Just little warning:
မောင်သည်အပြင်းအထန်နမ်းရှိုက်လာပြီးနောက် Taehyung ကိုယ်လုံးလေးအားပွေ့ချီကာ အိပ်ယာထက်သို့ချပေးသည်။နှုတ်ခမ်းချင်းချိတ်ဆက်မှုသည်လည်းလစ်လပ်မှုမရှိစေရ။
အိပ်ယာပေါ်သို့ရောက်သောအခါ ေမာင်ကအပေါ်မှအုပ်မိုးလျက် မျက်လုံးချင်းဆုံအောင်ရွှန်းရွှန်းစားစားစိုက်ကြည့်လာသည်။
မောင့်အကြည့်တွေကိုရင်မဆိုင်ဝံ့သူTaehyungက အမြဲတစေအကြည့်လွှဲမြဲသာ။"မောင့် မျက်လုံးတွေထဲ သေချာကြည့်"
အမိန့်ဟူ၍မဆိုသာသော အသံနောက် Taehyungဟာ ဦးညွှတ်မိပြန်သည်။
သူဟာ မောင်ဆိုသည့်ကွန်ရက်ဝယ် အကြိမ်ကြိမ်ကျရှုံးရင်းသာ။
အကြည့်ချင်းဆုံတော့ မောင်ကနှစ်လိုဖွယ်ခပ်ရေးရေးပြုံးပြပါ၏။
ပါးချိုင့်ပိစိလေးတွေခွက်ဝင်သွားသည်ကို လက်ညှိုးလေးဖြင့်မရဲတရဲထိကြည့်မိလိုက်သည်။
မောင်ကနဖူးပေါ်ဝဲနေသည့်Taehyungဆံပင်လေးတွေကိုသပ်တင်ပေးရင်းမှ
"မောင့်ကို ဘယ်လောက်တောင်ချစ်သလဲ..."
"အများကြီး...အများကြီးပြောမပြတတ်အောင်ချစ်တယ်.."
လက်နှစ်ဖက်ကိုအများကြီးဆိုသည့်ပုံသဏ္ဍာန်ပေါ်အောင်ဝေ့ဝိုက်ပြတော့ မောင်ကနှာခေါင်းလေးရှုံ့သည်အထိရယ်မောရင်း...
"မင်းက တကယ့်ကလေးလေးပဲ.."
ကြားရခဲသော မောင်၏တီတီတာတာစကားများဖြစ်သည်။မောင်သည်လည်း Taehyungကို ချစ်ခဲ့ဖူးသလားဆိုတာကို သိပ်ကိုသိချင်မိသည်။ထို့ကြောင့်အရဲစွန့်ကာပင်..
"မောင်...မောင်ကရောဟင်..."
မေးပြီးနောက်မောင်၏နှုတ်မှထွက်လာမည့်အဖြေကိုမကြားဝံ့ပြန်။မောင်သည်နှုတ်ဆိတ်လျက်တွေဝေနေပြန်ပါသည်။ဒီအခြေနေဆို သိသင့်ပြီမို့ Taehyungမျက်ရည်တွေဝဲတက်လာရသည်။မောင်နဲ့ပတ်သတ်ရင်သူက ကွဲလွယ်ရှလွယ်တဲ့ ကြွေရုပ်ပမာ။
"ဟေး...မငိုရဘူးလေ...မင်းမျက်ရည်ကျတာကို မောင်မကြိုက်ဘူး.."
ကျလုဆဲဆဲမျက်ရည်တွေကိုကြည့်ကာ မောင်က အလျင်စလိုတားသည်။
YOU ARE READING
The Daisy Diary(Red Eye Of Darkness)
Fanfictionမြို့စွန်က စံအိမ်နီကြီးရယ်၊အသက်ဝင်နေတဲ့ကျိန်စာတွေရယ်...အနီရောင်မျက်ဆန်တွေနှင့်လူတစ်ယောက်...