုဂရုတစိုက်ကြည့်ဖို့ဆုံးဖြတ်လိုက်သည်။ အားလုံးအဆင်ပြေရင်တော့ သူမကို သာမန်တပည့်အဖြစ် လက်ခံပြီး ယွဲ့ဝူဟွမ်ဆီသို့ သူ့ရဲ့လက်ထောက်အဖြစ် လွှဲပြောင်းပေး​မည်ပင်။

ချင်းလွမ်သည် မြေပြင်ပေါ်တွင် ဝပ်လျက်ဦးညွှတ်ကာ အရိုအသေပြုလေသည်။

စုန်ချင်ရှစ်သည် သူမခန္ဓာကိုယ်ပေါ်ရှိ Acacia Sealကို တွေးမိပြီး လှည့်ကြည့်ကာ ယွဲ့ဝူဟွမ်ကိုမေးလိုက်သည်။ “စိတ်ဝိညာဉ်အားလုံးရဲ့အနှစ်သာရက ကြားခံသက်သက်ပဲ။ အစီအရင်နဲ့ တံဆိပ်ခတ်ခံရပြီးရင် တူတဲ့တံဆိပ်တွေကိုလည်း ဖယ်ရှားလို့ရတယ်လေ။ မင်းဘာလို့ဒီဟာကို မဖယ်ရှားသေးတာလဲ?"