အသံပိုင်ရှင်က ညနေက ကလေးမလေး။
ဆံပင်နှစ်ဖက်ပိုကျစ်ဆံမြှီးခွဲကျစ်ထားပြီး ဂါဝန်အရှည်ဖားဖားပေါ်၌ သိုးမွှေးခြုံထည်ကိုထပ်ကာလွှမ်းခြုံထားသည်။
ထိုကလေးမလေးကပင် ဦးဆောင်ပြီးအိမ်ထဲခေါ်သွားပေး၏။
အိမ်ရှေ့ခန်း၌ မီးလင်းဖိုတစ်ခုဖိုထားပြီး ထိုဘေး၌ မိသားစုဖြစ်ဟန်တူသူများဝိုင်းဖွဲ့ထိုင်နေကြသည်။
အသက်ခပ်ကြီးကြီးအမျိုးသမီးကြီးက သိုးမွှေးထိုးနေရင်းမှ
"အရှုပ်တွေလုပ်လာပြန်ပြီလား Jenna..."
"အမေကလည်း... ဒီအကိုက ဒုက္ခရောက်နေလို့ဟာကို..."
"အေး...ညမှောင်နေပြီ... လူကောင်းမှန်းမသိလူဆိုးမှန်းမသိ..."
"အစ်ကို့ပုံစံက လူကောင်းပုံစံပါအမေရယ်..."
"အဲ့လိုတွေကြပ်ကြပ်လုပ်! Vampireကိုအိမ်ထဲခေါ်သွင်းမိမှ ဒုက္ခရောက်ကုန်မယ်..."
ထိုသားအမိက ကျွန်တော့်ကိုအရှေ့ထားပြီးအချင်းများနေကြသည်။ကျန်သည့်အိမ်သားများကတော့တစ်ခွန်းမှဝင်မပြော ပွဲကြည့်ပရိတ်သတ်လုပ်နေကြတာ....။
"ဟို...ကျွန်တော်က လူကောင်းပါခင်ဗျာ...Dariaကလာတဲ့ခရီးသွားဧည့်သည်ပါ.... "
သူဖြေရှင်းချက်ပေးလိုက်တော့ ကလေးမရဲ့အမေက ဘာမှဆက်မပြောတော့ပေမယ့် သူ့သမီးကိုကြိတ်ဆူနေသည်။
"တည်းခိုစရိတ်ကိုလည်း ပေးမှာပါခင်ဗျ.."
ကလေးမက
"မဟုတ်တာပဲ အကိုရယ်....မလို...."
"အို...လိုတာပေါ့ ဘယ်လောက်ပေးမှာလဲ...."
စကားတောင်မဆုံးသေး ကလေးမအမေကဖြတ်ပြောသည်။
ရှုံ့ကြိုးအိတ်နှင့်ထုတ်ထားသည့် ဒင်္ဂါးပြားထုတ်ကို သူမရှေ့ကမ်းပေးတော့ ခုနကနဲ့မတူ ပြုံးဖြီးသွားပြီး
"ဒီလောက်ငွေအများကြီးနဲ့ဆို စိတ်ကြိုက်နေ.."
"အမေ!!!..."
ကလေးမက ထ အော်တော့သည်။
တကယ်တကျက်ကျက်နဲ့မိသားစုက အနေခက်စေသည်။
YOU ARE READING
The Daisy Diary(Red Eye Of Darkness)
Fanfictionမြို့စွန်က စံအိမ်နီကြီးရယ်၊အသက်ဝင်နေတဲ့ကျိန်စာတွေရယ်...အနီရောင်မျက်ဆန်တွေနှင့်လူတစ်ယောက်...